Filippi 4:1 - Bibliyeeda Ghaydit

¹ Asi, orjoogiyya, aabwariinyi nea geagasayi, was hooseaneegeasu ea shiipka amiinaada nea goomajeegiichi aba jeeda Ng'utamiideanyu, fugeasu aabwariinyi.

NEAJEEDA EESH BEA BUUNEESSEAN

¹ Asi, orjoogiyya, abwariinyi nea geagasayi, was hooseaneegeasu ea shiipka amiinaada nea goomajeegichchi aba jeeda Ng'uttamiideanyu, fugeasu abwariinyi.

Filippi 4:1 Mawu Ofanana

AYUBU 31:36

Gwachi gaydasar aba hamarjoojigeasu; gaydarat gawuurji hang'da uhuuda;

NYIIGHEEGA 125:1

Fuga ghus NG'UTAMIIDA gawuurji Giijeeda Sayuni, was dea mwoamu eetuumduum, ak ea majeek damanda manda muudeanooda.

NYIIGHEEGA 27:14

Amuukghuni NG'UTAMIIDA; majeegiida, nea ginung' ghamwaanyiit gurooroadaang'u; ang'iing'i amuukghuni NG'UTAMIIDA!

Mattayo 10:22

Nea gayghwasteagwa buuneassean aba gheawungeasu. Nea siichea ghamilikghta ea gamuudean abeeda ea siichea eelealu.

Yohaana 8:31

Gwayeesha Yesu fuga Yahudi mwas niny, “Asi iyoang'waanyi ng'asheegeasu anaaleagwa, gajahuuwa giinealangeasu bea huumwa,

Gadiyeeda Giijasoodiga 11:23

Hita hooweani ak ghwadaah dagheerjeanduumeeda ASEETA, gahoosan; ak gwayeesha fugiga oopiidana jeedeaba doobiiwnadi iteang'wean aba heeda Ng'utamiida nea ghwarjeang'da;

Gadiyeeda Giijasoodiga 14:22

hean goomajeek gurooruunatka giinealanga, nea goobaloola gideaba oopiidana jeeda masaweega, ak gwayeesha gajeanyasa sawanaduutka saang'a iijea eeweaya jeeda sugoocheanduumeeda ASEETA.

Gadiyeeda Giijasoodiga 2:42

Ak goodeaga geat giinealshooda giijasoodiga nea gabareanyi, aba banachta mukaate ea mooshta ASEETA.

Ruumi 2:7

aba heeda fuga milikghta aba sinooda gadiyoojiga miyaasiin gagaseadayi giigheambiita ea mureeda ea ng'asheega maygameewa, gayghoadaw eaweega manda muudeanooda;

1 Goriinto 15:58

Asi fuga eaduupcheewi aabwariinyi, andeawana alooheeda, ak ea adoabealbeali, ak goosinyi galeagasean gadiyeeda Ng'utamiida, ak ghoanali gideaba gadiyeedeang'wa mii mwadaagha gil aba heeda Ng'utamiida.

1 Goriinto 16:13

Oang'wearni, nea ghoamiinaadi muuchi aba jeeda masaweegeagwa, adaruusiita nea ghoanyaschi uurda.

2 Goriinto 1:14

gawuurji gidida oanaldi gilimwanang' ng'asheega mwaatkwaan, ak abeeda googwareesi aba badahuukaasa gawuurji gichea eebeaheataneegwa aseasa aba eaweeda Ng'utamiida was Yesu.

Galattiya 5:1

Aba giibaldeaba geat ninung' Gristo eepala geat; asi amiinaada nea goomilmiliidayi, ak ea adagudoomwaschi gicha gideaba gajeerassa gheatkweakeagwa yookeeda soomjeandumeeda.

Filippi 1:27

Anung' ghoah searoojigeagwa bea eaweega gweateayi sea giijasta miy bea Gristo, ama iyaawunyi dadaheagwa ak ghaadaayeagwa ghana ea meandani, geagasayi dayiiy aba badahuukeagwa gideaba ghoamiinaadi muuchi aba jeemba gurooroanagi, nea goobeayi fughareanagi nea goong'alealeesi masaweega giijasta miy,

Filippi 1:8

Aba gideaba ASEETA muushoocheandeanyu gil, aba gida eagasiidi deateang'wa oogasean, aba bariinyeega leabu heeda Gristo Yesuun.

Filippi 2:16

nea ghoang'waay muuchi ng'asheanda eaweega, ama muchu eaweeda Gristo ghaamuuschi daghwara geaw aba gideaba mwaafwaji mwadaagha ghana dagadiiyi mwadaagha.

Filippi 2:26

Nea niny abeeda gagasa ghwadaaheang'wa oogasean, ak ghang'ut giiseaneega aba gideaba noayiinyi gideaba niny ghamnyaan.

Golosaayi 4:12

Epafraheeda was siida jeedeang'wa was soomjeanda Gristo Yesu, ghoaghadeagwa nea goopkeateegwa galeagasean nea gwasin badiida aba moashtaanyi bea ASEETA, ak ghoamiinaadi nea simwaseagwa aba haleanjeedida gasa ASEETEAN.

1 Desaloniikke 3:13

ak goomajeek gurooruunatkeagwa ea meeyeateeweegwa ghuusi aba ghaydidanda aba madeeda ASEETEANYA was Ghweanda, aba damanda jea ghwahina Ng'utamiideanya was Yesu sea fugaaschi sean ghaydidi.

2 Desaloniikke 2:15

Asi, fuga eaduupcheewi, amiinaada nea goomajeekchi geat, ak ghoang'waanyi ng'asheegiga ghayi siinaaleagwean, gaba ng'asheega ghana gaba barawajeanda.

2 Dimoteo 2:1

Asi ang'iing'i orjeedeanyu, daruusiida aba jeeda dagheerjeanduumeeda mida jeeda Gristo Yesu.

Ebraniya 10:23

Gagasa eang'waanya muuchi duukuunooda sirarji nea mwabealbeala, aba gideaba siida rugu nea gooheeleesi ea doabiiwaat;

Ebraniya 3:14

Aba gideaba geeguuyeesi Gristo, iisibeacheewi gideaba geang'waanyi muuchi gidida sisikteawi amwadiin ea gagul muudeanooda,

Ebraniya 4:14

Ghang'eada damandida geendeawi ashoohoocheanda haw ambal sean ghayi sik bugusta humng'eeda, nea Yesu, Orjeeda ASEETA, asi eang'waanya muuchi gidida simwaschiin.

2 Betro 3:17

Asi fugeasu aabwariinyi, iyoobean anala ng'asheesu aba mwadi, asi afura geat, adaghwaadaneegwa ghaat giidiinyeanyeekeaba fiisu, ak ghoanung'wi heeda giibindeang'wa majeek.