Filippi 4:3 - Bibliyeeda Ghaydit

³ Ak geamuscheey eara ang'iing'i, siideanyu bea huumwa eaduupcheewi, eaniyean weada gadeemsu, aba gideaba gagadiiy sea aniini aba iita giijasta miy sea Glementi sea fugeasu mwaatkwa eaweecheewi, mida gheawunga nyaawa jeeda gitaabooda eaweega.

NEAJEEDA EESH BEA BUUNEESSEAN

³ Ak geamuscheey earang'iing'i, siideanyu bea huumwa eaduupchcheewi, aniyean weada gadeemsu, aba gideaba gagadiyi sea aniini aba iitta giijasta miy sea Glemeenti sea fugeasu mwaatkwa eaweechcheewi, mida gheawunga nyaawa jeeda gittabooda eaweega.

Filippi 4:3 Mawu Ofanana

NYIIGHEEGA 69:28

Nung' eepuus gheawunga nyaawa aba jeeda gitaabooda fuga mideawa eaweega; ak ea adeeng'oorsa hijagi sea fuga doobiiweadi.

RITEAYDA 32:32

Asi samsiina riing'eeda nyaawa ak iimaysamsiina geamuscheey geanda gheawungeasu ghayi ing'waari aba jeeda gitaaboadaang'u.”

ISAYA 4:3

Nea dea boos aba Sayuni ea dea sinung'wa Yerusalemu gajeeguura Deaghaydit, nea gilinyoo eang'oar gil duu gwanda aba Yerusalemu.

ESEKIELI 13:9

Ak gaydalas uhuuda sibanga rukwiida gisiihiimu bea ng'uyyeega, nea gwaramoorani ng'asheega reengaweega. Nea inyas ghabwatgeat fugeasu aba hijagi, saawa maygwanda jeeda, nea maygwanda jeeda mooneeda fuga Israeli. Ak ea maygaweay jeeda ng'eanyiida Israeli, ak gajanala gideaba aniini geawooschi NG'UTAMIIDA was ASEETA.

DANIELI 12:1

“Damandida gayghwahidu malaykajeanda siguura Mikaeli, was malaykajeanda haw ahaaghwa buuneadaang'u ak gaygwanda damanda jea eeng'uchi, manda dea uurji aba dea ning'eada eemeeda ea ghoah damani; abeeda damandida buuneadaang'u gajeelealu, was fuga sing'oorsa gheawunga nyaawa jeeda gitaabu.

Lukka 10:20

Asi adiidu goohoosanyi aba gidawalda gheang'deang'wa meangeenda, ahoosana aba gideaba sing'waar gheawungeagwa aba humng'eeda.”

Ruumi 12:1

Asi, geamuscheegwa fuga eaduupcheewi aba baydeayda ASEETA, oatayda sasanuukeagwa ghoah haleanjeeda majeekcheewi sigadoowaniida, ghaydit bwariiy ASEETA, nea baditeang'wa bea huumwa gil.

Ruumi 16:12

Oakghada fuga gadiyeeda mida jeeda Ng'utamiida, was Drifaina ea Drifosa. Oakghada Bersisiyda aabwariinyi biissa gagadiiy muuchi aba heeda Ng'utamiida.

Ruumi 16:9

Oakghada Urbano, was siida easinuudayeewi aba jeeda Gristo ea Stakisiyda aabwariinyi.

Filippi 1:12

Asi orjoogiyya geagasayi anala gideaba sawanaduutka sean ghayi aanyaschi, iidu ghwanung' gawa giijasta miy mwadi,

Filippi 1:16

Iidu gwarukwiida aba bariinyeega, nea ghoanali gideaba aniini geayiinan hiji daweat giijasta miy;

Filippi 1:27

Anung' ghoah searoojigeagwa bea eaweega gweateayi sea giijasta miy bea Gristo, ama iyaawunyi dadaheagwa ak ghaadaayeagwa ghana ea meandani, geagasayi dayiiy aba badahuukeagwa gideaba ghoamiinaadi muuchi aba jeemba gurooroanagi, nea goobeayi fughareanagi nea goong'alealeesi masaweega giijasta miy,

Filippi 1:5

geabadiischooweegwa aba guuyeedeang'wa aba giijasta miy siguuyeesi ghang'eada mwadi ea ghoah ghamneawa.

Filippi 1:7

Asi ghwadoabiiw aba heedeanyu gideaba gaydaahiit suh aba badahuukeagwa oogasean, aba gideaba neang'ooyseegwa jeedeanyu, aba gideaba goowooschi oogasean fuga eaweecheewi aba dagheerjeanduumeeda, aba jeeda ghealoonigeasu ea aba furooda aba giimajeekta giijasta miy.

Filippi 4:2

Geamuschi Eudiya ak geamuschi Sintike gideaba aduupcheena aba jeeda Ng'utamiida.

Golosaayi 1:7

gawuurji gida anaaldaneegwa Epafra was soomjeanda sibwariinyi. Niny ea doabiiwaat nea gagadiiyeesa Gristo aba badahuukeagwa

Giidaheechta 13:8

nea haleanjeeda sean mida muunda ng'eanyiida gayghaghadoawan niny, giliwas sih miyeeng'oorsa gheawungaaschi jeeda gitaabooda eaweega bea Dayeenda Gisilleanda ghayi sinuus nea miyeebwat sindeeta ng'eanyiida.

Giidaheechta 17:8

Diyeaydideani idaahiin abeeda gwanda, ak ea mandana, ak gaygwadiyeana uuta shoomanda mamuudeana ak gawa heeda ng'asheega munyas. Ak fuga mida badayda ng'eanyiida miyeeng'oorsa gheawunga nyaawa jeeda gitaabooda eaweega dea sibada sindeeta ng'eanyiida, gayghahamng'eanyi iidaah diyeaydida. Aba gideaba gwanda, ak ea mandana ak gayghwahidu.

Giidaheechta 20:12

Hean ghaadaayi fuga nimeewa, gea hees ea gea manang'i, nea ghamiinaada aba madeeda hoorgeeda gheambalmeeda, hean geetin gitaabwajeega. Ak geetin gitaabwajeanda nuut, nea gitaabooda eaweega gil. Ak geergweaksa fugiga nimeewean aba ng'asheega sing'oorsa jeedeaba gitaabwajeegiga, giduurji gidaghayi nisin.

Giidaheechta 20:15

Ak giliwas sih iimiyeeng'oorsa gheawungaaschi jeeda gitaabooda eaweega, hean geejaksa jeedeaba basoodida bea beastean.

Giidaheechta 21:27

Nea jeadaanyi ghanyea maygawa gidamuy, ghana deasina ng'asheega munyas ghana gea ng'uyeega, geaghus giika sing'oorsa jeeda gitaabooda eaweega bea Dayeenda Gisilleandean.

Giidaheechta 3:5

Nea siida jooriischi gajeekwealsa hang'weaka eeshish, ak ea maydeabuus gheawungaaschi aba jeeda gitaabwajeanda eaweega; ak gaydamwas gheawungaaschi aba madeeda Bwaabwa, ea madeeda malaykajeagaaschi.