Efeeso 2:3 - Bibliyeeda Ghaydit

³ Aba suh ghayi eara aseasa siipiidi eesa sean jeeda haleanjeeda gasa sasanuukaasa, nea geayaachi geeshta haleanjeeda gasa saseeda ea uhuuda, nea geebean eewoosa diibiga nyarasta, ak geewuurjeewi fuga mwaatkwa.

NEAJEEDA EESH BEA BUUNEESSEAN

³ aba suu ghayi earaseasa sippiidi eesasean jeeda haleanjeeda gasa sasanuukkaasa, nea geayaachchi geeshta haleanjeeda gasa saseeda ea uhuuda, nea geebean eewosa diibiga nyarasta, ak geewuurjeewi fuga mwaatkwa.

Efeeso 2:3 Mawu Ofanana

GIING'EETA 5:3

Ng'ata nea niibiida Adamu ng'eanyiida gweanyeew bughala ea diktam ea damanamughuush, gwaji orjeeda uurji niny, siratiida niny, ak gaguura Seti.

GIING'EETA 6:5

Hean ghwadaah NG'UTAMIIDA gideaba niheedu munyasnacheeka buuneeda aba jeeda ng'eanyiida, ea gideaba fughareenga sean mida gurooruunatka nyaawa ea munyas galeagasean.

GIING'EETA 8:21

Joon NG'UTAMIIDA shearooda ng'andit bea lukghumajeega, gwayi NG'UTAMIIDA aba jeeda gurooroadaanyi, “Maygudu damwaashta ng'eanyiida aba badayda siida, aba gideaba giiteemshajeega siida aba jeeda gurooroadaanyi ea munyas ghang'eada jeepcheanduumeadaanyi; ak ea maygudu danuus giliwas diyeayda gawuurji gidaghayi easindi.

AYUBU 14:4

Ng'eaha gil jea ghoamu gooruudu gidamiy aba jeeda gidamuy? Manda dea jea ghoamu.

AYUBU 25:4

Asi siida gajea doabiiwaataan aba madeeda ASEETA? Ak gayghoamuustaan gideaba gayghamiidu siida jih gatmooda?

NYIIGHEEGA 51:5

Ng'ula, aniini geejiilsean jeeda munyinda, ak aniini geejiilan nea geabay daba riing'a ak ghwarat iyya aba jeeda riing'eeda.

ISAYA 53:6

Aseasa geewuurjeewi gisilga ak ea siroodayi; gaba siisi aat naweadaanyi nea gabwageaw; ak ea niyiin NG'UTAMIIDA badaydaanyi munyasnacheakaasa sean.

Marko 4:19

iidu ghwahidu mitagheasta muunda ng'eanyiida bea geaba gasooda baruureega, ea seechmeeda seach saawa gilinyoo ghwariis ng'asheandida, ghwanung' ea mudu gwaji haghweega.

Yohaana 1:13

Fuga meejiilana naweeda gealaan, ghana gidabwariiyda saseeda, ghana gidabwariiyda siida, geaghus ASEETA.

Yohaana 8:44

Agooga goobeayi ghweandeang'wa was meang'nyeandeenda ak iissa googasayi asina gidida bwariiy ghweandeang'wean. Niny gabay gwanuusa buuneeda ghang'eada mwadi, niny iissa ea madoobiiwsiina huumeanda aba gideaba manda jeadaanyi huumeanda. Iissa irugu ng'uyeega gwarugu aba gidida sirata ninyiin, aba gideaba niny gaba ng'uya, ak ea ghweanda ng'uyeega.

Gadiyeeda Giijasoodiga 14:16

Ghayi garayi ASEETA ghwanung'waada gilinyoo ea eemoojiga gil gwasin gidagasa;

Ruumi 1:24

Iidu ghwanung'waada ASEETA goobiida jeeda haleanjeeda bwariiy gurooruunatka nyaawa ak gwasin ririnnyeanda, ak gwajakteaysa sasanuuka nyaawa mureeda.

Ruumi 11:30

Gawuurji gidaghayi moosisiindani ASEETA mureeda iidu ghamneawa ea noanyaschi baydeayda aba nyoota nyaawa bea mureeda;

Ruumi 13:14

Ookweala Ng'utamiida was Yesu Gristo, nea adoong'ulayi ng'asheega saseeda ghana asina gidagasa.

Ruumi 2:14

Aba gideaba fuga Eemoojiga mandeawana deaweeda aba gealaan was gidagasa deaweeda, niiw deaweeda aba heanyaawa, earapeadi mandeawana deaweeda.

Ruumi 5:10

Aba gideaba damanda duu eawooseewana weajoodiga geetuupchaneasa sea ASEETA aba miyeeda Orjeedaanyi, raanya muuchi, iing'ata giiduupcheeda geelealneasa aba jeeda eaweagaaschi.

Ruumi 5:9

Ak gay ghwaraanya iisigooneasa doobiiwnata aba foojeandaanyi, ak ghwaraanya muuchi gajeelealnaneasa jeedeaba nyarastida bea ASEETEAN aba badaydaanyi.

Ruumi 6:12

Asi adagoombal riing'eeda sasanuukeagwa ammu gameewa, nea ghoamwaschi gidida gasean.

Ruumi 7:18

Asi ghaanali gideaba jeedeanyu manda gidamiy, nih aba saseedeanyu. Iissa geagasayi dasin gil doabiiw, ak ea maydasin.

Ruumi 9:22

Asi naaha iigasa ASEETA ghoahiimu nyarastaanyi nea ghwanung' eanala uurdaanyi, ak ghamilikghta muuchi nea ghwarjeang'da aba dabitida nyarasta sisissa nyaroodean,

1 Goriinto 4:7

Ghwadaa ng'eaha gida wasean sajaadawaat aba jeedeang'wa? Ak goondeawi naaha ghayi moanyasi? Ama ghayi oanyaschi, ghwasaan inyas ghoaghwarji geat ea gawuurji gili meegooneegwa?

2 Goriinto 7:1

Iinukwa geandeawi heeleesiini fugeasu aabwariinyi, abeeda ghang'wana geehuunyi geat aba ririnyoojiga sean bea saseeda ea guroorooda nea geemajeekchi ghaydidanda aba gheawalmeeda ASEETA.

Galattiya 3:22

Nih nibean gwarugu Ng'ooruutka gideaba nijooriischi riing'eeda aba ng'eanyiisean geetaajiitunu aba gideaba fugiga mwas Yesu Gristohiin gayghwanyas heeleesiindida ghayi sirukusean aba masaweega.

Efeeso 2:2

was gea ghayi oayaachi geeshta nea goomaseawji seareedida bea ng'eanyiidean, nea ghoayaachi geeshta sugoocheanda mideawa uurda humng'eeda, gurooroodida ghamneawa sin gadiyeeda aba jeeda orjooga fuga manda mureedean.

Efeeso 4:22

Oapuuda searoojigeagwa bea garayi bea giibinda biissa eamuy aba haleanjeeda sigaseadayi reengani fih,

Golosaayi 1:21

Nea aba mwadi agooga ea siiheeleweegwa nea goowooschi munyas fughareani, nea goosinyi sinaweega munyas,

1 Desaloniikke 4:13

Fuga eaduupcheewi asi aseasa meegasi ea moanali gil, aba iiteaba fugiga nimeewean, ak abeeda ea moogiisandani fuga mandeawana rarooda.

1 Desaloniikke 5:6

Asi adeelili ruweanga, ea eewuurjeewana buuneeda mwaatkwa, asi eang'weerna, nea geeteenyi.

1 Dimotteo 6:9

Ak fugiga gasa meanang'oocheanduumeedean gay ghwahita jeeda simsimda ea jeeda gadageeda ea jeeda ng'asheega munyas maba gil bea leendeeda nung' ghwahita buuneeda jeeda roodaweega.

Ditto 3:3

Aba gideaba ghayi aba mwadi geewooschi dasheahi, ak ea meendeawani mureeda ak geewooschi roodanga, ea giing'oonyanga aba miyeenooda muunda ng'eanyiida, nea geepiidi jeeda ng'asheega munyas, ea lajoodeaba ghuut, nea ghwasteagwa buuneeda nea goostayi geat agooga;

1 Betro 1:14

Awuurjeewana diibiga mideawa mureeda, ak adagudoobiiksi jeeda ng'asheegeagwa munyas bea mwadi bea leendeedeang'wa,

2 Betro 2:14

Gheanyanga nyaawa ghwanyiit hiseadayeanduumeeda, ak ea malang'uuta aba riing'eeda. Iissa gwareengani jeesinga ng'arng'ari. Ak gwandeawa gurooruunatka siinaal shidoodeaba ghaang'. Diibiga simwaashta!

2 Betro 2:18

Aba gideaba iissa gwarugu ng'asheega hees bea ghwarjeeda, aba haleanjeeda gasa saseeda aba munyinda iissa gwareengani buuneeda mang'awa heeda fuga abiida jeeda ramaseanda.

1 Yohaana 2:16

Aba gideaba haleanjeeda sean mida muunda ng'eanyiida, was haleanjeeda gasa saseeda ea haleanjeeda gasa gheanyanga ea ghwarjeeda eaweega, suh maleapna heeda Ghweanda, gwaleabu heeda ng'eanyiida.

1 Yohaana 2:8

Ak geang'oorneey digheandeesh bea huumwa aba jeadaanyi ea jeedeang'wa, aba gideaba misaneeda ning'ata ak ea niiboong'u weeshinda huumwa.