Filippi 2:6 - Bibliyeeda Ghaydit

⁶ earapeadi niny ghayi uurji sea ASEETA, ea mwanung' ghoah gil uurjeata bea ASEETEAN ak ghoah gichea ghoang'waay.

NEAJEEDA EESH BEA BUUNEESSEAN

⁶ earappeadi niny ghayi uurji sea Aseetta, ea mwanung' ghoaw gil uurjeatta bea Aseettean ak ghoaw gichchea ghoang'ng'waay.

Filippi 2:6 Mawu Ofanana

ISAYA 7:14

Asi NG'UTAMIIDA ninyeesean gaygagooneegwa giirooraneeda. Ng'ula, huda miyeasat gaygagweayiit ak gwaji baleanda was baleanda, ak gaygaguura gheawungaaschi Imanueli.

ISAYA 8:8

Gayghang'ata nea ghwalamwajaada, ak gawa ng'eanyiida Yuda gaygagulda nea gwasik bugusta ak gwayi bwak ea ghwahita gheata nea inyas goowiida meang'eagaaschi gwadukuta ng'eanyiidaang'u, Ea Imanueli.”

ISAYA 9:6

Aba gideaba siji baleanda aba badahuukaasa, sigooneasa baleanda was baleanda; ak niny ghoamu sugoocheanduumeeda, ak gajeeguura gheawungaaschi “Siida argweakiisa buuneeda daamdaamwaat, ASEETA hoauur, ghweanda manda muudeanooda, Sugoocheanda mideawa hoyyoo.”

YEREMIYA 23:6

Ak aba damandaanyi Yuda gajeelealu, ak eara Israeli gaygaba seayu. Nea gichea eeguura gheawungaaschi ea nihi: ‘NG'UTAMIIDA doobiiwnateanya.’

MIKA 5:2

Nea ang'iing'i, Ea Betlehemu Efrata, uwoosi mwanang' aba bugusta dooshinga Yuda, aba headaang'u gaygwarinanean dea jea goombal fuga Israeli, nea gumdoadaanyi ghang'eada ghayi garayi, damanda manda muudeanooda.

SAKARIYA 13:7

gwayi NG'UTAMIIDA bea lugweega. “Ea ng'uta ng'eada, aba badayda jeagiischoocheandeanyu, ea siida was deanyu.” “Bwara jeagiischoocheanda ak gayghwadarda gisilga. Ak abeeda gaydeageal geatindeanyu heeda dayeega gisilga

Mattayo 1:23

“Ng'ula gaygagweayiit huda miyeasat ak gaygwaji baleanda, ak gajeeguura gheawungaaschi Imanueli” (nea gideaba, ASEETA sindeayeewi).

Yohaana 1:18

Manda siida nidaah ASEETA; Orjeeda was haghasheeda, mideayi sea Bwaabwa, niny siida adaajiidi.

Yohaana 10:30

Aniini sea Bwaabwa geawooschi gilagi.”

Yohaana 10:33

Ghwasha fuga Yahudi nea gwayeesha niny, “Majeefteey aba gadiyoojiga miyaasiin isinayi, gaygweagu ng'asheagaagu munyas irukusi ASEETA; aba gideaba gisini geaw ASEETA nea guwoosi siida.”

Yohaana 10:38

ama easinyi earapeadi moamwasaan ghang'wana ghoamwaschi gadiyoojiga ak abeeda goojeeng'u nea ghoanali gideaba Bwaabwa gwanda jeedeanyu nea geandi aniini jeeda Bwaabwa.”

Yohaana 14:28

Ghayi noayiinyi nea geayeeshiineegwa, ‘Neawi heechea dawa, ama muchu gaydabiigu gicha heedeang'wa.’ Inyeeda ghoabwariinyaan, gwachi gajahoosana aba gideaba geawi heeda Bwaabwa; aba gideaba niny ea haweewaneani.

Yohaana 14:9

Gwayeesha Yesu niny, “Geendeaydooschi sea agooga ea gooyang'u ak ea minalaani Filipo? Siida nidaahan aniini nidaah Bwaabwa; abeeda giimuustiin gideaba giyeeni, ‘Ahiimneasa Bwaabwa’?

Yohaana 17:5

asi ghamneawa, aghaambiidaan Bwaabwa, aba madeadaang'u aba gheambalmeeda ghayi eandeawi sea ang'iing'i nea miyeesin ng'eanyiida.

Yohaana 20:28

Ghwasha Domaso nea gwayeesha, “Ng'utamiideanyu ea ASEETEANYU!”

Yohaana 5:18

Iidu aba badaydeaba ng'asheesu gagasa fuga Yahudi naweeda jea gwanuusa; nea meakna gideaba gwanuus deaweedeeda Sabaato ak ghwahit, ghabwada gideaba gwayi ASEETA ghwaan gil, aba sareani hean ea niideenyi geaw sea ASEETA.

Yohaana 5:23

abeeda gwasissa buuneesean mureeda Orjeeda gawuurji gidasiniisiinda mureeda Bwaabwa. Siida masisiina Orjeeda mureeda masisiina mureeda Bwaabeeda ghayi ajeagu niny.

Ruumi 9:5

aba geanyaawa gwanda gheamba ghweaniga, bea eemeenyaawa, aba saseeda, aba heanyaawa Gristohi. ASEETA haweewa haleanjeeda sean gagasa eebadiischeesa ea ghoah damanda manda muudeanooda. Amin.

2 Goriinto 4:4

Aba sareani aseeteaba ng'eanyiini ninung' gang'oowiidi fughareenga fuga mandeawana masaweega, ak ghaweada deakta weeshinda giijasta miy mideawa giigheambiita Gristo, nea niny gawuurji sea ASEETA.

2 Goriinto 8:9

Aba gideaba noanali dagheerjeanduumeeda Ng'utamiideanya was Yesu Gristo, earapeadi baruuriin, hean ghabwarbwariit aba badahuukeagwa, ak abeeda aba barbarandaanyi ghoahuuyi baruurji.

1 Dimotteo 1:17

Mureeda ea gheambiida daba sugoocheanda eaweega manda muudeanooda was dea maygamutmudan, ak ea miidaach, niny ASEETA bwaageawi, ea ghoah eaweega manda muudeanooda. Amin.

1 Dimotteo 3:16

Ak ea huumwa gil gideaba makcheameeda badita ASEETA aahaw. ASEETA geetaajiit aba saseeda Ak doobiiwnataanyi ghoahiimu Guroorooda Ak ghwadaah giijasoocheanda humng'eeda Ak geerukwiida iitaanyi aba jeeda eemoojiga, Ak geamwas aba jeeda ng'eanyiida, Ak geeyaat humng'eeda heeda ghaambiidaat.

Ditto 2:13

nea geamuughu ghusooda mideawa ghawooda ea giidaheachta giigheambiita ASEETA haw ea lealnoocheandeanya was Yesu Gristo,

Ebraniya 1:3

Aba gideaba niny ghoahiimu weeshinda giigheambiita ASEETA nea gwandeawa giirooraneeda ea seareadaanyi, ak ghwasar ng'eanyiida aba ng'asheandaanyi mideawa uurda. Iing'ata nea nisin giimiinnooda riing'eeda, hean goopteada aba meatkweeda geatinda dugwa bea ASEETA was Ng'utamiida aba hoowa bea dea daliiliin.

Ebraniya 1:6

Ak gicha, iyeadu duweacheadaanyi badayda ng'eanyiida, gwayeesha, “Nung'waada ghaghadoawan niny malaykajeega sean bea ASEETA.”

Ebraniya 1:8

Ak gwayi aba badayda Orjeeda, “Hoorgeadaang'u, Ea ASEETA gaba eaweega manda muudeanooda, sugoocheanduumeeda doabiiw sugoocheanduumeeda gheambalmeadaang'u.

Ebraniya 13:8

Yesu Gristo gawuurji gideaba heeta ea ghamneawa ea gagul damanda manda muudeanooda.

Giidaheechta 21:6

Ak gwayeeshiinean, “Nisa! Gideaba Aniini geawooschi Alfa ea Omega, giing'eeta ea huuydeanda. Siida bearji muwoash gaydaadaw mwadaagha beega leabu gheang'deenda mideawa eaweega.