Efeeso 2:13 - Bibliyeeda Ghaydit

¹³ Ak ghamneawa aba jeeda Gristo Yesu agoogeeni ghayi oowooschi sheagiin ea siineekiideegwa aba foojeanda Gristo.

NEAJEEDA EESH BEA BUUNEESSEAN

¹³ Ak ghamneawa aba jeeda Gristo Yeesu agoogeeni ghayi owaschi sheagiin ea sinnekkideegwa aba foojeanda Gristo.

Efeeso 2:13 Mawu Ofanana

NYIIGHEEGA 22:7

Fuga sean daahan gabareewean budeay, iissa gooleechiisean ghuut, nea goodiindiil iheenga nyaawa.

NYIIGHEEGA 73:27

Aba gideaba gea aheeldooscheeweey geat gaygoosha; ak ea nilasi uhuuda fuga sean nung'useey heeda.

ISAYA 11:10

Ak eaweecheanji damealeanda Yese ghamiinaada ghoah gwadeagooda aba heeda fugaaschi; ak gaygagasa eemoojiga niny, nea heeda abiita niny gajea ghaambiidaat.

ISAYA 43:6

Gaydayeesha wiilooda ng'eanyiida ghayeawa, siksiina gaweay ak geayeeshi wiilooda ng'eanyiida biyeara, adiighuumu; aghuumni orjoogeasu ghang'eada dea sheagi, ea haweegeasu ghang'eada muudeanooda ng'eanyiida,

ISAYA 49:12

Ng'ula suh gayghapka nea gwaleabu dea sheagi, nea suh gaygwaleabu wiilooda ng'eanyiida ghayeawa ea wiilooda ng'eanyiida biyeara, nea suh gaygwaleabu ng'eanyiida Sinimu.”

ISAYA 57:19

Aniini geasinyi haghweega ghuuta hoyyoo, hoyyoo, aba dea mida deasheagi, ea dea mida dea heeda neeki gwarugu NG'UTAMIIDA, ak gaydaahaap niny.

ISAYA 60:4

Gatgada gheanyangaagu ak giing'weersi meadajeega sean, ghabwatgeat sean ak ghapka headaang'u, gayghapka orjoagaagu nea gwaleabu deasheagi nea haweagaagu gajeasareena geatinga.

ISAYA 60:9

Aba huumwa gayghoamuukghunaan ng'eanyiida ghuuta baskweega, nea gidamadeeda ea maleambajeega hees bea Darshishi gil, ak gaygweadu orjoagaagu aba deasheagi, ea lapiyeenyaawa ea dahaabu, sea saawa, aba gheawunga NG'UTAMIIDA was ASEATAANG'U, ea aba badayda Deaghaydit Asagi bea Israeli, aba gideaba siikghaambiinyi.

ISAYA 66:19

Ak gaydayiin gwadeagooda bugusta nyaawa, ak giika ghuhiin gaydeajeakta heeda eemoojiga, mida Darshishi ea Buli, ea Ludi, mida fuga nal ng'ucheeda ghuweang'da, ak gaygaweay eara Dubali ea Yafani ng'eanyiida sheagi mida ghuuta basooda, fuga mii ghwayiiy ng'asheegeasu, nea mwadaaha giigheambiiteanyu ak gaygwarukwiida giigheambiiteanyu aba jeeda eemoojiga.

YEREMIYA 16:19

Ea NG'UTAMIIDA, ang'iing'i guwoosi uurdeanyu ea hilgweandeanyu, heechea damng'awsa damanda sawanadeeda, gayghapka headaang'u eemoojiga sean gayghapka meadajeega sean bea ng'eanyiida ak gaygwayi: “Ghweanigaasa mahearana eara gil geaghus ng'uyeega, haleanjeeda mwadaagha marachi gil.

Yohaana 10:16

Geabiisi dandeawa gisil suuk manda seamoodeaba gheawi; asi eara suh gammiisa gideaba gaydaaghuumu, ak gayghwayiiy ghuuteanyu. Ak abeeda ghoah hawanyeanda agi, ak haghweadoocheanda gajea agi.

Gadiyeeda Giijasoodiga 15:14

Simon ghwasaan nea nirugu gidaghayi deaptaayda ASEETA fuga Eemoojiga, ak ghwaloat fiisu ng'ay aba jeenyaawa ghoah fugaaschi. Ak aba nih ghamwas ng'asheega sibanga, gawuurji gissing'oarda.

Gadiyeeda Giijasoodiga 2:39

Aba gideaba heeleesiinda deang'wa gil ea diibigeagwa ea buuneesean sheagachi, gilinyoo ea sih gil jea gaguursa Ng'utamiideanya was ASEETA.”

Gadiyeeda Giijasoodiga 22:21

Ak gwayeeshiinean, ‘Una aba gideaba gaydeajeaktaneey heeda sheagi was ng'eanyiida Eemoojiga’.”

Gadiyeeda Giijasoodiga 26:18

ak ghwayam gheanyanga nyaawa, geat gwaheeli misaneeda ak gaweay jeeda weeshinda ak gwariteawa jeeda uurda Shataani amahit gwayamsa geat ASEETA, ak ghwanyas samsiinda riing'eega ea giibinda aba jeeda fugiga ghayi siimiidu aba masaweega aba jeedeanyuun.’

Ruumi 8:1

Asi ghamneawa manda girgweaksiinda aba badahuuka fuga mida jeeda Gristo Yesu.

1 Goriinto 1:30

Niny gumdooda eaweegeagwa gil aba jeeda Gristo Yesu, ghayi nung' ASEETA ghoah weaghuumeedeanya, ea doobiiwnateanya ea giimiinnooda, ea lealeanooda;

1 Goriinto 12:13

Nea aba Gurooroanagi geebaatiisaneasa aba saseanagi, fuga Yahudi ghanea fuga Giriki gili, ea giing'oonyanga gil ghanea fuga abal geat gil, hean geanung' ghwaleayda sean Gurooroanagi.

1 Goriinto 6:11

Nea aba jeedeang'wa ghayi goowooschi fuga sina ng'asheesu. Iidu ea siihuuneegwa, ak ea siimiineegwa, ak geegooneegwa doobiiwnata aba gheawunga Ng'utamiida was Yesu Gristo, ea aba Guroorooda ASEETEANYA.

2 Goriinto 5:17

Nea siida iimida jeeda Gristo, ea niiw siideesh; haleanjeedeaba garayi ning'ata, ng'ula, nihidu haleanjeeda eeshish.

Galattiya 3:28

Ak biissa ea maheeli siida Yahudi ea siida Yunani, ghana siida was giing'oonyaneeda ghana dea abal geaw. Ea manda ng'eedeeda ghana gatmooda; aba gideaba agooga noowooschi agi aba naweeda Gristo Yesu.

Efeeso 1:1

Bawlo, Giijasoocheanda Gristo Yesu, aba gidagasiida ASEETA. Heeda Fuga ghaydidi biissa ea doobiiweadi aba jeeda Gristo Yesu.

Efeeso 1:7

Aba niny geendeawi ghuhooda aba foojeandaanyi, was samsiinda riing'eeda, aba giteena dagheerjeanduumeadaanyi.

Efeeso 2:10

Aba gideaba aseasa geawooschi gadiyeadaanyi, gwasinneasa naweeda Gristo Yesu, aba gadiyoojiga miyaas, ghayi bean gwasin ASEETA aba mwadi, gideaba eeyaada geeshta.

Efeeso 2:12

oapkaada gideaba eara agooga aba damandida siiheelaneegwa sea Gristo, ak geeheelaneegwa sea eemeeda Israeli, ak goowooschi rabasta neajeeda heeleesiindida, ak ea moondeawani gidoararji nea manda ASEETA jeeda ng'eanyiida.

Efeeso 2:2

was gea ghayi oayaachi geeshta nea goomaseawji seareedida bea ng'eanyiidean, nea ghoayaachi geeshta sugoocheanda mideawa uurda humng'eeda, gurooroodida ghamneawa sin gadiyeeda aba jeeda orjooga fuga manda mureedean.

Efeeso 2:6

ak gooduuneasa sea niny ak ghwanung' eepiitpiida sea niny aba jeeda ng'eanyiida guroorooda, aba jeeda Gristo Yesu,

Ebraniya 9:18

Hean eara neajeeda madeeda ea mamajeegiida iimanda foojeanda.

1 Betro 3:18

Aba gideaba Gristo eara niny ghami nibwagi aba badayda riing'eeda, ninyeeda doabiiwaat aba badayda gea mii doobiiweadi, aba gideaba gweaneasa heeda ASEETA ak geenuus saseadaanyi nea gurooroadaanyi geetuudu;

Giidaheechta 5:9

hean gwasarman sarmeedeesh, nea gwayi, “Gamiiseey ang'iing'i geanooda gitaabu ak giitin giiroorangaaschi, aba gideaba ghayi gealach gheataang'u nea aba foojeandaang'u giidaydi leadeeda buuneeda aba heeda ASEETA aba giliwas eamwa ea iita ea buuneeda ea ng'eanyiida,