Giidaheechta 1:18 - Bibliyeeda Ghaydit

¹⁸ ghayi ghaameayi, ak ging'ulayi geawooschi majeek; ghayi ghaameayi, asi ng'ula geawooschi majeek damanda manda muudeanooda, ak geandeawi gisiitina gidaghuuta Miyeeda ea Gheeda maloonghajeega.

NEAJEEDA EESH BEA BUUNEESSEAN

¹⁸ ghayi ghameayi, ak ging'ulayi geawoschi majeek; ghayi ghaameayi, asi ng'ulla geawoschi majeek damanda manda mudeanooda, ak geandeawi gissiittinna gidaghuutta Miyeeda ea Gheeda maloonghajeega.

Giidaheechta 1:18 Mawu Ofanana

AYUBU 19:25

Ak aniini ghaanali gideaba lealnoocheandeanyu ea majeek, nea aba huuydeanda gaygagoonan gitoobiiwsean aba hiji bea badayda ng'eanyiidean.

AYUBU 38:17

Ghana ghoang'wa ea siihiimu gidaghuuta miyeeda, ghana nidaahi gidaghuuta heeda misana muuchi?

NYIIGHEEGA 18:46

NG'UTAMIIDA dea majeek gil, eebadiischeesiina lagheaneedeanyu;

NYIIGHEEGA 68:20

ASEETEANYA niny ASEETA lealu fihi; nea naweadinga riteawa jeeda miyeeda gwanda heeda ASEETA was NG'UTAMIIDA.

ISAYA 22:22

Ak gaydayiin hamarjeadaanyi gisiitina ghuuta gheeh Dawdi. Niny gaygootin ak ea manda siida jea ghwarat, ak gayghwarat, ak ea manda siida jea gootin.

Mattayo 11:23

Eara ang'iing'i Gapernaumu, gajeetiing'neey ea gula humng'eeda? Gajeahiing'neeyi ea una jeeda maloonghajeega. Aba gideaba inyeeda ghayi ng'asheega deamdeameadi sisin aba ng'eang'deang'wa geesissa mujiineeda Sodoma, gwachi mujiineedida gajea gudugwanda ea gagul ghamneawa.

Mattayo 16:19

Ak aniini gaydagoonyi gichea atinana sugoocheanduumeeda humng'eeda, ak gidiradi aba hiji bea muunda ng'eanyiidean abeeda gajea sirat aba hoowa bea humng'eedean, ak gida wassean iitini aba hiji bea muunda ng'eanyiidean abeeda gajeetin aba hoowa bea humng'eedean.”

Lukka 24:5

damanda duu ghang'uda muuwda nea ghwahiiy geat googeal iheenga nyaawa ng'eanyi, gwayeesha sih saawa, “Ghwasaan anda googaseadayi siida majeek aba jeeda fuga nimeewa?

Yohaana 11:25

Ghwalamda Yesu ak gwayeesha niny, “Aniini geawooschi duunooda ea eaweega; siida iimwasan eara ghami gajea majeek,

Yohaana 14:19

Sinung' gilimwanang' ak ea maygudu ghwadaahan ng'eanyiida, duuku agooga gajadaahaan; aba gideaba aniini geawooschi majeek, abeeda eara agooga gajawoosa majeekcheewi.

Ruumi 6:9

Nea geanali gideaba iimuchu nea gwaduuna Gristo miyeeda abeeda ea maygudu gabiikta ghami; nea miyeeda ea maygwandeawa uurda aba badaydaanyi.

2 Goriinto 13:4

Aba gideaba niny ghayi geengoor aba jeeda ng'arng'aranda, ak goobiideewa uurda ASEETA. Nea geawooschi ng'arng'ari aba badaydeaba niny, amadu nea gagadiyeeseegwa gajeendeayeena sea niny aba uurda ASEETA.

Galattiya 2:20

Geengooran sea Gristo, ak geawooschi majeek ak ea mii aniini gil, Gristo eamajeek aba jeedeanyu, ak majeeknata eandeawi ghamneawa aba saseeda, geandeawi aba masaweega Orjeeda ASEETA, dea bwariinyan ak gabeagu eaweagaaschi aba badaydeanyu.

Golosaayi 3:3

Aba gideaba agooga goomeeway ak eaweegeagwa ea sifuy sea Gristo aba heeda ASEETA.

Ebraniya 1:3

Aba gideaba niny ghoahiimu weeshinda giigheambiita ASEETA nea gwandeawa giirooraneeda ea seareadaanyi, ak ghwasar ng'eanyiida aba ng'asheandaanyi mideawa uurda. Iing'ata nea nisin giimiinnooda riing'eeda, hean goopteada aba meatkweeda geatinda dugwa bea ASEETA was Ng'utamiida aba hoowa bea dea daliiliin.

Ebraniya 12:2

nea geeng'ulayi Yesuheeda asheeda was dea amajeek masaweagaasa, was dea aba hooseaneega siyiin madeadaanyi ghoahang'waay aba beehiida, ak gafool baspaseega, ak goopteada aba meatkweeda geatinda dugwa bea hoorgeeda gheambalmeeda ASEETA.

Ebraniya 7:16

amadu ghoah ashoohoocheanda, nea mii aba naweeda deaweedeeda gasa saseeda gil aba jeata geaghus aba uurda eaweega mayghwadatasa.

Ebraniya 7:25

Nea giduurji sean ghoamu aba damanyoojiga sean gwalealu fugiga neekiissa ASEETA aba ninyiin, nea niny gwanda galeagasean nea gooduupchi saawa.

Giidaheechta 10:6

ghwaak habeawooda aba ninyeeda majeek ea ghoah damanda manda muudeanooda, ninyeeda bwat humng'eeda ea haleanjeeda mida jeeda, ea ng'eanyiida ea haleanjeeda mida jeeda, ea basooda ea haleanjeeda mida jeeda, ak ea maygudugwanda shing'deayda,

Giidaheechta 15:7

Hean gageanu akaleala aba jeedeaba diyeangiga asang'wan majeekcheewiin ak ghoadaw malaykajeegiga asispwaan gweeraji ispwa sisna dahaabu nea ghwanyiit nyarasta ASEETA majeek ea ghoah damanda manda muudeanooda;

Giidaheechta 2:8

“Heeda malaykajeanda ganiiseeda Smirna ng'oara, ‘Ng'asheega madeeda ea dea huuydean, was dea ghayi meah ak gabiikta gamajeegiit.

Giidaheechta 20:13

Gooruudu basooda fuga nimeewa mida jeadaanyi, ak gooruudu miyeeda ea Gheeda maloonghajeega fuga nimeewa mida jeadaanyi, ak geergweaksiina sean gidaghayi nisin.

Giidaheechta 20:14

Hean geejaksa miyeeda ea Gheeda maloonghajeega jeedeaba basoodida bea beastean. Nea nih ea miyeedeaba iyeenya gil, basooni bea beastean;

Giidaheechta 3:7

“Heeda malaykajeanda ganiiseeda Filadelfiya ng'oara: ‘Suh ng'asheega siida ghaydit gil asakaleala, bea huumwa, mideawa gisiitina gidaghuuta sugoocheanduumeeda Dawdi, siida ama atin ea manda siida ammu ghwarat, siida amarat ea manda siida jea gootin.

Giidaheechta 4:9

Ak ghoadaw diyeanga majeekcheewiin giigheambiita ea mureeda ea badiischooda ninyeeda apteada aba uhuuda hoorgeeda gheambalmeeda maygoosha, damanda manda muudeanooda,

Giidaheechta 5:14

Ak gwayi diyeangiga asang'wan majeekcheewiin, “Amin!” ak goobeedeayi gweargwa ak ghaghadoawan.

Giidaheechta 6:8

Hean ghaadaayi, ak geang'ulayi, faraaseeda mur, nea siida mida badayda ea Miyeeda gil, nea goodeayi Gheeda maloonghajeega; ak geataw uurda aba badayda ng'eanyiida hiji mwanang', ak gwanuus aba ng'uta ea geejeeda ea dawni ea diyeanga ng'weani bea ng'eanyiida.

Giidaheechta 9:1

Hean googuul malaykajeandeaba muut durumbeateadaanyi, ak ghaadaayi miing'weanda ng'adaana humng'eeda ak goobissa badayda ng'eanyiida, ak geataw gida jea gootina ghuuta shoomanda mamuudeana;

1 SAMWELI 2:6

NG'UTAMIIDA iissa gwanuus nea gweatu eaweega; nea ghwaat ng'eanyi ea ghwahita uuta ng'eanyiida heeda maloonghajeega ak gabiikta gooscheeng'u.