Filippi 2:9 - Bibliyeeda Ghaydit

⁹ Aba sareani ghoah gida adiing'deawa ASEETA humng'eeda muuchi ak ghoadaw gheawunga laabwa hoowa gheawunga suurja,

NEAJEEDA EESH BEA BUUNEESSEAN

⁹ Aba sareani ghoaw gida ading'deawa Aseetta humng'eeda muuchchi ak ghoadaw gheawunga laabwa hoowa gheawunga suurja,

Filippi 2:9 Mawu Ofanana

GIING'EETA 3:15

Ak gaydayiin furjeeda dageascheadaang'u ea dea gatmooda, ea dageascheeda jeataang'u ea jeataanyi; gayghwalas uhuudaang'u; ak gayghanyaada diding'daanyi.”

NYIIGHEEGA 110:1

NG'UTAMIIDA gwayeesha ng'utamiideanyu: “Apteada aba geatindeanyu bea dugwa, bwak ea danung' ghoah weajoodigaagu hoorgeeda geeshangaagu.”

NYIIGHEEGA 110:5

NG'UTAMIIDA gwanda geatindaang'u bea dugwa; gayghabwar sugoodiga damanda jea ghwanyareasa.

NYIIGHEEGA 89:27

Ak gaydanung' ghoah duweacheedeanyu, ak goobiida humng'eeda sheagi muuchi ea ghoadaraam sugoodiga ng'eanyiida.

NYIIGHEEGA 91:14

Ak gidabwariiydanaan gaydalealu; ak ghaayiinyi heetiyeada, aba gideaba ghwanal gheawungeasu.

ISAYA 52:13

Ng'ula, siideanyu bea gadiyeeda gaygwasin nea ghwanyagaada, gajeakghaambiit nea geegatgat eekeal humng'eeda, ak gaygwanda humng'eeda muuchi.

ISAYA 53:12

Asi gaydayiin meatkweeda fuga hees, gaygwalaja easanga sea gea mideawa uurjeenga; aba gideaba niny gagu eaweagaaschi, nea gabwageaw gawa miyeeda, ak gawa jeeda meatkweeda fuga mideawa giidiinyeanyeeka; ak ghwasar riing'eega fuga saang'a, ak gamus eabwayda fuga mideawa giidiinyeanyeeka.

ISAYA 9:7

Uurda sugoocheanduumeadaanyi gaygawa mwadi nea gwaheedu nea sugoocheanduumeadaanyi gaygaba hoyyoo galeagasean. Aba hoorgeeda Dawdi, nea sugoocheanduumeadaanyi gaygoomajeek nea gawa mwadi aba girgweaksiinda ea doobiiwnata ghang'eada ghamneawa ea ghoah damanda manda muudeanooda. Suh seaniin gaygwashiisa ghaang' NG'UTAMIIDA lugweega.

DANIELI 7:14

Ak geataw niny gheambalmeeda ea gharbeeda ea sugoocheanduumeeda, ak abeeda buuneesean, ea eemoojiga, ea iidiga eemoojiga gaygagadiyeesa; nea gheambalmeadaanyi ea gheambalmeeda manda muudeanooda, nea sugoocheanduumeadaanyi manda muudeanooda, nyooh ea mayghang'ata, ea mwoamu eenyarja.

Mattayo 11:27

Nigoonan Bwaabwa haleanjeeda sean. Manda siida nal Orjeeda geaghus Ghweanda, ghana siida nal Bwaabwa geaghus Orjeeda ghana siida wassean gasa Orjeeda goohiimsa.

Mattayo 28:18

Ghwaan Yesu heanyaawa ak goobalool ak gwayeesha, “Sigoonan gheambalmeeda sean aba humng'eeda ea ng'eanyiida.

Lukka 10:22

Haleanjeeda sean nigoonan Bwaabwa; ak ea manda siinal Orjeeda geaghus Bwaabwa, ak ea manda siinal Bwaabwa geaghus Orjeeda ea siida wassean gasa Orjeeda goohiimsa.”

Yohaana 13:3

abeeda Yesu ghwanal gideaba niyiin Bwaabwa geatingaaschi haleanjeeda sean, ea gideaba niny gwaleabu heeda ASEETA ak gaygabiikta heeda ASEETA,

Yohaana 17:11

Ak ghamneawa aniini ea mudu danda jeeda ng'eanyiida, amaduuku saawa gwanda jeeda ng'eanyiida nea ghaawunyi headaang'u. Bwaabeeda Ghaydit, ahaaghwana saawa aba gheawungaagu ghayi igoonyean, ahaaghwana ea ghoah agi nea gawuurji gissiwoosti aseasa gilagi.

Yohaana 17:12

Ghayi nea gutandeawa saawa iissa ghaahaaghwi aba gheawungaagu ghayi igooni; aniini naahaaghwi saawa ak ghanyea manda nih niroat eara akaleala geaghus orjeeda ghayi was roodaneeda, gwasa ng'asheega rugu ng'ooruutka.

Yohaana 17:5

asi ghamneawa, aghaambiidaan Bwaabwa, aba madeadaang'u aba gheambalmeeda ghayi eandeawi sea ang'iing'i nea miyeesin ng'eanyiida.

Gadiyeeda Giijasoodiga 5:31

Nih deaghayi adiing'u ASEETA gil ak gawa geatindaanyi bea dugwa ak ghoah siida haw ea lealnoocheanda, ak ghwanung' gwaduukuuna fuga Israeli ak geesamsa riing'eega.

Efeeso 1:10

ak googuuyi haleanjeeda sean aba niny, haleanjeeda mida humng'eeda ea gea mida badayda ng'eanyiida.

Golosaayi 1:18

Nea niny ea uhuuda saseeda gil, nea dea Ganiisa, nea niny ea giing'eeta, ak ea duweacheeda leabu miyeeda, ak abeeda ghoah siichea goosheedeawa haleanjeeda sean.

2 Desaloniikke 1:12

abeeda gwanda gharbeeda gheawunga Ng'utamiideanya was Yesu aba jeesingeagwa, nea agooga geakghaambiideagwa aba jeadaanyi aba dagheerjeanduumeeda ASEETEANYA ea Ng'utamiida was Yesu Gristo.

Ebraniya 1:4

Ak ea sinung' gwaheedu ea ghoadaraam malaykajeega aba gideaba gheawunga ninyas eahaweewa ea ghang'al gea nyaawa.

Ebraniya 1:9

Gibwariinyi doobiiwnata ak gisti fuga mandeawana deaweeda; asi ASEETA, was ASEATAANG'U nimwaarnyi aba nagheeda hooseaneega ea ng'ala bareandaang'u.”

Ebraniya 12:2

nea geeng'ulayi Yesuheeda asheeda was dea amajeek masaweagaasa, was dea aba hooseaneega siyiin madeadaanyi ghoahang'waay aba beehiida, ak gafool baspaseega, ak goopteada aba meatkweeda geatinda dugwa bea hoorgeeda gheambalmeeda ASEETA.

Ebraniya 2:9

Iidu geedaayi Yesu, dea aba gheadi nuwaas geanung' ghamwanang'iit ea ghwalaabwa hoowa malaykajeega, nea siyiin uhuuda giigheambiita ea mureeda aba sawanadeeda ea miyeeda, ak abeeda aba dagheerjeanduumeeda ASEETA abeeda gwasamu miyeeda aba giliwas sih.

1 Betro 3:22

nea niny ea nuwa humng'eeda ak gwanda meatkweeda geatinda dugwa bea ASEETA, sea malaykajeega, ea gheambalmeeda, ea uurda ak gagadiiyeesa niny.

2 Betro 1:17

Nea aba damanda nyasa mureeda ea giigheambiita aba heeda ASEETA was Bwaabwa ak ghwanya ghuuta leabu heeda dea mideawa uurda giigheambiita, “Nih Orjeedeanyu aabwariinyi, ahoosanani muuchi,”

3 Yohaana 1:7

Aba gideaba saawa gaweay aba badaydaanyi ak ea moang'waanya gil aba heeda fuga eemoojiga.

Giidaheechta 1:5

biissa gwaleabu heeda Yesu Gristoyda was muushoocheanda doabiiwaat, was duweacheeda fuga nimeewa, ak goombal sugoodiga mida ng'eanyiida. Heedeaba ninyeeda bwariinyeasa ak gootineasa eeheelleewana riing'eegaasa aba foojeandaanyi

Giidaheechta 11:15

Ghaghuut durumbeateadaanyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoocheanduumeeda ng'eanyiida goola ghoah sugoocheanduumeeda Ng'utamiideanya ea dea Gristoydaanyi, ak gaygoombaliischi ea ghoah damanda manda muudeanooda.”

Giidaheechta 19:16

Ak badayda hang'daanyi ea gibeestaanyi geeng'oorsa, gheawunga Sugoocheanda sugoodiga ea Ng'utamiida ng'utamoojiga.

Giidaheechta 3:21

Siida jooriischi gaydanung' goopteada nea geendeayi aba uhuuda hoorgeedeanyu bea gheambalmeeda, gawuurji gideajooriischeati ak geapteadi sea Bwaabwa aba uhuuda hoorgeadaanyi bea gheambalmeeda.

Giidaheechta 5:12

nea geeyi aba ghuuta haw, “Gamiisa Dayeenda Gisilleanda ghayi silach gheata, ghwanyas uurda ea meanang'oocheanduumeeda ea weaghuumeeda ea hawunda ea mureeda ea giigheambiita ea ghawooda!”