Filippi 2:1 - Bibliyeeda Ghaydit

¹ Nea iimida giimajeekta jeeda Gristo, ghana gichea goomajeek bariinyeega, ghana gidasiguyeesa aba jeeda Guroorooda, ghana iimida bariinyeega ghana baydeayda,

NEAJEEDA EESH BEA BUUNEESSEAN

¹ Nea iimida gimajeekta jeeda Gristo, ghana gichchea goomajeek bariinyeega, ghana gidasuguyeesa aba jeeda Gurorooda, ghana iimida bariinyeega ghana baydeayda,

Filippi 2:1 Mawu Ofanana

NYIIGHEEGA 133:1

Ng'ula, gidamiyda ea gisam iimideayi orjooga gheamata asagi nea mii dardaawaat!

ISAYA 16:11

Asi gurooroodeanyu gooyeawda aba badayda Moabu, gawuurji durumbeati, ak jeedeanyu gooyeawda aba badayda mujiineeda Gir-heresi.

Lukka 2:25

Nea abeeda gwanda Yerusalemu, siisi siguura gheawungaaschi Simon, nea siisi abeeda ea doabiiwaat, nea gabada ASEETA, nea goomuuku hawdeayda fuga Israeli, nea gwanda badaydaanyi Guroorooda Ghaydit.

Yohaana 14:18

“Maydanung'useegwa heeda bananga; gaydahidu heedeang'wa.

Yohaana 14:27

Gaydanung'uneegwa hoyyoo, geagonyeegwa hoyyooydeanyu; maydagoondaneegwa gidagooniida ng'eanyiida. Asi adagwasawana gurooruunatkeagwa, nea adaghang'udeagwa muuwda.

Yohaana 17:13

Asi ghamneawa ghaawunyi headaang'u; ak ea nearukuti ng'asheesu aba jeeda ng'eanyiida, ak abeeda ghwanyas hooseaneegeasu muuchi aba jeesinga nyaawa.

Gadiyeeda Giijasoodiga 2:46

Nea inyeesa galeagasean geeroonyeesa sean jeeda gheeda sibata ASEETA nea geabwanach mukaate aba gealga nyaawa, ghwaak hamita nea gahoosan gurooruunatka nyaawa,

Gadiyeeda Giijasoodiga 4:32

Nea ghamneawa bareanyeedeaba fugiga ghayi mwasiin gaba gurooroanagi ak ghanyea manda siida ayi haleanjeeda sean mideawa ghanyea maygwayi geasu, nih abeeda saawa goobareanyi haleanjeeda sean.

Ruumi 5:5

nea rarooda ea maygwareenganeasa, aba gideaba bariinyeega ASEETA nigeawiit ghwayiin jeesingaasa Guroorooda Ghaydit ghayi sigooneasa aseasaan.

Ruumi 8:26

Gwasunu eara Guroorooda ghaweadeasa aba ng'arng'arandeanya, aba gideaba mwoamu usi eamwaashta ASEETA gidahaguuwsiindaneasa, iidu iissa ghamwaash Guroorooda ghawooda aba badahuukaasa nea gaba geaw nea gwasawana aba giisiimeanda mwoamu eergu.

1 Goriinto 12:13

Nea aba Gurooroanagi geebaatiisaneasa aba saseanagi, fuga Yahudi ghanea fuga Giriki gili, ea giing'oonyanga gil ghanea fuga abal geat gil, hean geanung' ghwaleayda sean Gurooroanagi.

1 Goriinto 15:31

Fuga eaduupcheewi, aniini gearugu ng'asheesu nea ghaaghwarji geaw aba badahuukeagwa agoogeeda mida jeeda Gristo Yesu was Ng'utamiideanyean, iissa geenuusan galeagasean!

1 Goriinto 3:16

Moanali gideaba agooga goowooschi gheeda sibata ASEETA bea ASEETA, ea gideaba Guroorooda ASEETA gwanda jeedeang'wa?

2 Goriinto 13:14

Dagheerjeanduumeeda Ng'utamiida was Yesu Gristo, ea bariinyeega ASEETA ea bareanyeeda Guroorooda Ghaydit gagasa andeawana oogasean.

2 Goriinto 2:14

Asi badiischeesiinda gammiisa ASEETA, nea ghoadoabiiweasa aba naweeda Gristo aba hooseaneega, ak aba aseasa ghwadarda shearooda ng'andit bea fughareadaanyi aba hiji wassean.

Galattiya 4:6

Iidu iinoowooschi orjoagaaschi hean goojeagu ASEETA Guroorooda Orjeedaanyi jeesingaasa, ayeawda nea gwayeena, “Aba! Nea Bwaabwa gil!”

Galattiya 5:22

Ak haghweega Guroorooda ea bariinyeega, hooseaneega, hoyyoo, milikghteayda, inyeanda jeeda, miyinda, ea doobiiwnata,

Efeeso 4:4

Saseeda ea agi, ea Gurooroanagi, gidaghayi siguursiindaneegwa,

Filippi 1:8

Aba gideaba ASEETA muushoocheandeanyu gil, aba gida eagasiidi deateang'wa oogasean, aba bariinyeega leabu heeda Gristo Yesuun.

Filippi 3:3

Aba gideaba aseasa geewooschi ghasmeahooda huumwa, gadoowan ASEETA aba guroorooda, ea gheambalmeeda aba jeeda Gristo Yesu, fuga mwarara ng'asheega saseeda.

Golosaayi 2:2

abeeda geemajeek gurooruunatka nyaawa, nea gaguuyi aba bariinyeega, ak ghwanyas meanang'oocheanduumeeda sean bea huumwa, ak ghwanal makcheameedida bea ASEETA was Gristohiin,

Golosaayi 3:12

Asi ookwealsheata fuga niloat ASEETA, ghaydidi sibwariiy, bea jeesinga bayiida buuneeda, ea ng'eeninda, eatoodeaba geat bea ng'eanyi, miyinda ea milikghteayda,

Ebraniya 6:18

asi aba jeemba haleanji iyeenya moamu ghwayamwa, nea aba jeedeaba suh ea moamu gwarugu ASEETA ng'uyeega, aseaseeda mang'aw gasa heechea gamng'awsa abeeda ghwanyas giimajeekta ak ghwanyas rarooda ghayi siyiin madeedeanya.

1 Betro 1:2

ghayi siloat ak goojeakta ASEETA was Bwaabwa ak ghoamiidu Guroorooda aba mureeda aba badayda Yesu Gristo nea geapuuna foojeandaanyi: Gagasa eelakuuneegwa dagheerjeanduumeeda ea hoyyoo.

1 Yohaana 3:24

Buuneesean ang'waay diigheanyeekaaschi goobiita jeadaanyi, nea goobiida niny jeenyaawa. Aba sareani abeeda geanali gideaba goobiida jeedeanya, aba Guroorooda ghayi gooneasa.

1 Yohaana 4:12

Manda siida nidaah ASEETA; iisibwariinyayi geat, abeeda ASEETA goobiida jeedeanya, ak bariinyeagaaschi ea majeek aba jeedeanya.

1 Yohaana 4:16

Aseasa geanali ak geamwaschi ASEETA aba badahuukaasa. ASEETA bariinyeega, nea siida abiida jeeda bariinyeega, goobiida jeeda ASEETA, ak goobiida ASEETA jeadaanyi.