Efeeso 2:14 - Bibliyeeda Ghaydit

¹⁴ Aba gideaba niny hoyyooydeanya, nung' eahuuwa eesa sean agi, ak gwanyarja ghamarda beashooda bea furjeeda,

NEAJEEDA EESH BEA BUUNEESSEAN

¹⁴ Aba gideaba niny hoyyooydeanya, nung' eahuwa easasean agi, ak gwanyarja ghamarda beashooda bea furjeeda,

Efeeso 2:14 Mawu Ofanana

ESTA 3:8

Hean ghwalamda Hamani ak gwayeesha sugoocheanda was Ahasuero, “Gwanda fiispa eemoojiga nidarda aba jeeda buuneesean bea darooraka sugoocheanduumeadaang'u; ak deaweedajeega nyaawa ea maweapchi sea dea buuneesuurja, nea meang'waanya eara deaweedeeda sugoocheanda, asi aba sareani mayghoamu geat sea sugoocheanda.

MIKA 5:5

Ak gayghoah hoyyoo, inyas ghapka fuga Ashuru ng'eanyiideanya ak ghoalaapta ng'eanyi ng'eanyiideanya, abeeda gajeanung' ghang'eat jeagiischoodi ispwa gaweay badaydaanyi ea sugoodi sis;

SAKARIYA 6:13

Niny gaygwadeeksa NG'UTAMIIDA gheeda sibata ASEETA, ak gayghwanyas giigheambiita, ak gaygoopteada ak goombaliischi. Ak gaygawa ashoohoocheanda hoorgeadaanyi, bea sugoocheanduumeeda, ak gaygagadiiy duwaawi nea gaba hoyyoo.”’

Lukka 1:79

ak gayghoabwaay fuga sean mida jeeda misaneeda haw bea jirooneeda miyeeda, ak ghoadoabiiw geeshangaasa eayaada naweeda miy bea hoyyoo.”

Lukka 2:14

“Giigheambiita gaba ASEETA mida humng'eeda, ak aba ng'eanyiida ghoah hoyyoo aba heeda fuga ahoosan!”

Yohaana 10:16

Geabiisi dandeawa gisil suuk manda seamoodeaba gheawi; asi eara suh gammiisa gideaba gaydaaghuumu, ak gayghwayiiy ghuuteanyu. Ak abeeda ghoah hawanyeanda agi, ak haghweadoocheanda gajea agi.

Yohaana 11:52

ak ea mii badaydeaba eemeeni gil ak ghwahit, ghabwada gideaba gagasa goonyeaschi diibiga ASEETA nigeawiit ghwadarda ak ghoah gilagi.

Yohaana 16:33

Ng'asheesu gearukuneegwa nea geagasayi abeaha hoyyoo aba jeedeanyu. Aba jeeda ng'eanyiida gajanyasa sawanadeeda; asi oahang'waanya jeesingeagwa, aba gideaba aniini naajoarji ng'eanyiida.”

Gadiyeeda Giijasoodiga 10:28

gwayeesha fugiga, “Agooga goobay anala gideaba gilinyoo ea siida Yahudi gil mwahida gideaba gay gaguuy sea fuga eemoojiga suuk; nea aniini ea niihiimnaani ASEETA gideaba adeaguuri siida wassean siida gealaan ghana gili bea ririnnyaan.

Gadiyeeda Giijasoodiga 10:36

Ak ghoanali ng'asheanda ghayi ajeaksa fuga Israeli, bea rukwiideayda giijasta miy bea hoyyoo aba naweedida bea Yesu Gristohiin, (nea niny ea Ng'utamiida buuneesean,)

Ruumi 5:1

Asi iisigooneasa doobiiwnata aba masaweega, abeeda geanyaschi hoyyoo aba heeda ASEETA aba naweeda Ng'utamiideanya was Yesu Gristo.

Galattiya 3:28

Ak biissa ea maheeli siida Yahudi ea siida Yunani, ghana siida was giing'oonyaneeda ghana dea abal geaw. Ea manda ng'eedeeda ghana gatmooda; aba gideaba agooga noowooschi agi aba naweeda Gristo Yesu.

Efeeso 2:15

iidu nea ghoahiit geandeayda deaweeda aba saseadaanyi aba digheanyeeka ea huumeanyeeka, ak abeeda gwasin siideesh nea gaba geaw ghoaghiisa gea asiyeenya, ak gwasin hoyyoo,

Efeeso 2:17

Ak ghwahidu ak gwarukwiida hoyyoo aba heedeang'wa agoogeeni sheagiin ea hoyyoo aba heeda fuga neeki;

Efeeso 3:15

was gumdooda gealga sean bea ng'eanyiida ea humng'eeda ak geeguushteawa,

Efeeso 4:16

niny googuuyi saseessean ak ghwanung' ghoang'waay geat roobuutka, ak ghoadaw gilinyoo ea roobadeeda gil gichea gwasinda gadiyeadaanyi muuchi ak aba sareani gwaheedu saseessean nea ghwadeas geaw aba bariinyeega.

Golosaayi 1:20

nea aba niny gooduupchi geaw haleanjeeda sean gea mida ng'eanyi ghana gea mida humng'eeda, ak gwasin hoyyoo aba foojeanda weay aba badayda beehiidaanyi.

Golosaayi 2:20

Ama iinoomeewuudayeewi Gristo aba haleanjeeda ng'eanyiida was meangeenda, ghwasaan anda goopiideati gili duu abeaha ng'eanyiida? Ghwasaan inyas ghoamwaschi huumeanyeeka nyaawa,

Golosaayi 3:11

Ak aba sareani ea maheeli siida Yunani ghana dea Yahudi, dea siyaat ghasmeahooda ea dea miyeayaat ghasmeahooda, buunyeanda, ghana siida mwanala gil, giing'oonyaneeda, ghana dea abal geaw, nea Gristo ea sean gil aba jeeda haleanjeeda sean.

Golosaayi 3:15

Ak ghoanung' goombaliischi hoyyooyda Gristo aba jeesingeagwa, aba gideaba agooga geeguurneegwa awasa saseanagi. Nea ghoahuuyi fuga badiischooda.

Ebraniya 13:20

Asi ghamneawa ASEETA mideawa hoyyoo biikta gweadu gicha Ng'utamiideanya was Yesu aba jeeda miyeeda, jeagiischoocheanda haw bea gisilga, aba foojeanda neajeeda manda muudeanooda,

Ebraniya 7:2

nea Abrahamu ghoadaw niny gida aba gilatamanamughuush aba jeeda haleanjeeda sean. Niny duweacheeda, aba iisiroobu gheawungaaschi, sugoocheanda doobiiwnata, ak gabiissa ea sugoocheanda Salemu, ak ea sugoocheanda hoyyoo.