Efeeso 5:3 - Bibliyeeda Ghaydit

³ Nea hiseadayeanduumeeda ea ng'asheega munyas sean ghana gasooda ng'asheega munyas adiidu geeyiing'sa jeedeang'wa, aba gideaba nih ghwahit aba jeeda fuga ghaydidi.

NEAJEEDA EESH BEA BUUNEESSEAN

³ Nea hiseadayeandumeeda ea ng'asheega munyas sean ghana gassooda ng'asheega munyas adiiduw geyiingsa jeedeang'wa, aba gideaba nii ghwahit aba jeeda fuga ghaydidi.

Efeeso 5:3 Mawu Ofanana

NYIIGHEEGA 10:3

Aba gideaba siida muy iissa ghaghwara geaw gidida gasa gurooroadaanyiin, nea siida shit ghaang' iissa ghaheawa NG'UTAMIIDA nea gafool.

NYIIGHEEGA 119:36

Nung' ghoang'waay geat gurooroodeanyu sea ng'asheagaagu imuuwu, ak ea adagagal geawunda gheang'da!

RITEAYDA 18:21

Ea meakghusa nih, aba jeedeaba fiisu seaniin gassa fuga awali gheang'da ASEETA, fuga doobiiweadi, was fuga magasa seawshooda, ak ginung' goombal fiisu, buuneeda ambal sagalamnyoojiga ea fuga was bughalajeega ea fuga was haradam ea damanamughuushcheeka, ea gea ambal damanamughuushcheeka.

RITEAYDA 20:17

“Adishisi ghaang' gheeda gischeewoocheandaang'u, adishisi ghaang' gatmooda gischeewoocheandaang'u ghana soomjeandaanyi, ghana hudaanyi bea gadiyeeda, ghana deadaanyi, ghana digeadaanyi, ghana gili wassean mideawa gischeewoocheandaang'u.”

RITEAYDA 23:13

Oang'waanya muuchi ng'asheesu seaniin earukuneegwean, adooruku gheawunga aseecheeka suuk, adeeyiing'isa eara ghuutaang'u.

GHWASIILDEANGA 28:16

Siida ambaliischi nea ghoashoay fughareeda, iissa ghaghabwas buuneeda muuchi, nea dea sit geawunda gheang'da gayghoahaat eawoojigaaschi.

YEREMIYA 22:17

Ak ang'iing'i gindeawi gheanyanga ea guroorooda gheang'da geaw Bea baruureega maba doobiiwnata, Aba gideaba inyeesa giihiidi foojeanda manda giidiinyeanda, Aba minighista nea ghoaluuji buuneeda.”

YEREMIYA 6:13

“Gidang'eada dea mwanang' ea gagul dea haw, gaba nih gasa ghwanyas gida madoobiiwsiina; ak gidang'eada sibaneeda ea gagul ashoohoocheanda, gaba ng'uya sean.

YEREMIYA 8:10

Asi gaydaadaw gadeemga nyaawa fuga suurja, ea madameega nyaawa gaydaadaw fuga nijooriischi, aba gideaba gidang'eada dea mwanang' ea gagul dea haw, gaba nih nyas haleanjeeda gwaneadi; ea gidang'eada sibaneeda ea gagul ashoohoocheanda gaba nih Sini ng'asheega gwaneadi.

ESEKIELI 33:31

Ak saawa ghapkaanda headaang'u gidabuweaniida buuneeda. Ak goobiida madeadaang'u gawuurji fugeasu, ak ghwayiiy ng'asheagaagu ak ea masina, nea aba ghuusiga nyaawa gwahinda geat gil mideawa bariinyeega saang'a nea aba jeesinga nyaawa gagasa nyageadayda nyaawa.

NG'ASHEEGA LAWI 15:18

Sisa iluudayi sea gatmooda ak ghwashabwa aba beega, gaygoohuushi duwaawi aba beega, ak gaygaba ririnnyaan ea ghwahita shing'ada.

MIKA 2:2

Inyeesa gwashissa ghaang' madameega, ak ghoang'waay; ea gealga, ak gageanda; inyeesa ghaghabwas siida ea gheanyi, siida ea hearaniischoadaanyi.

IITOODA 25:1

Muchu goobiida Israeli ng'eanyiida Shitimu, ak ghoang'eat buuneeda hiseadayeanduumeeda sea gadeemga Moabu;

Mattayo 15:19

Aba gideaba jeeda guroorooda gwarituuna giiteemshajeega munyas, nuusta siida, mealuuleega, hiseadayeanduumeeda, mareanghuumeeda, muuwuunooda ng'uyyeega, ea beeshta siida.

Lukka 12:15

Ak gwayeesha saawa, “Afura geat aba geawunda gheang'da; aba gideaba eaweega siida manda jeeda haleanjeeda saang'a mideawa.”

Lukka 16:14

Iidu nea ghwayiiy Farisaayajeega ng'asheesu seaniin gwashika niny aba gideaba saawa ghabwariiy lapiya.

Gadiyeeda Giijasoodiga 15:20

ak ging'oorsi gideaba adoayaaji hamichoojiga mideawa ririnnyeanda sanaamu ak ghwasaja geat hiseadayeanduumeeda ea gida siing'waay ghuuta ea foojeanda.

Gadiyeeda Giijasoodiga 20:33

Ak ea mii dashissa ghaang' lapiyeeda siida ghana dahaabu ghana eagweega.

Ruumi 1:29

Ninyiit jeesinga nyaawa ng'asheega sean munyas, munyinda, ea shidoodeaba ghaang'; geawunda gheang'da. Lajoodeaba ghuut, ea nuusta buuneeda, ea jaleadinga, ea reengaweega, sicheeda, fuga aga badahuukeaba geat,

Ruumi 16:2

ak geagasayi gideaba gajadeapta aba gheawunga Ng'utamiida, gawuurji gidahaguuwda fuga ghaydidi, ak ghoaweachi aba ng'asheega wassean deepa gagasa aba heedeang'wa, aba gideaba niny niweat fuga saang'a ak ghaweadan eara aniini.

Ruumi 6:13

Nea adiidu ghoataydi sasanuukeagwa ghoah dabita jea eesina ng'asheega munyas bea riing'eeda, ghang'wana ghoatawji geat ASEETA nea goowuurjeewi fuga majeekcheewi iing'ata miyeeda, nea ghoatawji ASEETA sasanuukeagwa ghoah dabita doobiiwnata.

1 Goriinto 10:8

Nea adeemealuuli ak geewuurjeewi gidasiinda fuga mwaatkwa aba jeenyaawa, ak ghoabeada fih sagalamnyooji diktam ea samwagu eaweecheanjagi.

1 Goriinto 5:1

Gwanda iita huumwa nighayda bea gideaba jeedeang'wa gwanda fuga mideawa searoojiga munyas, ak gabiissa ea muy ea manda eara aba jeeda Eemoojiga; bea gideaba iissa siida gwaluudayi gatmooda ghwaan.

1 Goriinto 6:13

“Hamita gaba jeeda, nea jeeda gaba hamita”, ak gaygwanyarja ASEETA duwaawi. Amaduuku saseeda ea maba mealuuleega, gaba Ng'utamiida, nea Ng'utamiida gaba saseeda.

1 Goriinto 6:18

Asalda anung'wana heeda mealuuleega. Gilinyoo ea riing'eeda gil sin siida gwanda badayda saseeda; amaduuku siida mealuul gwasin riing'eeda aba saseadaanyi nea gabwageaw.

2 Goriinto 12:21

Aniini ghaawali gideaba gajiidu iyaawunyi gicha gayghwahiing'naan ASEETEANYU aba madeedeang'wa, ak abeeda geagiisanyi aba badahuuka fuga saang'a ghayi sin riing'eeda amwadiin ak ea mii gwaduukuuna munyinda, ea munyinda, ea hiseadayeanduumeeda ghayi sineadayi.

Efeeso 5:12

Aba gideaba gaba baspaseega rukunooda ng'asheega sisin aba makcheameeda;

Efeeso 5:5

Agooga ghoanali ng'asheanji gideaba siida hiseada ghana dea sina ng'asheega munyas ghana dea gaseadayi haleanjeeda ea dea (bada gidamwadaagha ghwanung' ghoah ASEATAANYI) manda dea jea gwahearan gheambalmeeda Gristo ea ASEETA.

Filippi 1:27

Anung' ghoah searoojigeagwa bea eaweega gweateayi sea giijasta miy bea Gristo, ama iyaawunyi dadaheagwa ak ghaadaayeagwa ghana ea meandani, geagasayi dayiiy aba badahuukeagwa gideaba ghoamiinaadi muuchi aba jeemba gurooroanagi, nea goobeayi fughareanagi nea goong'alealeesi masaweega giijasta miy,

Golosaayi 3:5

Asi anung'waada ng'asheega munyas bea muunda ng'eanyiida mida saseenuukeagwa: was hiseadayeanduumeeda, ririnnyeanda, geawunda gheang'da muy, giiteemshooda muy, ea shidoodeaba ghaang', ea ghadoowanda sanaamu.

1 Desaloniikke 4:3

Aba gideaba ng'asheesu gea bwariiy ASEETA gil was giimiinoodeang'wa, ak gooheeleewi geat hiseadayeanduumeeda;

1 Desaloniikke 4:7

Aba gideaba ASEETA maguurneasa eepiidana jeeda ririnnyeanda was ng'asheega munyas, gagasa eepiidana jeeda ghaydidanda.

1 Dimotteo 2:10

Ak suulga nyaawa gidabal ea giibinda nyaawa miy gil aba gideaba nih gidamiisa gadeemga awali ASEETA.

1 Dimotteo 3:3

Mii siida boogidi gil, mii siida bara buuneeda, ak ea garbabu, mii siida sheang'nyachi gil, ak ea mii siida bwariiy lapiya,

1 Dimotteo 6:10

Aba gideaba gumdooda ng'asheega munyas sean gweadu bariinyeega lapiya, ak buuneeda mwaatkwa ea ninung'waada masaweega aba bariinyeesu bea lapiyaan ea gwasawan jeesinga nyaawa.

2 Dimoteo 3:2

Aba gideaba buuneeda gaygaba nih bwariiy geaw, ak gaygaba siisi bwariiy lapiya, gaba nih ghwargeaw ea gea weashweashta ea gea giing'weaka ea fuga mamwasa ng'asheega jiilnoodiga nyaawa, ea gea mandeawana badiischooda, ea gea mii miyaas,

Ditto 1:11

gidabal gearat ghuusiga nyaawa aba gideaba fiisu inyeessa gahuteawi buuneeda aba giinealshooda ak ghwanyas haleanjeeda aba giinealshooda mwadaagha.

Ditto 1:7

Nea jeagiischoocheanda ganiisa, was siida siiteaga gadiyeeda ASEETA, gammiisa ea meerukunana badaydaanyi ng'asheega munyas; ak gagasa ea maba ghwarja ghanea mii asas nyaras ak ea mii leeyeanda ghana gwajala ghana gwashissa ghaang' haleanjeeda mwahida,

Ditto 2:3

Ak eara gadeemga woosi gammiisa ea fuga siniisa geat mureeda gil, nea adagwanaba ng'uyeega, ghana leeyeanda, gammiisa gideaba gaygooneali ng'asheega miyaas,

Ebraniya 12:16

nea adagwanda siida sina ng'asheega munyas ghana dea meawala gheang'da ASEETA uurji Esawu, ghayi shaayda hawundaanyi doobiiwsa aba agiischooda asagi.

YOSHUWA 7:21

Iidu nea ghaadaayi hang'da miy aba bugusta rabadanga leabu Shinari, ea shiliingaji bughalaji iyeenya, ea lapiyeeda sisna dahaabu durumanataanyi gwadeena gea shiliingaji haradam ea damanamughuush, hean geashisi ghaang' ak geageandi, ng'ula, ea sifuy aba ng'eanyi aba jeeda maheemajeandeanyu, ak gooleapsa ng'eanyi lapiya.”

1 Betro 5:2

Oahaaghwana mughuusheanda fuga ASEETA ghayi siiteaganeegwa, nea goomiineadaysi, nea meediing'seegwa, asina aba gidoogasiidi nea adoosinyi aba gideaba googasayi lapiyeeda baspaseega, asi asina nea goomajeekchi,

2 Betro 2:10

nea ghwaraanya giika aat geeshta ng'asheega gasa saseeda aba gasooda ng'asheega munyasiin nea gafool gheambalmeedean. Daruuschi mideawa uurjeenga meawala giing'weaka haleanjeeda gheambiideadi,

2 Betro 2:14

Gheanyanga nyaawa ghwanyiit hiseadayeanduumeeda, ak ea malang'uuta aba riing'eeda. Iissa gwareengani jeesinga ng'arng'ari. Ak gwandeawa gurooruunatka siinaal shidoodeaba ghaang'. Diibiga simwaashta!

2 Betro 2:3

Nea aba shidooda nyaawa bea ghaang' gaygooheadeesa haleanjeeda aba badahuukeagwa aba ng'asheega ng'uyeega; ghang'eada garayi girgweageeda nyaawa ghanyea maygafuuf, nea nyariida nyaawa ghanyea maygwalil.

Giidaheechta 2:14

Ak geandeawi ng'asheesu ng'ay aba badaydaang'u: gideaba gindeawi fiisu ng'ay aba hoowa aat geeshta giinealshooda Balaamu, niny ghayi ghoanaal Balaki ak gwaruusa orjooga Israeli ak ghwanung' ghwaak hamichoojiga siyaat lukghumajeega siitaw sanaamu ea biissa mealuuleega.

Giidaheechta 2:21

Ak ea naadawji gheata gwaduukuuna, ak ghaheawa duukuunooda mealuuleagaaschi.

Giidaheechta 21:8

Ak gea giyoonyi, ea gea mandeawana masaweega, ea gea ririnnyeanda, ea gea nuusa buuneeda, ea gea hiseada, ea beeneediga, ea gea gadoowani sanaamu, ea gea naba ng'uyeega sean, heanyaawa jeeda basooda yeada beasta gil ea giikayda, nea nih ea miyeedeaba iyeenya.”

Giidaheechta 22:15

Hoowa bea jaroodean gwanda gudajeega ea beeneediga ea fuga hiseada ea fuga nuusa buuneeda ea fuga ghadoawani sanaamu, ea gilinyoo ghabwariiy ng'uyyeega nea gwasin.

Giidaheechta 9:21

ak ea maduukuuna nuusta nyaawa bea buuneeda, ghana beeneetkuumeeda nyaawa, ghana munyasnacheeka nyaawa ghana gwadishta nyaawa.

1 SAMWELI 8:3

Iidu orjoagaaschi ea mwaada geeshta ghwaan, ak ghwayam geat gagasa lapiya; iissa geeseawa nea gahuta gitoabiiw.