Efeeso 5:4 - Bibliyeeda Ghaydit

⁴ Ak ea adiidu geeyiing'sa heedeang'wa ng'asheega baspaseega ea gea leendeeda ghana nyoota mureeda.

NEAJEEDA EESH BEA BUUNEESSEAN

⁴ Ak ea adiiduw geyiing'sa heedeaeng'wa ng'asheega baspaseega ea gea leendeeda ghana nyootta mureeda.

Efeeso 5:4 Mawu Ofanana

NYIIGHEEGA 33:1

Ahoosasiina NG'UTAMIIDA, agoogeeda oowooschi doobiiweadi! giigheambiita ghwadoabiiw aba heeda fuga miyaasiin gurooruunat.

NYIIGHEEGA 92:1

Aamiy gideaba gajeebadiischeesiina NG'UTAMIIDA, nea geesarmanyi nea geeduumsheesi gheawungaagu Ea ASEETA mida humng'eeda.

GHWASIILDEANGA 12:23

Siida mideawa weaghuumeeda gayghafuy fughareadaanyi, nea guroorooda fuga dasheahi gwarukwiida leendeeda.

GHWASIILDEANGA 15:2

Ng'ushapta siida mideawa weaghuumeeda gabaloola ng'asheega fughareeda, nea ghuusiga fuga dasheahi gabaloola ng'asheega leendeeda.

GHWASIILDEANGA 26:19

Ea giduurji siida reengani giischeewoocheandaanyi gil, nea gwayi, “Gida budeayda gil.”

REEKUSIINDA 10:13

Giing'eeta ng'asheega ghuutaanyi leendeeda; nea huuydeanda balooldaanyi ea geeska muy.

DANIELI 6:10

Iidu nea ghwadaah Danieli gideaba sing'waar barawajeanda, gawa jeedeaba gheanyi ak ghwajaat seawuutka ghooriida mida humng'eeda duukusa Yerusalemu; ak gwatkuy aba gutung'weakaaschi niba samwagu aba jeeda askwearda ak ghamwaash ASEETA nea gabadiischeesa ASEATAANYI, gawuurji gidasiniida.

Marko 7:22

Ea gwadishta, ea nuusta buuneeda, mealuuleega, shidoodeaba ghaang', munyinda, lachng'eanyiida, ririnnyeanda, geawunda gheang'da, giing'weaka, ghwarjeeda ea leendeeda.

Yohaana 6:23

Nea abeeda ea nihidu maleambajeega leabu ng'eanyiida Diberiya ea ghwahita heeda neekeewa heeda aksa buuneeda mukaate, heeda ghayi moasha Ng'utamiida ghawooda.

Ruumi 1:28

Hean nea ghwadaah gideaba mwahida gideaba gayghamwas ASEETA, ghwanung'waada ASEETA gwasin searoojiga munyas gasa fugheerga nyaawa.

2 Goriinto 1:11

Eara agooga aweadeasa aba mooshta ASEETA, ak abeeda gabadiischeesa fuga saang'a aba badahuukaasa aba badiischeesiindida ghayi sigooneasa aseasa aba sheayda mooshcheenga saang'a aba heeda ASEETEAN.

2 Goriinto 9:15

Eebadiischeesiina ASEETA aba gidagooneasa mwoamu usi rukunoodean!

Efeeso 1:16

ea mii danung'waada badiischeesiinda aba badahuukeagwa, inyeessa ghaapkaacheegwa iyaamwaashchi ASEETA,

Efeeso 4:29

Adagwarina ghuusigeagwa ng'asheega munyas, inyeessa goobalooli gea miyaasiin jea ghaweat gilinyoo ea siida gil, ak ghoadaw dagheerjeanduumeeda fuga aleeyseegwa iit.

Filippi 4:6

Adoodeawiichi geat aba ng'asheanda wassean, geaghus aba mooshta ASEETA nea ghoamwaschi ghawooda, nea ghoabwachi ASEETA ak ghwanal ASEETA gidoogasayi wassean.

Golosaayi 3:8

Ak ghamneawa ghoanung'waadi ng'asheesu seaniin; nyarasta, ea ng'weaninda, munyinda, ea beeshta, ea giing'weaka aba ghuusigeagwa.

1 Desaloniikke 3:9

Aba gideaba gajeamuusa eatawdaan ASEETA badiischooda aba badahuukeagwa, aba hooseaneegiga sean sindeawiin, aba badahuukeagwa aba madeeda ASEETEANYA.

1 Desaloniikke 5:18

abadiischeena aba giliwas gil; aba gideaba nih gidabwariiyda ASEETA aba heedeang'wa aba jeeda Gristo Yesu.

Filimoon 1:8

Aba gideaba earapeadi eawooschi muraneeda hidaat aba naweeda Gristo ak geerukuneey sina gidasigasa,

Ebraniya 13:15

Asi aba niny eegala mwadi nea geataydi lukghumeeda duumsheesiinda ASEETA, nea haghweega ghuuta gil gea mwas gheawungaaschi.

2 Betro 2:18

Aba gideaba iissa gwarugu ng'asheega hees bea ghwarjeeda, aba haleanjeeda gasa saseeda aba munyinda iissa gwareengani buuneeda mang'awa heeda fuga abiida jeeda ramaseanda.

2 Betro 2:7

iing'ata nea gwalealu Lutuheeda doabiiwaat, gagiisan muuchi aba hiseadayeanduumeeda fuga munyas.

Yuuda 1:10

Nea fiisu goong'eawi haleanjeeda mwanala, nea aba haleanjeedida nal amwadiin iissa gwasin gawuurji diyeanga manda fughareenga, gajealas uhuuda.

Yuuda 1:13

laweajajeega hees bea basooda, jakiisa humng'eeda furghooda aba baspaseega nyaawa; miinga neay nea heeda hiing'aada gwanda misaneeda haw siitiiw ea ghwahita damanda manda muudeanooda.