Efeeso 4:1 - Bibliyeeda Ghaydit

¹ Asi aniini, geawooschi siida ghealooniga aba badayda Ng'utamiida, geamuscheegwa gideaba oatoabiiwa eaweega deaschi sea guurnooda ghayi siguurneegwa,

NEAJEEDA EESH BEA BUUNEESSEAN

¹ Asi aniini, geawoschi siida ghealooniga appadayda Ng'uttamiida, geamuscheegwa gideaba oattoabiiwa eaweega deeschi sea gurnooda ghayi suguurneegwa,

Efeeso 4:1 Mawu Ofanana

GIING'EETA 17:1

Iimuchu nea gaba Abramu gweanyeew seedam ea damashageash ghwahidu NG'UTAMIIDA heeda Abramu, ak gwayeesha, “Aniini geewooschi ASEETA Hoauur; una asheedeawanean nea meeyeateeweey ghuut.

GIING'EETA 5:24

Gwarooroochi Enoki sea ASEETA; ak ghang'ut ng'eanyi, aba gideaba gageanda ASEETA.

YEREMIYA 38:20

Ghwalamda Yeremiya ak gwayeesha, “Manda majeayiinyi geatinga nyaawa, eaniyean mwasa ng'asheanda NG'UTAMIIDA aba ng'asheesu earukuneeyiin, abeeda gaybeaha seayu nea ginyasi eaweega.

Gadiyeeda Giijasoodiga 9:31

Iidu ganiisa aba jeeda Yudeyeeda sean ea Galilaya ea Samariya ghwanyas hoyyoo nea geedeegu; hean ghabeawa muuwda aba heeda Ng'utamiida nea gageanda salagheang'da Guroorooda Ghaydit ak ghoahaada.

Ruumi 11:29

Haleanjeeda sigu ea guurnooda moamu ghwayamwa.

Ruumi 12:1

Asi, geamuscheegwa fuga eaduupcheewi aba baydeayda ASEETA, oatayda sasanuukeagwa ghoah haleanjeeda majeekcheewi sigadoowaniida, ghaydit bwariiy ASEETA, nea baditeang'wa bea huumwa gil.

1 Goriinto 4:16

Asi geamuscheegwa, ayeani geeshteanyu.

2 Goriinto 10:1

Aniini Bawlo, geamuscheegwa nea gabwageaw, aba garbabanda ea ng'eeninda Gristo, nea iissa geawooschi ng'eeni aba gheanyangeagwa, nea iyeawooschi sheageewaneegwa geawooschi daruus!–

2 Goriinto 5:20

Asi geewooschi fuga siicheakta bea Gristo, hean gamusiischooweasa ASEETA. Geemearmearaneegwa aba badayda Gristo, ootuupcheewana geat ASEETA.

2 Goriinto 6:1

Nea aseasa iisisinyi gadiyeeda sea niny, hean geemuscheegwa gideaba adiidu ghoanyaschi dagheerjeanduumeeda ASEETA mwadaagha.

Galattiya 4:12

Orjoogiyya, geamuscheegwa awuurjeewanean, aba gideaba aniini geawuurjeewaneegwa. Ea manda gilimuy noosinnean;

Efeeso 2:10

Aba gideaba aseasa geawooschi gadiyeadaanyi, gwasinneasa naweeda Gristo Yesu, aba gadiyoojiga miyaas, ghayi bean gwasin ASEETA aba mwadi, gideaba eeyaada geeshta.

Efeeso 3:1

Aba sareani aniini Bawlo, was siida ghealooniga Gristo Yesu aba badahuukeagwa agooga fuga Eemoojiga–

Efeeso 4:17

Asi gearukuneegwa ng'asheanji, aba badayda Ng'utamiida, gideaba adoapiideati gidabiideata fuga Eemoojiga, saawa gooteemsheesa ng'asheega mwadaagha mwahida;

Efeeso 4:4

Saseeda ea agi, ea Gurooroanagi, gidaghayi siguursiindaneegwa,

Efeeso 5:2

Ak ghoabeawi bariinyeega, gawuurji gidabwariiydaneasa Gristo ak ghoadayda geaw aba badahuukaasa, ak ghoah haleanjeeda sisapa geadi bea ghadooweeda ng'andit aba heeda ASEETA.

Filippi 1:27

Anung' ghoah searoojigeagwa bea eaweega gweateayi sea giijasta miy bea Gristo, ama iyaawunyi dadaheagwa ak ghaadaayeagwa ghana ea meandani, geagasayi dayiiy aba badahuukeagwa gideaba ghoamiinaadi muuchi aba jeemba gurooroanagi, nea goobeayi fughareanagi nea goong'alealeesi masaweega giijasta miy,

Filippi 3:14

Geamajeekchi beata dagal heeda gideabuurbuurji jea danyasa giimearda jea gwaleabu guurnooda leabu heetiyeada bea ASEETA aba jeeda Gristo Yesu.

Golosaayi 1:10

ak abeeda gajoomuusa oopiideata gidagasiida Ng'utamiida nea goosinyi gichea goohoosan, ak giibindeang'wa gaygwaji haghweega aba gadiyoojiga miyaasiin nea gooheetu aba fughareeda ASEETA.

Golosaayi 2:6

Asi agooga ghayi ghoadeapti Gristo Yesu was Ng'utamiida, asi oopiidana jeadaanyi,

Golosaayi 4:12

Epafraheeda was siida jeedeang'wa was soomjeanda Gristo Yesu, ghoaghadeagwa nea goopkeateegwa galeagasean nea gwasin badiida aba moashtaanyi bea ASEETA, ak ghoamiinaadi nea simwaseagwa aba haleanjeedida gasa ASEETEAN.

1 Desaloniikke 2:12

ak ghoabeadi gidahaguuwdaneegwa aba madeeda ASEETA, ghayi guurneegwa agooga ak abeeda gooweayi jeeda sugoocheanduumeadaanyi ea giigheambiitaanyi.

2 Desaloniikke 1:11

Aba badaydeaba ng'asheanji, iissa geamwaashchi ASEETA galeagasean aba badahuukeagwa, gideaba gagasa ghwanung' ASEETEANYA gahaguuweegwa guurnoadaanyi, ak ghoahiit gilinyoo aamiy gasa ea gadiyeeda masaweega aba uurdaanyi,

2 Dimoteo 1:9

dea ghayi lealneasa ak gaguurneasa aba guurnooda ghaydit nea nih ea mabaysiina aba gisisinyi aseasa ak nih gabaysa niny ea dagheerjeanduumeadaanyi. Dagheerjeanduumeani geegooneasa aba naweeda Gristo Yesu nea miyeebwat ng'eanyiida.

Ditto 2:10

ak ea adagwajagwadiisachi, gahaguuw gideaba gayghoahiimu doobiiwnata huumwa, ak abeeda aba haleanjeeda sean ghwanyas giinealshooda ASEETA was lealnoocheandeanya.

Ebraniya 13:21

gagasa gagooneegwa haleanjeeda sean miyaasiin ak abeeda goosinyi gidagasa, nea gagadiiy aba jeedeang'wa gidagasa niny aba gheanyangaaschi aba naweeda Yesu Gristo; nea giigheambiita ea daanyi damanda manda muudeanooda. Amin.

Ebraniya 3:1

Asi fuga eaduupcheewi ghaydidi, siguuyeesi guurnooda humng'eeda, asikteawana Yesu, was giijasoocheanda ea ashoohoocheanda haw masaweagaasa.

1 Betro 2:11

Fuga aabwariinyi, geamuscheegwa nea goowuurjeewi rabasta ea fuga mang'aw mulsa haleanjeeda gasa saseeda ng'uchi sea gurooruunatkeagwa.

1 Betro 3:9

Adoowaliideawi ng'asheanda muy dea muy ghana giing'weaka ea giing'weaka; ghang'wana giidawi ghawooda, aba gideaba geeguurneey aba badaydeaba ng'asheanji, ak abeeda ginyasi ghawooda.

1 Betro 5:10

Iidu nea ghang'ata sawanadeedida gilimwanang', hean ASEETA mideawa dagheerjeanduumeeda sean, ghayi guurneegwa apkaani jeeda giigheambiitaanyi manda muudeanooda aba jeeda Gristo, gaygoodeelu niny, ak goomajeegiideegwa.

2 Betro 1:3

Aba gidawaseata ASEETA ea uurdaanyi gagooneasa eesa sean haleanjeeda miisa eaweega ea gea maduupa aseeta, aba naweedida bea fughareadaanyiin ghayi guurneasa jeeda gheambalmeadaanyi miy,

2 Yohaana 1:5

Ak ghamneawa, geamuscheey gheamata, mii gideaba geang'oorneey diigheanda eesh gil, diigheanji deaghayi sibean eendeawana amwadiin gil, bea gideaba eabwariinya geadi.