Filippi 2:8 - Bibliyeeda Ghaydit

⁸ Iidu nea geadaah nea gawuurji siida, ghwaat geaw ng'eanyi nea gwasin mureeda ea ghwahita miyeeda, eara miyeeda uhuuda beehiida.

NEAJEEDA EESH BEA BUUNEESSEAN

⁸ Iiduw nea geadaah nea gawuurji siida, ghwaat geaw ng'eanyi nea gwasin mureeda ea ghwahitta miyeeda, eara miyeeda uhuuda beehiida.

Filippi 2:8 Mawu Ofanana

NYIIGHEEGA 22:16

Aba gideaba nineaweesean gudajeega; ak ea nineaweesean mughuusheanda fuga munyas; ak ea niingoor geatingeasu ea geeshanga–

GHWASIILDEANGA 15:33

Gheawalmeeda gheang'da NG'UTAMIIDA giinealshooda weaghuumeeda gil, eatoodeaba geaw bea ng'eanyi gaygooshooyna mureeda.

Mattayo 17:2

Ghwayamwa oormeadaanyi aba madeanyaawa, ghameang'meang' gheamamdaanyi ea gawuurji aseeta, nea gaweeriidi hang'weakaaschi ea ghawaar weeshinda.

Mattayo 26:39

Hean gawa mwadi gilimwanang' ak gwatkuy ak gakula gheamamdaanyi ng'eanyi ak ghamwaash ASEETA nea, gwayi, “Ea Bwaabwa, iimuusi ginung' ghwasajaadawanaan bayoogi, ea adaghoah gida eagasiidi aniini, nung' ghoah gidigasiidi ang'iing'i.”

Mattayo 26:42

Gabiikta deabiyeenya ak ghamwaash ASEETA nea gwayi, “Ea Bwaabwa, iimay ghwasajaadawanaan bayoogi ea eeghus daleayda nung'waada gwasa gidigasiidi ang'iing'i.”

Lukka 9:29

Damani Moasheewa ASEETEAN, ghwayamwa oormeeda nea eara hang'weakaaschi gaweeriidi muuchi ea gameeng'meeng'i.

Yohaana 10:18

Manda siida geandeawanean, ghaaghashti aniini aba uhuudeanyu nea gabwageaw. Geandeawi uurda jea daghashtaawa ak geandeawi uurda jea dabiikta dageana; nih gidaghayi adeaganean Bwaabwa sinooda.”

Yohaana 14:31

ak geasindi gidagoondanean Bwaabwa, ak abeeda ghwanal ng'eanyiida gideaba ghaabwariinyi Bwaabwa. Ang'eada eeweaya heechea eeweaya.

Yohaana 15:10

Iyoang'waanyi diigheanyeekeasu, gajoopiidana jeeda bariinyeegeasu, ak gawuurji gida aang'oaydi digheanyeeka Bwaabwa nea geabiidi jeeda bariinyeagaaschi.

Yohaana 4:34

Gwayeesha Yesu saawa, “Hamiteanyu sinooda gidabwariiy siida ghayi ajeaknean gil, ak ghaahiichi gadiyeadaanyi.

Gadiyeeda Giijasoodiga 8:33

Geapwaaspwaas ak geaweada gidadoobiiwsa, ng'eaha gil siida jea ghoomu gwarugu ng'asheega seaygeadaanyi? Aba gideaba eaweagaaschi sigeandeawa jeeda ng'eanyiida.”

Ruumi 5:19

Asi gwasunu iiheawa siyagi iidu ghwanyas buuneesean riing'eeda, gwasunu eara iisin siyagi mureeda iidu ghwanyas buuneesean doobiiwnata.

2 Goriinto 8:9

Aba gideaba noanali dagheerjeanduumeeda Ng'utamiideanya was Yesu Gristo, earapeadi baruuriin, hean ghabwarbwariit aba badahuukeagwa, ak abeeda aba barbarandaanyi ghoahuuyi baruurji.

Galattiya 3:13

Gristo gootinaneasa jeeda mooshteayda deaweeda, aba gideaba niny simwaashta aba badahuukaasa aba gideaba gwayi Ng'ooruutka, “Simwaashta gilinyoo ea sih gil sirata aba uhuuda geeta”–

GIIPKEATA DIIGHEANDA 21:23

maygoobiida mustaanyi uhuuda geeta eaweesean, gaybunya niny eaweedida, aba gideaba siida sirata nimwaashta ASEETA; adiidu gibwari ng'eanyiideang'wa ghayi goonyi NG'UTAMIIDA was ASEATAANG'U ririnnyeanda ak goohearanyi.

Ditto 2:14

nea niny ghoadayda geaw aba badahuukaasa ak ghaweadaneasa ng'asheega munyas sean ak ghoamiidu fuga jea ghoah gaaschi nea gamilmiliidi aba sinooda ng'asheega miyaas.

Ebraniya 12:2

nea geeng'ulayi Yesuheeda asheeda was dea amajeek masaweagaasa, was dea aba hooseaneega siyiin madeadaanyi ghoahang'waay aba beehiida, ak gafool baspaseega, ak goopteada aba meatkweeda geatinda dugwa bea hoorgeeda gheambalmeeda ASEETA.

Ebraniya 12:4

Aba ng'ucheedeang'wa sea riing'eeda miyoahang'waanya ea eeyi bwak ea oahiida foojeandeang'wa.

1 Betro 2:24

Niny ghwasar riing'eegaasa aba saseadaanyi aba uhuuda geeta, ak abeeda geemeewayi aba riing'eeda, ak geewooschi majeekcheewi aba doobiiwnata, aba deaneaduutkaaschi ea siihaabeasa.

1 Betro 3:18

Aba gideaba Gristo eara niny ghami nibwagi aba badayda riing'eeda, ninyeeda doabiiwaat aba badayda gea mii doobiiweadi, aba gideaba gweaneasa heeda ASEETA ak geenuus saseadaanyi nea gurooroadaanyi geetuudu;