Giidaheechta 1:11 - Bibliyeeda Ghaydit

¹¹ “Ng'oorsiina haleanjeeda idaahi jeeda gitaabu ak giyeasi ganiisajeega asispwa, dea Efeso ea Smirna ea Bergamo ea Diyatira, ea Sardi ea Filadelfiya ea Laodikiya.”

NEAJEEDA EESH BEA BUUNEESSEAN

¹¹ “Ngoorsiina haleanjeeda idaahi jeeda gittaabu ak giyeassi ganiisajeega assispwa, dea Efeeso ea Smirna ea Bergamo ea Diyattira, ea Sardi ea Filadelfiya ea Laodekkiya.”

Giidaheechta 1:11 Mawu Ofanana

ISAYA 30:8

Asi una ak ging'waari aba madeanyaawa, ng'oorsiina badayda beehiida ak ging'oorsi jeeda gitaabu ak ghoah muuwuunooda jea ghwahidu damanda manda muudeanooda.

YEREMIYA 30:2

“Gwayi NG'UTAMIIDA was ASEETA Israeli: Ng'oorsiina jeeda gitaabu ng'asheega sean earukuneey.

HABAKUKI 2:2

Ak gwayeeshiinean NG'UTAMIIDA: “Ng'oara gisiihiimu; nea giidaajiidi aba badahuuka lagheanga, ak ghoamu ghoasoamwa siida fwach.

Gadiyeeda Giijasoodiga 16:14

Abeeda gwanda gatmoanagi aleeyseasa iit siguura Lidiya, leabu mujiineeda Diyatira, nea gwasheahiida hang'weaka oomng'i, haw sheayeat ak gabada ASEETA. Hean ghwajaat Ng'utamiida gurooroadaanyi gooleeysiit muuchi ng'asheega rugu Bawlo.

Gadiyeeda Giijasoodiga 18:24

Ghayi gwanda siispa Yahudi siguura Apolo sijiilsa ng'eanyiida Aleksandariya, ghwahidu ng'eanyiida Efeso. Siisi abeeda baloolaneeda gil, ak gabiissa ghwanal muuchi ng'ooruutka ghaydidi.

Gadiyeeda Giijasoodiga 20:17

Damanda mideewa Mileto goojeaksa eeguursa gweargwa ganiisa mida Efeso.

1 Goriinto 15:32

Gaydanya naaha abeeda iyeabalooldi siida, aniini geang'ucheewi diyeanga aba Efesohiin? Aba iimaduutuuna fuga nimeewa, “Asi eeyeagiischeena nea geeleeshi, aba gideaba numuji gajeemeewa.”

1 Goriinto 16:8

Ak gayghanyi deabiida ng'eanyiida Efeso ea ghwahita damanda ghweelmeeda Bentekosti,

Efeeso 1:1

Bawlo, Giijasoocheanda Gristo Yesu, aba gidagasiida ASEETA. Heeda Fuga ghaydidi biissa ea doobiiweadi aba jeeda Gristo Yesu.

GIIPKEATA DIIGHEANDA 31:19

Asi ng'oara duumi ak giinaali fuga Israeli, ak giyiini jeeda ghuusiga nyaawa, ak gayghoah duumi muushoocheanda aba heedeanyu aba badayda fuga Israeli.

Golosaayi 2:1

Geagasayi anala gideadeawiiti aba badahuukeagwa, ea badahuuka fuga mida ng'eanyiida Laodikiya, ea giika miighwadaahaniin,

1 Dimotteo 1:3

Damanda ghayi eaweewi Makedoniya geamuscheey gideaba abiidana Efeso. Ak eara ghamneawa geamuscheey aba gideaba gwanda fiisu anaal giinealshooda ng'uyeega aghuuma fiisu.

Giidaheechta 1:17

Iidu nea ghaadaayi niny, geabeedeaysi geeshangaaschi ea dawuurji siida nimi. Hean ghwayiin geatindaanyi bea dugwa uhuudeanyu nea gwayi, “Adibeali, Aniini geawooschi dea madeeda ea dea huuydean ea dea majeek;

Giidaheechta 1:19

Asi ng'oara haleanjeeni idaahiin, ea gea ghamneawa mida, ea gea iidu jea gabassa iing'ata suh.

Giidaheechta 1:2

amadu gamuuwu Yohana iita ng'asheanda ASEETA ea muuwuunooda iita Yesu Gristo, ea iita haleanjeeda sean ghayi dea.

Giidaheechta 1:20

Makcheameedeaba miingiga as ispwa ideaksi geatindeanyu bea dugwean, ea hoorgajeegiga as ispwa meeng'meeng'iin, miingiga as ispwaan, malaykajeega ganiisajeegiga as ispwaan ak eara hoorgajeegiga as ispwa meeng'meeng'iin ea ganiisajeegiga asispwaan gil.

Giidaheechta 1:4

Yohana heeda ganiisajeega asispwa mida Asiya: Gagasa anyasa dagheerjeanduumeeda ea hoyyooyda leabu heeda dea mida ea dea bean gwanda dea jea ghwahidu, leabu heeda gurooruunat ispwa mida madeeda hoorgeadaanyi bea sugoocheanduumeeda,

Giidaheechta 1:8

“Aniini geawooschi Alfa ea Omega,” dea madeeda ea dea huuydean, aba ginyah Ng'utamiida was ASEETA, dea mida ea dea bean gwanda ea dea jea ghwahidu, was ASEETA mideawa uurda.

Giidaheechta 10:4

Ng'ata nyeashteaba giighweendanyeekiga asispwaan, abeeda ea neagasayi dang'waar, hean ghaayiinyi ghuuta leabu humng'eeda nea gwayi, “Aroora ng'asheesu rugu giighweendanyeekiga asispwaan, ak ea ading'waari.”

Giidaheechta 14:13

Hean ghaayiinyi ghuuta nyaasha humng'eeda nea gwayi, “Ng'oara ng'asheesu: Ghang'wana siida meah ghamneawa meewsa heeda Ng'utamiida.” “Ghang'wana huumwa,” gwayi Guroorooda, “ak gafuuf iing'ata gadiyeeda nyaawa, aba gideaba sinaweega nyaawa ghwaat geeshta!”

Giidaheechta 19:9

Hean gwayeeshean malaykajeanda, “Ng'oara ng'asheesu: Ghang'wana fugiga siguursa hamita geeshooda Dayeenda Gisilleandean.” Ak gwayeeshiinean, “Suh ng'asheega huumwa bea ASEETA.”

Giidaheechta 2:1

“Heeda malaykajeanda ganiiseeda Efeso ng'oara, ‘Ng'asheega ninyeeda mideawa miinga asispwa aba geatindaanyi bea dugwa nea gwaneayeewa dageascheeda hoorgaji ispwa bea gheaboonyanga meeng'meeng'i.

Giidaheechta 2:12

“Heeda malaykajeanda ganiiseeda Bergamo ng'oara: ‘Suh ng'asheega dea mideawa ng'uta ng'aniip meadajeega duwaawi.

Giidaheechta 2:18

“Heeda malaykajeanda ganiiseeda Diyatira ng'oara: ‘Ng'asheega Orjeeda ASEETA, bea gheanyanga oar ng'ushapta beasta, ak geeshangaaschi gawuurji lagheaneeda mur sisiy muuchi.

Giidaheechta 2:24

Nea fuga mida jeedeang'wa aba ng'eanyiida Diyatira, was fuga moang'waanya giinealshooniin, fuga mwanala gidaguura buuneeda mwaatkwa haleanjeeda sheagi jih bea Shataani, aba heedeang'wa gaydayi, mwaydayiin badahuukeagwa sareenda nuut;

Giidaheechta 2:8

“Heeda malaykajeanda ganiiseeda Smirna ng'oara, ‘Ng'asheega madeeda ea dea huuydean, was dea ghayi meah ak gabiikta gamajeegiit.

Giidaheechta 21:5

Ng'ata gwayi siidida apteada aba badayda hoorgeeda gheambalmeedean, “Ng'ula, gaydanung' gaweeriidi haleanjeeda sean.” Ak gwayi gicha, “Ng'oara ng'asheesu, aba gideaba ng'asheesu doobiiwnata gil ak ea huumwa.”

Giidaheechta 22:10

Ak gwayeeshean, “Adiiroori ng'asheega siramoorani bea gitaaboaniin, aba gideaba damanda nineekiit.

Giidaheechta 22:16

“Aniini Yesu, neajeagu malaykajeandeanyu headaang'u nea gweadu muwuunooni heeda ganiisajeega. Aniini geawooschi hawunyeanda ea jeata Dawdi, was miing'weandida aboong'u bea muchuunoodean.”

Giidaheechta 3:1

“Heeda malaykajeanda ganiiseeda Sardi ng'oara: ‘Suh ng'asheega ninyeeda mideawa gurooruunat ispwa bea ASEETA ea miinga asispwaan gil. “‘Ghaanali gadiyoojigaagu; gideaba gindeawi gheawunga majeeknata, nea nimeawi.

Giidaheechta 3:14

“Heeda malaykajeanda ganiiseeda Laodikiya ng'oara: ‘Ng'asheega siida was Amin, was siida doabiiwaat was muushoocheanda huumwa, was giing'eeta haleanjeeda sean sin ASEETA.

Giidaheechta 3:4

Ak gindeawi gheawung'su ng'ay aba ng'eanyiida Sardi, fuga miighang'uda hang'weaka nyaawa ririnnyeanda; ak gaydeadeaydooschi saawa nea siishuubeasa hang'weaka eeshish, aba gideaba gammiisa.

Giidaheechta 3:7

“Heeda malaykajeanda ganiiseeda Filadelfiya ng'oara: ‘Suh ng'asheega siida ghaydit gil asakaleala, bea huumwa, mideawa gisiitina gidaghuuta sugoocheanduumeeda Dawdi, siida ama atin ea manda siida ammu ghwarat, siida amarat ea manda siida jea gootin.