Efeeso 5:2 - Bibliyeeda Ghaydit

² Ak ghoabeawi bariinyeega, gawuurji gidabwariiydaneasa Gristo ak ghoadayda geaw aba badahuukaasa, ak ghoah haleanjeeda sisapa geadi bea ghadooweeda ng'andit aba heeda ASEETA.

NEAJEEDA EESH BEA BUUNEESSEAN

² Ak ghoabeawi bariinyeega, gawuurji gidabwariiydaneasa Gristo ak ghoadayda geaw appadahuukkaasa, ak ghoaw haleanjeeda sisappa geadi bea ghadoweeda ng'andit aba heeda Aseetta.

Efeeso 5:2 Mawu Ofanana

GIING'EETA 8:21

Joon NG'UTAMIIDA shearooda ng'andit bea lukghumajeega, gwayi NG'UTAMIIDA aba jeeda gurooroadaanyi, “Maygudu damwaashta ng'eanyiida aba badayda siida, aba gideaba giiteemshajeega siida aba jeeda gurooroadaanyi ea munyas ghang'eada jeepcheanduumeadaanyi; ak ea maygudu danuus giliwas diyeayda gawuurji gidaghayi easindi.

RITEAYDA 29:18

ak gighwardi lagweenda sean aba heeda wagiida, nih haleanjeeda sisabwa geadi bea NG'UTAMIIDA gil, was shearooda ng'andit, haleanjeeda sisabwa geadi bea ghadooweeda bea beasta bea NG'UTAMIIDA.

RITEAYDA 29:25

Ng'ata gigeandi haleanjeedida aba geatinga nyaawa ak gighwardi aba heeda wagiida aba uhuuda haleanjeeda sisabwa geadi bea ghadooweeda sighwarda, gawuurji shearooda ng'andit aba madeeda NG'UTAMIIDA, nih haleanjeeda sisabwa geadi bea ghadooweeda bea beasta bea NG'UTAMIIDA.

NG'ASHEEGA LAWI 1:13

nea hiineegaaschi ea leang'eanyoojigaaschi gaygoohuun aba beega. Ak gayghoadayda ashoohoocheanda sean, ak ghaghwarda aba heeda wagiida; nih lukghumeeda sighwarda, lukghumeeda beasta, was shearooda ng'andit aba heeda NG'UTAMIIDA.

NG'ASHEEGA LAWI 1:17

ak gayghabwaash dageascheeda meang'eagaaschi, ak ea mayghwanung' gwaheeli. Ak gayghaghwarda ashoohoocheanda aba heeda wagiida, aba badayda ghweenga mida heeda beasta; nih lukghumeeda sighwarda, lukghumeeda beasta, was shearooda ng'andit aba heeda NG'UTAMIIDA.

NG'ASHEEGA LAWI 1:9

nea hiineegaaschi ea leang'eanyoojiga gaygoohuun aba beega. Ak gayghaghwarda ashoohoocheanda sean aba heeda wagiida, ghoah lukghumeeda sighwarda, lukghumeeda beasta, was shearooda ng'andit aba heeda NG'UTAMIIDA.

NG'ASHEEGA LAWI 3:16

Ak gayghaghwarda ashoohoocheanda aba heeda wagiida ghoah hamita sighwarda ng'andit. Ghashneesean gaba NG'UTAMIIDA.

AMOSI 5:21

“Aniini ghaasichi, ak geafooli ghweelmajeegeagwa, ak ea maydahoosan aba baditeang'wa bea geat.

IITOODA 7:21

ea eeshpajakcheanjagi, ea lagweenjeanjagi, ea dayeeneanjagi bea gisilleanda mwanang' was lagweenda bea gwanyagi, ghoah haleanjeeda ghadooweeda jea eaghwarda;

Mattayo 20:28

aba sareani eara Orjeeda Siida moani eegadiyeesa niny ghoan gagadiiy, ak ghoadayda eaweagaaschi ghoah leadeeda fuga saang'a.”

Yohaana 13:34

Geagonyeegwa diigheanda eesh, abwariinya geat, ak ghoabwariiydi geat gida aabwariiydaneegwa.

Yohaana 6:51

Aniini geawooschi mukaateeyda eaweega rarang'aana humng'eeda; siida wassean iiyak mukaateeheeni, gayghwashng'u eaweega manda muudeanooda; nea mukaateeyda jea daadaw aba badayda eaweega ng'eanyiida ea saseedeanyu.”

Ruumi 15:16

ak abeeda ghaahuuyi siida gadiyeeda bea Gristo Yesu aba jeeda Eemoojiga, ak abeeda geasissi gadiyeeda Giijasta miy bea ASEETA gadiyeeda was ashoohoocheanduumeeda ak abeeda ghoah Eemoojiga haleanjeeda sisapa geadi bea ghadooweeda miyaas, iing'ata nea niimmiidu Guroorooda Ghaydit.

Ruumi 4:25

ak geenuus aba giidiinyeanyeakaasa ak gooduudu ak geenyaschi doobiiwnata.

Ruumi 8:3

Aba gideaba ng'asheegiga mwoamu aba deaweedean, aba gideaba manda uurjeenga aba ng'asheega saseedean, iidu aba giijeaknooda ajeagu ASEETA Orjeedaanyi nea ghwanung' gawuurji siida mideawa riing'eeda, amadu aba badayda riing'eeda iidu goorgweaksa riing'eeda mida saseeda;

Ruumi 8:37

Manda, aba jeedeaba ng'asheesu seaniin iissa geang'ali fuga jooriischi, aba heeda siida ghayi bwariinyeasa.

1 Goriinto 16:14

Ng'asheegeagwa sean iyoosinyi asina aba bariinyeega.

1 Goriinto 5:7

Asi ageanda matawandeaba garayi ak abeeda ghoahuuyi murmurjeanda eesh, ak ea huumwa gil miyeemwatawiideegwa. Aba gideaba Gristo, was dayeenda gisilleanda bea Basaaka, ning'ata giidaydeayda.

2 Goriinto 2:14

Asi badiischeesiinda gammiisa ASEETA, nea ghoadoabiiweasa aba naweeda Gristo aba hooseaneega, ak aba aseasa ghwadarda shearooda ng'andit bea fughareadaanyi aba hiji wassean.

2 Goriinto 2:15

Aba gideaba aseasa geewooschi shearooda ng'andit bea Gristo aba madeeda ASEETA, aba heeda fuga laalaan ea heeda fuga nirooda,

2 Goriinto 8:9

Aba gideaba noanali dagheerjeanduumeeda Ng'utamiideanya was Yesu Gristo, earapeadi baruuriin, hean ghabwarbwariit aba badahuukeagwa, ak abeeda aba barbarandaanyi ghoahuuyi baruurji.

Galattiya 1:4

nea gabeagu geaw aba riing'eegaasa ak gwalealnaneasa aba jeeda seaygeani bea ghamneawa munyasiin, gawuurji gidagasiida ASEETA was Ghweanda;

Galattiya 2:20

Geengooran sea Gristo, ak geawooschi majeek ak ea mii aniini gil, Gristo eamajeek aba jeedeanyu, ak majeeknata eandeawi ghamneawa aba saseeda, geandeawi aba masaweega Orjeeda ASEETA, dea bwariinyan ak gabeagu eaweagaaschi aba badaydeanyu.

Efeeso 1:4

iidu nea ghwaloadeasa nea miyeebwat sindeeta ng'eanyiida, ak geewooschi ghaydidi nea geawooschi fuga meerukunana badahuuka ng'asheega munyas aba madeadaanyi.

Efeeso 3:17

nea goobiida Gristo jeesingeagwa aba naweeda masaweega, ak geeng'eapseegwa jeeda bariinyeega,

Efeeso 3:19

nea ghoanali bariinyeega Gristo ng'al fughareenga, ak abeeda geenyiideegwa hidooda sean bea ASEETA.

Efeeso 4:15

Asi, eang'waanya huumeanda aba bariinyeega nea geeheetu ea eahita heedeaba niny aba haleanjeeda sean, ninyeeda was uhuuda aba jeeda Gristo,

Efeeso 4:2

nea gooyeadayi geat ng'eanyi ak goowooschi garbapi, nea ghoahang'waanyi nea goomilikideaysi geat aba bariinyeega,

Efeeso 5:15

Ang'ula muuchi aba gidoabeadi, adoowuurjeewi fuga manda fughareenga, awuurjeewana gea mida fughareenga,

Efeeso 5:25

Siyeenatka, abwariinya gadeemgeagwa, gawuurji gidabwariiyda Gristo ganiisa ak gabeagu geaw aba badaydaanyi,

GIIPKEATA DIIGHEANDA 27:6

Ak gaydeeksiina NG'UTAMIIDA was ASEATAANG'U heeda wagiida aba lagheanga meenyarjeaweada; ak gajadaw NG'UTAMIIDA was ASEATAANG'U haleanjeeda ghadooweeda sighwarda;

Filippi 4:18

Ak ea naanyaschi haleanjeeda sean, ea ghwanaawda, aba seang'ayda; was gea ghayi eanean Epafroditoheeda leabu heedeang'wa, was haleanjeeda oogoonyi, was shearooda nagheeda ng'andit, ea haleanjeeda sisapa geadi bea ghadooweeda biissa ghabwariiy ASEETA.

Golosaayi 3:14

Iing'ata suh seaniin gamiiseegwa andeawana bariinyeega, aba gideaba gaygooroonyi haleanjeeda sean ghoah gilagi hidaat.

1 Desaloniikke 4:9

Aba iita bariinyeega orjooga giyeanya moogassi gideaba gaygang'oorneegwa sih, aba gideaba agooga ninaleagwa ASEETA bariinyeegeaba geat;

1 Dimotteo 2:6

niny gabeagu eaweagaaschi nea gabwageaw ak ghoah siida jea gootin buuneesean, ak gajeemuuwu aba damandaanyi.

1 Dimotteo 4:12

Adiidu gafool sih gheareemaneanduumeadaang'u, ak guwoosi siida jea eegala aba heeda fuga mideawa masaweega, aba jeeda baloolda ea giibinda sea bariinyeega ea masaweega ea alooheeda.

Ditto 2:14

nea niny ghoadayda geaw aba badahuukaasa ak ghaweadaneasa ng'asheega munyas sean ak ghoamiidu fuga jea ghoah gaaschi nea gamilmiliidi aba sinooda ng'asheega miyaas.

Ebraniya 8:3

Aba gideaba giliwas ashoohoocheanda haw iissa gealoat ghoadayda haleanjeeda ea lukghumajeega; nea eara ashoohoocheanda gammiisa gideaba gaygwandeawa gichea ghoadayda.

Ebraniya 9:14

abeeda gayghwaraanyaataan muuchi foojeanda Gristo, dea aba Guroorooda manda muudeanooda ghoadaw geaw ASEETA nea meerukunana badaydaanyi gidamuy, gayghoamiidu fughareengeagwa aba gadiyoojiga nimeewa ak gagadiiyeesa ASEETA majeek.

Ebraniya 9:23

Ak ghwadoabiiw gideaba haleanjeeda uurji gea humng'eeda gideaba geamiidu aba naweani, nea haleanjeeda humng'eeda geamiina lukghumajeega miyaasiin mawuurji suh.

Ebraniya 9:26

aba sareani gwachi gaygabiikiida jeeda sawanadeeda ghang'eada dea ghayi sisna sindeeta ng'eanyiida. Ak aba nih, ghwahidu nibwagi aba muudeanooda damanda ak gageanda riing'eeda aba giidaydeaydeaba geaw ghoah lukghumeadaanyi.

1 Betro 4:8

Aba badaydeaba suh seaniin asina badiida muuchi ak ghoabwariinyi geat, aba gideaba bariinyeega gwadukuta riing'eega saang'a.

1 Yohaana 3:16

Aba nih sinali bariinyeega, aba gideaba niny gabeagu eaweagaaschi aba badahuukaasa; asi gamiiseasa eara aseasa eebeakna eaweagaasa aba badahuuka orjooka.

1 Yohaana 3:23

Nea nih ea diigheandaanyi gil, gideaba ea mwasa gheawunga Baleandaanyi was Yesu Gristo nea geebariinyayi geat, gawuurji gidagoondaneasa.

Giidaheechta 1:5

biissa gwaleabu heeda Yesu Gristoyda was muushoocheanda doabiiwaat, was duweacheeda fuga nimeewa, ak goombal sugoodiga mida ng'eanyiida. Heedeaba ninyeeda bwariinyeasa ak gootineasa eeheelleewana riing'eegaasa aba foojeandaanyi

Giidaheechta 5:9

hean gwasarman sarmeedeesh, nea gwayi, “Gamiiseey ang'iing'i geanooda gitaabu ak giitin giiroorangaaschi, aba gideaba ghayi gealach gheataang'u nea aba foojeandaang'u giidaydi leadeeda buuneeda aba heeda ASEETA aba giliwas eamwa ea iita ea buuneeda ea ng'eanyiida,