Filippi 1:6 - Bibliyeeda Ghaydit

⁶ Ak geasikteawi siidida ang'eat gadiyeeda miy aba jeedeang'wean gayghoahiit aba eaweeda Yesu Gristo.

NEAJEEDA EESH BEA BUUNEESSEAN

⁶ Ak geasikteawi siitta ang'eat gadiyeeda miy aba jeedeang'wean gayghoahiit aba eaweeda Yeesu Gristo.

Filippi 1:6 Mawu Ofanana

NYIIGHEEGA 138:8

NG'UTAMIIDA gayghoahiit ng'asheega rukunean; Ea NG'UTAMIIDA, bariinyeagaagu manda muudeanooda. Adinung'waadi gadiyeeda geatingaagu.

Yohaana 6:29

Ghwasha Yesu nea gwayeesha, “Gadiyeeda ASEETA nihi, gideaba amwasa siida ajeagu niny.”

Gadiyeeda Giijasoodiga 11:18

Iidu nea ghwayiiy ng'asheesu ghwasiinda. Ng'ata geakghambiit ASEETA nea geeyi, “ASEETA niidaw eara Eemoojiga gheata duukuunooda ak ghwanyas eaweega.”

Gadiyeeda Giijasoodiga 16:14

Abeeda gwanda gatmoanagi aleeyseasa iit siguura Lidiya, leabu mujiineeda Diyatira, nea gwasheahiida hang'weaka oomng'i, haw sheayeat ak gabada ASEETA. Hean ghwajaat Ng'utamiida gurooroadaanyi gooleeysiit muuchi ng'asheega rugu Bawlo.

1 Goriinto 1:8

niny gaygoomajeegeegwa ea ghwahita muudeanooda, nea manda ramaseanda aba eaweeda Ng'utamiideanya was Yesu Gristo.

2 Goriinto 1:15

Iidu nea ghaanali ng'asheanji, hean geagasayi doan heedeang'wa aba mwadi, ak abeeda ghoanyaschi hooseaneega deabiyeenya;

2 Goriinto 2:3

Ak ghaang'waarji gawuurji gideasindi, ak abeeda iyaawunyi ea measawanani aba heedeaba fugiga ghwanyawa jea ghwanung' dahoosaniin. Aba gideaba ghaadaayi aba huumwa aba jeedeang'wa oogasean, gideaba hooseaneegeasu gajea hooseaneegeagwa gil oogasean.

2 Goriinto 7:16

Geahoosanyi, aba gideaba geandeawi masaweega muuchi aba badahuukeagwa.

2 Goriinto 9:4

amadu nea ghaawunyi nea geadeani fuga Makedoniya, ak ghaahidu nea moowoosi hidaat, gajeapwaaspwaaseasa, ak abeeda ea mwajeamuusa eerukuna gil aba badahuukeagwa, aba damani sindi jeeda masaweegean.

Galattiya 5:10

Aniini ghaaghuschi Ng'utamiida ea gideaba mwajayamwana mwajadaakta ng'asheega gididaakti aniini; nea siida adeawiideegwa agooga gayghwanyas girgweaksiindaanyi, siida wassean.

Efeeso 4:12

ak ghoadaw fuga ghaydidi uurda jea gwasina gadiyeeda ASEETA ak geemajeek saseeda Gristo,

Filippi 1:10

hean abeeda goosikteawi gida hidaat, ak ghamiidu nea meerukunana badayda ng'asheega munyas aba eaweeda Gristo,

Filippi 1:29

Aba gideaba agooga geegooneegwa gheata aba badayda Gristo jea agadiyeesiina, ea mabeachi masaweega gwanda eara gideaba gajeesawaneegwa aba badaydaanyi,

Filippi 2:12

Asi fugeasu aabwariinyi, aba gideajusu oondeayeati mureeda galeagasean, asi ghamneawa, ea adoosinyi gideabali ghwaraanya muuchi iimeandani hiji, agadiyeesiina lealeanoodeang'wa aba muuwda nea ghoabwadanyi;

Filippi 2:13

aba gideaba ASEETA gagadiiy aba jeesingeagwa, ak gagooneegwa gasooda ea sinooda ng'asheega miyaasiin gasa niny.

Filippi 2:16

nea ghoang'waay muuchi ng'asheanda eaweega, ama muchu eaweeda Gristo ghaamuuschi daghwara geaw aba gideaba mwaafwaji mwadaagha ghana dagadiiyi mwadaagha.

Golosaayi 2:12

nea geepunyeegwa sea niny aba giibaatiisanda, amadu geetuuneegwa sea niny aba masaweega aba gadiyeeda ASEETA, ghayi aduuna niny jeeda miyeeda.

1 Desaloniikke 1:3

nea ghaapkaacheegwa aba madeeda ASEETEANYA was Ghweanda, gadiyeedeang'wa bea masaweega ea bariinyeegeagwa gadiiyi ea milikghteaydeang'wa bea rarooda aba jeeda Ng'utamiideanya was Yesu Gristo.

2 Desaloniikke 1:11

Aba badaydeaba ng'asheanji, iissa geamwaashchi ASEETA galeagasean aba badahuukeagwa, gideaba gagasa ghwanung' ASEETEANYA gahaguuweegwa guurnoadaanyi, ak ghoahiit gilinyoo aamiy gasa ea gadiyeeda masaweega aba uurdaanyi,

2 Desaloniikke 3:4

Amadu eara aseasa ea sighuschi Ng'utamiida aba badahuukeagwa, nea gideaba goosinyi ng'asheega ghayi sirukuneegwa, ea gideaba gajasina ng'asheega sigoonyeegwa aba diigheanda.

Filimoon 1:21

Ghaamwaschi aba mureadaang'u, ak geang'oorneey ang'iing'i nea ghaanali gideaba gaysina ng'asheesu ea ghwanaawa gea earukuneey.

Ebraniya 10:35

Asi adiidu goojakti gidoararji, mideawa giimearda haw.

Ebraniya 12:2

nea geeng'ulayi Yesuheeda asheeda was dea amajeek masaweagaasa, was dea aba hooseaneega siyiin madeadaanyi ghoahang'waay aba beehiida, ak gafool baspaseega, ak goopteada aba meatkweeda geatinda dugwa bea hoorgeeda gheambalmeeda ASEETA.

1 Betro 5:10

Iidu nea ghang'ata sawanadeedida gilimwanang', hean ASEETA mideawa dagheerjeanduumeeda sean, ghayi guurneegwa apkaani jeeda giigheambiitaanyi manda muudeanooda aba jeeda Gristo, gaygoodeelu niny, ak goomajeegiideegwa.

2 Betro 3:10

Nea eaweeda Ng'utamiida gay ghwahitaayda mareanghweanda, aba eaweedida gay ghwaroat humng'eeda aba nyeashta haw, nea haleanjeeda sean ghayi bea mwadi gayghwanyar aba jeeda beasta, nea ng'eanyiida ea gadiyoojigaaschi mideawa gajeaghwarda goosha.