Filippi 2:2 - Bibliyeeda Ghaydit

² oahiida hooseaneegeasu nea goobeayi fughareanagi, nea gawuurji bariinyeegeagwa, nea ghoang'waay geat ng'asheegeagwa, nea goobeayi fughareanagi.

NEAJEEDA EESH BEA BUUNEESSEAN

² oahhiida hooseaneegeasu nea gobeayi fughareanagi, nea gawuurji bariinyeegeagwa, nea ghoang'ng'waay geat ng'asheegeagwa, nea gobeayi fughareanagi.

Filippi 2:2 Mawu Ofanana

NYIIGHEEGA 122:8

Ak aba badahuuka buweadeegeasu ea orjoogiyya gaydayi, “Gagasa abeaha seayu!”

Yohaana 3:29

Siida mideawa gatmooda bea nyeangiida niny siida geeshi, amaduuku siituupchi siida geeshi, iissa ghamiinaada nea gooleeysiit nea gahoosan muuchi iiyiiy ghuuteaba siidida geeshiin; asi aba sareani hooseaneegeasu niheedu.

Gadiyeeda Giijasoodiga 1:14

Fiisu abeeda ghabwat geat ghamwaash ASEETA ghawooda, ak gwanda jeedeaba gadeemsu Mariyayda was gheamata Yesu, ea orjooga ghaamwat.

Gadiyeeda Giijasoodiga 2:1

Iidu nea nihita eaweeda Bendekosti, abeeda gwanda fuga sean hijagi.

Gadiyeeda Giijasoodiga 2:46

Nea inyeesa galeagasean geeroonyeesa sean jeeda gheeda sibata ASEETA nea geabwanach mukaate aba gealga nyaawa, ghwaak hamita nea gahoosan gurooruunatka nyaawa,

Gadiyeeda Giijasoodiga 5:12

Gwadeagwajeega saang'a ea ng'asheega deamdeameadi geesissa bugusta buuneeda nea gwasin geatinga giijasoodiga. Nea abeeda aghadoawana geat sean aba Doodooda Sulemani.

Ruumi 12:16

Gagasa andeawana iiteaba geat agooga; adoaghwarji geat muuchi aba gasooda ng'asheega hees, agassa ng'asheega manang'i. Adoahuuyi fuga jea ghaghuuda geat fughareeda.

1 Goriinto 1:10

Geamuscheegwa fuga eaduupcheewi aba gheawunga Ng'utamiida was Yesu Gristo, gideaba abaloolda gilagi oogasean, nea adagwanda dageascheedeang'wa furjeeda, ak gidabal googuuyi aba fughareanagi ea girgweageanagi.

2 Goriinto 13:11

Aba huuydeanda, abeaha seayu fuga eaduupcheewi. Asina naweadingeagwa, ayiinya gideargu, daba siisi mwas nuut, abeaha weayda, ak abeeda ASEETA mideawa bariinyeega ea weayda gaygoobiida heedeang'wa.

2 Goriinto 2:3

Ak ghaang'waarji gawuurji gideasindi, ak abeeda iyaawunyi ea measawanani aba heedeaba fugiga ghwanyawa jea ghwanung' dahoosaniin. Aba gideaba ghaadaayi aba huumwa aba jeedeang'wa oogasean, gideaba hooseaneegeasu gajea hooseaneegeagwa gil oogasean.

2 Goriinto 7:7

ak ea meakghusa hinoadaanyi ghabwada geandeayda salgheang'da gawuurji gidaghayi oogeandeaydi salgheang'daanyi, gawuurji girukuneasa bea gidoogasiidi, ea gidoogiisandi, ea gidoogasiidi weeteanyu, ak abeeda geahoosanyi muuchi.

Filippi 1:4

inyeessa galeagasean iyaamwaashchi ASEETA, hean ghaamwaashchi aba badahuukeagwa aba hooseaneega,

Filippi 2:16

nea ghoang'waay muuchi ng'asheanda eaweega, ama muchu eaweeda Gristo ghaamuuschi daghwara geaw aba gideaba mwaafwaji mwadaagha ghana dagadiiyi mwadaagha.

Filippi 2:20

Aniini meandeawani sih nuut uurji niny, bea huumwa nea gwahirbaban aba ng'asheega badahuukeagwa.

Filippi 4:2

Geamuschi Eudiya ak geamuschi Sintike gideaba aduupcheena aba jeeda Ng'utamiida.

Golosaayi 2:5

Earapeadi eawooschi sheagi aba heedeang'wean, geendeayi aba guroorooda, ak geahoosanyi muuchi aba gideaba neajeeng'u gidamiyda giibindeang'wa ea gidamajeekta masaweegeagwa aba badayda Gristo.

2 Desaloniikke 2:13

Iidu gamiiseasa aseasa gideaba gajeebadiischeesiina ASEETA galeagasean aba badahuukeagwa, fuga eaduupcheewi bwariiy Ng'utamiida, aba gideaba ghayi nibay ghwaloadeagwa ASEETA ghang'eada mwadi ak ghoanyaschi lealeanooda, aba giimiinnooda jea ghoamiineegwa Guroorooda, ak ghoamwaschi huumeanda.

2 Dimoteo 1:4

Ak geagasayi muuchi deaktaang'u, iyaapkaachi dabeakaagu ak abeeda ghaanyaschi hooseaneega.

Filimoon 1:20

Asaha, orjeediyya, sinnean ng'asheega miyaasiin ak ghaanyagaadi aba badayda Ng'utamiida, ak gihoosani guroroodeanyu aba naweeda Gristo.

2 Yohaana 1:4

Geahoosanyi muuchi iyaadaayi diibigaagu mwaatkwa nea ghwaat naweeda huumeanda gawuurji gidaghayi goondaneasa Ghweanda.

3 Yohaana 1:4

Ea meandeawani hooseaneega haw ng'al nih, gideaba ghayiinyi gideaba diibigeasu ghwaat geeshta huumeanda.