Giidaheechta 1:1 - Bibliyeeda Ghaydit

¹ Nih giidaheachta Yesu Gristo gil, ghayi adaw ASEETA niny goohiimsa soomjoagaaschi ng'asheega jea gabay ghwahidu; ak ghwanung' eanal aba giijeakteayda malaykajeandaanyi gaweesa soomjeandaanyi was Yohana,

NEAJEEDA EESH BEA BUUNEESSEAN

¹ Nii giidaheachta Yeesu Gristo gil, ghayi adaw Aseetta niny gohiimsa soomjoagaaschi ng'asheega jea gabay ghwahidu; ak ghwanung' eanal aba gijeakteayda malaykajeandaannyi gaweesa soomjeandaannyi was Yohaana,

Giidaheechta 1:1 Mawu Ofanana

NYIIGHEEGA 25:14

Duupcheeda NG'UTAMIIDA gwanda heeda fuga awali gheang'da, ak gayghwanung' ghwanal saawa neajeadaanyi.

DANIELI 8:16

Ak ghayiinyi ghuuta siida aba mareecheeka Ulai, ak gaguuru, “Gabrieli, nung' ghwanal siisi giirgweatka.”

DANIELI 9:21

damanda duu dabaloola nea ghaamwaashchi ghawooda, ghwahidu siida was Gabrieleeda ghayi aadaayi aba jeeda giirgweatka aba mwadi, ghwahidu heedeanyu nea ghang'eata damanda lukghumeedeaba shing'ada.

DANIELI 9:23

Heeda iing'eadi giidaydeayda haleanjeeda ghadooweeda ghwahidu ng'asheanda ak ghaawunyi darukuneey, aba gideaba geabwariinyi muuchi; asi sikteawana ng'asheanda ak ginali giirgweatka.

AMOSI 3:7

Aba huumwa Ng'utamiida was ASEETA maygwasin gil nea mii goodaheachsa makcheameadaanyi fugaaschi bea gadiyeeda was sibangaaschi.

Yohaana 12:49

Aniini meabalooli aba gheambalmeedeanyu; aniini geaghus gearugu Bwaabeeda ajeaknean dea goonan diigheanda gil ea gichea dabaloola.

Yohaana 15:15

Maygudu gabiikta daguureewaneegwa soomjooga aba gideaba soomjeanda iissa ea mwanala gissin siidaanyi haw, ak ghamneawa aniini ea neaguureewaneegwa fuga eaduupcheewi aba gideaba nearukuneegwa ng'asheega sean eayiing'si heeda Bwaabwa.

Yohaana 17:8

aniini naadawji ng'asheega ghayi igoonyean, ak saawa ea niing'waay ak ghwanal huumeanda gideaba aniini gealeabu headaang'u; ak ea nimwas gideaba ang'iing'i giijeaknean.

Yohaana 3:32

Niny iissa gamuuwu ng'asheega dea ea gea iiy, ak ghanyea manda siida mwas muuwuunoadaanyi;

Yohaana 8:26

Geandeawi ng'asheega saang'a jea dargu ea gea jea deargweaksiinaneegwa, amadu siida ajeaknean ea huumwa, nea gearukusi ng'eanyiida ng'asheega eayiing'si headaanyi.”

Ruumi 16:25

Asi ghamneawa siidida ammu goomajeegeegwean, aba giteascheata sea giijasteanyu miy ea gissirukwiideayda Yesu Gristo, ak gwadeaschi sea giidaheachta makcheameedida ghayi funyaat ng'eada deaghayi bea garayiin,

Galattiya 1:12

Aba gideaba mwaanyasani hichpa sih, ak ea moanaalaan sih, gwaleabu naweeda giidaheachta Yesu Gristo.

Efeeso 3:3

gidanung' danalda makcheameeda aba giidaheachta gawuurji gida aang'oardi nea ghaanuwaasiichi.

Ditto 1:1

Bawlo, soomjeanda ASEETA ea biissa giijasoocheanda Yesu Gristo, ak ghaanung' gawa mwadi masaweega fuga loat ASEETA ea fughareeda huumeanda mideawa miyinda,

Giidaheechta 1:19

Asi ng'oara haleanjeeni idaahiin, ea gea ghamneawa mida, ea gea iidu jea gabassa iing'ata suh.

Giidaheechta 1:9

Aniini geawooschi Yohana, orjeeda giyeang'wa deaghayi oopareanyeewi sawanadeeda ea sugoocheanduumeeda ea milikghteayda nea ghoahang'waanyi, nea gwanda ng'eanyiida neaweesa beega siguura Batmo aba badayda ng'asheanda ASEETA ea muuwuunooda ng'asheega Yesu.

Giidaheechta 17:1

Hean ghwahidu malaykajeanjagi bea jeedeaba giika asispwa mideawa gweeraji ispwaan ak gwayeeshiinean, “Beeni, gaydaahiimneey girgweaksiinda hiseadayda haw abiita badayda beega saang'aan,

Giidaheechta 19:10

Ak geabeedeaysi madeeda geeshangaaschi ak ghaaghadoawanyi niny hean gwayeeshiinean, “Adiidu gisini ng'asheesu! Aniini geawooschi soomjeanda sea ang'iing'i sea fuga iduupcheewi mideawa muuwuunooda Yesu. Ghadoawana ASEETA.” Aba gideaba muuwuunooda Yesu guroorooda sibaneanduumeeda.

Giidaheechta 19:9

Hean gwayeeshean malaykajeanda, “Ng'oara ng'asheesu: Ghang'wana fugiga siguursa hamita geeshooda Dayeenda Gisilleandean.” Ak gwayeeshiinean, “Suh ng'asheega huumwa bea ASEETA.”

Giidaheechta 21:2

Ak ghaadaayi mujiineeda ghaydit, was Yerusalemooda eesh, nea ghwararang'aana humng'eeda heeda ASEETA, nea hidaat gawuurji sibeeda siitaamdaam aba siyeeda;

Giidaheechta 21:9

Hean ghwahidu malaykajeanjagi bea jeedeaba giika as ispwaan nea gwandeawa gweeraji ispwa nyiit sawanaduut ispwa huuydean ak goobaloolan, nea gwayi, “Beeni hiji, ak gaydaahiimneey sibeeda, was gatmooda Dayeenda Gisilleanda.”

Giidaheechta 22:1

Hean ghoahiimnaan eenda beega mideawa eaweega, nea eesh ea ghameang'meang', nea ghwadalaalaana hoorgeeda ASEETA ea dea Dayeenda Gisilleanda,

Giidaheechta 22:16

“Aniini Yesu, neajeagu malaykajeandeanyu headaang'u nea gweadu muwuunooni heeda ganiisajeega. Aniini geawooschi hawunyeanda ea jeata Dawdi, was miing'weandida aboong'u bea muchuunoodean.”

Giidaheechta 22:6

Hean gwayeeshiinean, “Ng'asheesu ghwadoabiiw ak ea huumwa gil. Nea Ng'utamiida, was ASEETA bea gurooruunatka sibanga, abeeda gaygoojeagu malaykajeandaanyi goohiimsa soomjoagaaschi ng'asheega jea gabean ghwahidu.

Giidaheechta 22:8

Aniini Yohana ghaayiinyi nea ghaadaayi ng'asheesu. Damandida aayiinyi nea ghaadaayiin, hean geabeedeaysi ng'eanyi ak ghaghadoawanyi aba madeeda malaykajeanda ahiimnaan ng'asheesuun;

Giidaheechta 22:9

hean gwayeeshiinean, “Adiidu gisini gidida! Aniini geawooschi soomjeanda sea ang'iing'i sea fuga siduupcheewi was sibanga, ea fugiga ang'waay ng'asheegeaba gitaaboaniin. Aghadoawana ASEETA.”

Giidaheechta 4:1

Iing'ata ng'asheesu ghaang'weardi, ama deagheata gwanda humng'eeda gidaghuuta jaadaat. Hean ghuuta gwachi aayiinyi bea madeedean goobaloolan nea ghwanyaashta giiguuleanda, nea gwayi, “Beeni hiji, ak gaydaahiimneey gichea ghwahidu iing'ata ng'asheesu.”

Giidaheechta 5:7

hean gawa ak gageanda gitaabu aba geatinda dugwa bea siidida apteada aba uhuuda hoorgeeda gheambalmeedean.