Efeeso 2:2 - Bibliyeeda Ghaydit

² was gea ghayi oayaachi geeshta nea goomaseawji seareedida bea ng'eanyiidean, nea ghoayaachi geeshta sugoocheanda mideawa uurda humng'eeda, gurooroodida ghamneawa sin gadiyeeda aba jeeda orjooga fuga manda mureedean.

NEAJEEDA EESH BEA BUUNEESSEAN

² was gea ghayi oayaachchi geeshta nea goommaseawji seareetta bea ng'eanyiidean, nea ghoayaachchi geeshta sugoochcheanda mideawa uurda humng'eeda, gurorootta ghamneawa sin gadiyeeda aba jeeda balloojiga fuga manda mureedean.

Efeeso 2:2 Mawu Ofanana

AYUBU 1:16

Deagheata nea miighoabuut ghuuta baloolda, ghwahidu sih nuut ak gwayeesha, “Ghooptu beasta ASEETA aba humng'eeda ak ghwalas uhuuda gisilga ea fuga gadiyeeda ak ghwanung' goosha, ak geapuudan aniini nea geabea geaw deaneey iita.”

AYUBU 1:19

Deagheata ghwahidu jeameeda ng'waan leabu dareapcheeda ak ghwalas gheedida meadajeega sean ak goobeedeaysa buuneeda gheeda. Ak gameewa, ak geapuudan aniini nea geabea geaw deaneey iita.”

AYUBU 1:7

Ak ghoanyaash NG'UTAMIIDA shataani nea gwayeesha, “Gileabu yeenu ang'iing'i?” Hean ghwasha shataani ghuuta NG'UTAMIIDA nea gwayeesha, “Gealeabu neayeeda aba jeeda ng'eanyiida, ea beacheengeaba hiji ea hoowa.”

AYUBU 31:7

Iideepa ea nischoarda geeshteanyu ak ghwaramwas naweeda, nea gamaseaw gurooroodeanyu gheanyangeasu, ghana ea ninoas geat ririnnyeanda wassean mida geatingeasu;

NYIIGHEEGA 17:14

Ea NG'UTAMIIDA, lealnean aba heedeaba fugiga mideawa haleanjeeda sean gasa aba jeedeaba ng'eanyiini. Lasa saawa aba sawanaduutka ghayi iidiiwsi saawa; ak ghwanyas gea deay ahiit saawa sea diibiga nyaawa ak ghoabit mwaatkwa aba diibiga nyaawa.

ISAYA 30:1

“Dashageada diibiga heawanaan,” gwarugu NG'UTAMIIDA, “gasa gideaba gajeergweaksa, ak ea magasa heedeanyu, inyeessa ghamwaal ng'asheega nyaawa nea mii gea gurooroodeanyu aba gideaba geejipsa riing'eeda badayda riing'eeda.

ISAYA 57:4

Agooga goomachiidi ng'eaha? Ghoabwara ghuusigeagwa aba badaydeabeang'a, nea gooruudu ng'ushapkeakeagwa? Heapi agooga moowoosi diibiga roodaweega? Was jeata ng'uyeega.

YEREMIYA 23:10

Aba gideaba ng'eanyiida ninyiit fuga mealuuli, nea ng'eanyiida ea niiguul aba ng'asheega riing'eeda, nea eara nyeega dareapcheeda ea nigajeamiidi. Naweadinga nyaawa ea munyas nea uurjeenga nyaawa ea marachi gil.

HOSEYA 10:9

Gidang'eada eawoojiga Gibeya, noosinyi riing'eeda, Ea Israeli; aba hoowa gagutkuta gaweay mwadi. Abeeda mayghwanaawa saawa ng'ucheeda aba Gibeya?

NG'ASHEEGA LAWI 11:16

ea shageerooda, ea habeasta, ea shaghawjeanda basooda, ea madooyda aba heeluutkaaschi,

Mattayo 11:19

ghwahidu Orjeeda Siida ak gweagiischi nea gwaleeshi, ak gwayi, ‘Ng'ula, nih aadeaw nea boogideat, nea gwaduupchi fuga ang'oonyi gwaadi ea fuga riing'eega!’ Amadu weaghuumeeda ea nidaajiit aba sinaweagaaschi.”

Mattayo 13:22

Nea dea abissa jeeda geediga halaghweenga, ea siidida iiy ng'asheanda amadu aba geawunda gheang'da baruureega badayda ng'eanyiida, ghaminighis ak ea mudu gwaji haghweega.

Mattayo 13:38

madamnyeandida ea ng'eanyiida gil, histeanga miyas orjooga sugoocheanduumeeda; nea moorookiga ea orjoogeaba diita muyiin.

Marko 4:19

iidu ghwahidu mitagheasta muunda ng'eanyiida bea geaba gasooda baruureega, ea seechmeeda seach saawa gilinyoo ghwariis ng'asheandida, ghwanung' ea mudu gwaji haghweega.

Lukka 16:8

Gagwarsa Siida haw haghweadoocheandida sina ng'asheega munyasiin, aba gideaba orjoogeaba ng'eanyiini ea bareahi iheeni aba jeedeaba rooproobang'su ea ghang'al fuga abiita heedeesh.

Lukka 22:31

“Simon, Simon, ng'ula, Shataani gagaseegwa ghoalealdaneegwa ngaano,

Yohaana 12:31

Damani nihita heeda jea eergweaksiina ng'eanyiini, nihita damanda jea eejakteawa siida ahaaghwa ng'eanyiini.

Yohaana 13:2

Damanda agiischooda bea shing'ada, nea abeeda ea niyiin meang'nyeandeenda jeeda Yudayda Iskariyote, was orjeeda Simon gichea ghwalaapta bwadaw niny,

Yohaana 13:27

Iing'ata ging'ooyda murmurjeanda ghoabita Shataani jeadaanyi. Gwayeesha Yesu niny, “Gidida igasayi sinoodean lamwaja sina.”

Yohaana 14:30

Mayguteabaloolaneegwa gicha ng'asheega saang'a aba gideaba siida ahaaghwa ng'eanyiini gayghoan. Aba heedeanyu niny moamu gil;

Yohaana 15:19

Inyeeda ghwanyawa goobeayi ng'eanyiida, gwachi gayghabwariiy ng'eanyiida fugaaschi; asi aba gideaba moabeahi ng'eanyiida, geaghus gideaba ghaaloacheagwa aba jeeda ng'eanyiida, aba sareani ghwasteagwa ng'eanyiida.

Yohaana 16:11

aba ng'asheega girgweaksiinda, aba gideaba siida ambaliischi bea ng'eanyiida sirgweaksa.

Yohaana 7:7

Ng'eanyiida moamu ghwasteagwa, duuku aniini ghwastan aba gideaba geamuuwu gideaba gadiyoojigaaschi ea munyas.

Yohaana 8:23

Gwayeesha saawa, “Agooga gooleabu heeda hiing'aada nea aniini gealeabu heetiyeada, goobeayi ng'eanyiini, aniini meabeahi ng'eanyiini.

Yohaana 8:44

Agooga goobeayi ghweandeang'wa was meang'nyeandeenda ak iissa googasayi asina gidida bwariiy ghweandeang'wean. Niny gabay gwanuusa buuneeda ghang'eada mwadi, niny iissa ea madoobiiwsiina huumeanda aba gideaba manda jeadaanyi huumeanda. Iissa irugu ng'uyeega gwarugu aba gidida sirata ninyiin, aba gideaba niny gaba ng'uya, ak ea ghweanda ng'uyeega.

Gadiyeeda Giijasoodiga 19:35

Iidu nea ninung' siida ng'oorshachi ghwasiinda eemeeda gwayeesha, “Ea headiga Efeso, moanali gideaba mujiineeda Efeso furiischoocheanda gheeda sibata aseeta bea Artemiheeda hawi, ak ea dea lagheaneeda abina humng'eedean?

Gadiyeeda Giijasoodiga 5:3

Ghwalamda Betaro ak gwayeesha, “Ananiya ghwasaan anda ginung' goobal gurooroadaang'u Shataani ea ghwanung' reengana Guroorooda Ghaydit ak gifunyi haleanjeeda mwaatkwa bea madamnyeandean?

Ruumi 12:2

Adiidu goomaseawji giduurji ng'eanyiida, geaghus ghanyi eayameagwa ak geanung' ahuwa fuga eashish aba fughareengeagwa, ak abeeda ghoanali muuchi gidabwariiy ASEETA was ng'asheega miyaas, simwas biissa ea majeekcheewi.

1 Goriinto 5:10

meayeeshiineegwa earahay gideaba adooguuyeewi fuga munyas bea jeedeaba ng'eanyiini, ghana fuga geawi gheanyan, ea fuga areedi buuneeda haleanjeeda, ghana fuga bada sanaamu, abeeda gwachi gajea gideaba gagasa ang'amwana jeeda ng'eanyiida gil.

1 Goriinto 6:11

Nea aba jeedeang'wa ghayi goowooschi fuga sina ng'asheesu. Iidu ea siihuuneegwa, ak ea siimiineegwa, ak geegooneegwa doobiiwnata aba gheawunga Ng'utamiida was Yesu Gristo, ea aba Guroorooda ASEETEANYA.

2 Goriinto 4:4

Aba sareani aseeteaba ng'eanyiini ninung' gang'oowiidi fughareenga fuga mandeawana masaweega, ak ghaweada deakta weeshinda giijasta miy mideawa giigheambiita Gristo, nea niny gawuurji sea ASEETA.

Galattiya 1:4

nea gabeagu geaw aba riing'eegaasa ak gwalealnaneasa aba jeeda seaygeani bea ghamneawa munyasiin, gawuurji gidagasiida ASEETA was Ghweanda;

Efeeso 1:21

hean goombal fuga ambaliischi sean ea gheambalmeeda ea uurda ea sugoocheanduumeeda, ak ghang'ataawa gheawunga sean ghayi sing'at, ak ea mii aba seaygeeni gil eara diita jea ghwahiduun;

Efeeso 2:11

Asi oapkaada gideaba ghayi agooga goowooschi fuga Eemoojiga aba saseeda, ak geeguureewaneegwa fuga mii eayaat ghasmeahooda aba gissiguura ghasmeahooda, sisissa saseeda aba geatinda–

Efeeso 2:13

Ak ghamneawa aba jeeda Gristo Yesu agoogeeni ghayi oowooschi sheagiin ea siineekiideegwa aba foojeanda Gristo.

Efeeso 2:3

Aba suh ghayi eara aseasa siipiidi eesa sean jeeda haleanjeeda gasa sasanuukaasa, nea geayaachi geeshta haleanjeeda gasa saseeda ea uhuuda, nea geebean eewoosa diibiga nyarasta, ak geewuurjeewi fuga mwaatkwa.

Efeeso 4:17

Asi gearukuneegwa ng'asheanji, aba badayda Ng'utamiida, gideaba adoapiideati gidabiideata fuga Eemoojiga, saawa gooteemsheesa ng'asheega mwadaagha mwahida;

Efeeso 4:22

Oapuuda searoojigeagwa bea garayi bea giibinda biissa eamuy aba haleanjeeda sigaseadayi reengani fih,

Efeeso 5:6

Adagwareenganeegwa sih aba ng'asheega mwadaagha, aba gideaba ng'asheega uurji suh, gayghwahidu nyarasta ASEETA badahuuka orjooga manda mureeda.

Efeeso 5:8

aba gideaba ghayi agooga goowooschi misaneeda, ak ghamneawa goowooschi weeshinda aba jeeda Ng'utamiida; asi abeeda diibiga weeshinda

Efeeso 6:12

Aba gideaba ng'ucheedeanya maba saseeda ea foojeanda gaba badayda sugoocheanduumeeda ea gheambalmeeda aba badayda fuga ambaliischi bea jeedeaba misaneani, aba badayda shirikareeda meangeenda munyas aba jeeda darooraka humng'eeda.

Golosaayi 1:21

Nea aba mwadi agooga ea siiheeleweegwa nea goowooschi munyas fughareani, nea goosinyi sinaweega munyas,

2 Dimoteo 4:10

Aba gideaba Dema ghabwariiy haleanjeeda muunda ng'eanyiida ak ghang'eat gwanung'usean heeda ak gawa Desalonike, ak Greske gawa ng'eanyiida Galatiya, nea Dito gawa ng'eanyiida Dalmatiya.

Yakkobo 1:27

Diineeda miy manda ririnnyeanda aba madeeda ASEETA was Ghweandean nih gil: bareasiinda bananga gil ea masiinung'weega aba jeeda sawanaduutka nyaawa, nea gifuri geaw aba ng'asheega munyas bea muunda ng'eanyiida.

Yakkobo 1:7

Nea siida machmajiischi, nea mabwagi nea moapta ng'eanyi aba jeeda naweadingaaschi sean, adaghwarar gideaba gayghwanyas gil aba heeda Ng'utamiida.

Yakkobo 4:4

Fuga mii doobiiweadi! Moanali gideaba iduupcheewi geaw ng'eanyiida ea nihuuwi weajoocheanda ASEETA? Asi siida wassean gasa gooduupchi geaw ng'eanyiida abeeda ea nisin geaw weajoocheanda ASEETA.

1 Betro 1:14

Awuurjeewana diibiga mideawa mureeda, ak adagudoobiiksi jeeda ng'asheegeagwa munyas bea mwadi bea leendeedeang'wa,

1 Betro 4:3

Anung'waada damanda heeda ning'ata ghwahit aba sinooda ng'asheega gaseadayi fuga Eemoojiga, giibinda sihiseada, geawunda gheang'da, booktuumeeda, sinooda ghweelmeeda, ghweelmeeda difaayeeda, ea badita sanaamu,

2 Betro 2:14

Gheanyanga nyaawa ghwanyiit hiseadayeanduumeeda, ak ea malang'uuta aba riing'eeda. Iissa gwareengani jeesinga ng'arng'ari. Ak gwandeawa gurooruunatka siinaal shidoodeaba ghaang'. Diibiga simwaashta!

1 Yohaana 3:10

Aba nih abeeda gajeadaah gideaba diibiga ASEETA akeega gil, ak ea akeega gil diibiga meang'nyeandeenda, aba gideaba dea masina ng'asheega doobiiweadi maba ASEETA, ghana dea mwabwariinya orjeeda ghaamwat.

1 Yohaana 3:8

Siida sina riing'eeda gaba meang'nyeandeenda; aba gideaba meang'nyeandeenda ghayi gabean gwasina riing'eeda. Gissibaysiina wunooda Orjeeda ASEETA geataajiit ghwadatas gadiyeeda meang'nyeandeenda.

1 Yohaana 4:4

Diibiga manang'i, agooga goobeayi ASEETA, ak ea noajoarji saawa; aba gideaba dea mida jeedeang'wa ea haweewa dea mida jeeda ng'eanyiida.

1 Yohaana 5:19

Aseasa geanali gideaba geebeayi ASEETA, ak ng'eanyiisean goombal diita muyiin.

1 Yohaana 5:4

Aba gideaba gisijiila ASEETA iissa ghwajoar ng'eanyiida; nea nih ea jooriischooda joar ng'eanyiida gil, nea masaweagaasa.

Giidaheechta 12:9

Ak geejaksa ng'eanyi hararjoodida haw was ichiboodeaba garayiin, siguura Meang'nyeandeenda ea Shataani, was dea reengani ng'eanyiisean, ak geejagu badayda ng'eanyiida, ak eara malaykajeagaaschi geehisu ghapka ng'eanyi sea niny.

Giidaheechta 13:14

nea aba gwadeagwajeega siitaw gwasin aba madeeda diyeaydean, hean gwareengani fugiga mida ng'eanyiidean, ak ghwanung' gwasin giduurji diyeayda silasa ng'uta ak ea gudugwanda;

Giidaheechta 13:8

nea haleanjeeda sean mida muunda ng'eanyiida gayghaghadoawan niny, giliwas sih miyeeng'oorsa gheawungaaschi jeeda gitaabooda eaweega bea Dayeenda Gisilleanda ghayi sinuus nea miyeebwat sindeeta ng'eanyiida.

Giidaheechta 16:17

Goohiisa malaykajeandida bea ispwaan gweeriidaanyi humng'eeda, ak gwarina nyeashta haw jeeda gheeda sibata ASEETA, heeda hoorgeeda gheambalmeeda, nea gwayi, “Nigeawiit gwasa!”

Giidaheechta 20:2

Ak ghoang'waay ichibooda was ichiboodida bea garayiin was meang'nyeandeenda ea Shataani, ak ghwarada gweanyeew sagalama,