Efeeso 1:1 - Bibliyeeda Ghaydit

¹ Bawlo, Giijasoocheanda Gristo Yesu, aba gidagasiida ASEETA. Heeda Fuga ghaydidi biissa ea doobiiweadi aba jeeda Gristo Yesu.

NEAJEEDA EESH BEA BUUNEESSEAN

¹ Baulo, Giijasoochcheanda Gristo Yeesu, aba gidagasiida Aseetta, Heeda Fukghaydidi biissa ea doobiiweadi aba jeeda Gristo Yeesu.

Efeeso 1:1 Mawu Ofanana

IITOODA 12:7

Maygawuurji giduurji aba heeda siideanyu bea gadiyeeda, was Musa; niny ea garbabu aba jeedeaba gheenyu sean;

Lukka 16:10

“Siida doabiiwaat aba haleanjeeda manang'i muuchi gajea doabiiwaat eara aba haleanjeeda heesi muuchi; nea dea miidoabiiwaat aba haleanjeeda manang'i eara aba gea heesi gajea miidoabiiwaat.

Gadiyeeda Giijasoodiga 16:15

Iidu nea siipaatiisan, sea fugeaba gheanyi, hean gaguurneasa nea gwayi, “Iinoadaayi gideaba aniini geawooschi doabiiwaat aba heeda Ng'utamiida, abeeda ghoapkaanyi oopiidana gheenyu.”

Gadiyeeda Giijasoodiga 18:19

Gabiikta ng'eanyiida Efeso, ak gwanung'usa saawa hoowa; hean gawa niny jeeda ghooriida siinealshacheewa ak gwasheang'dooschi sea fuga Yahudi.

Gadiyeeda Giijasoodiga 18:21

Damani ng'eada gawean gwayeesha, “Gaydabiigu heedeang'wa gicha ng'eang'deang'wa iimwas ASEETA.” Hean ghang'eat gwading'da maleambooda ak ghabeawa Efeso.

Gadiyeeda Giijasoodiga 9:13

Ghwasha Ananiya nea gwayeesha, “Ng'utamiida, naayiinyi ng'asheegeaba siisi aba heeda fuga saang'a, ak eara ng'asheega munyas nisima fugaagu ghaydidi aba Yerusalemu;

Ruumi 1:1

Bawlo, soomjeanda Yesu Gristo, siguursa ghoah giijasoocheanda, sisach aba gadiyeeda giijasta miy bea ASEETA

Ruumi 1:7

aba fuga sean mida ng'eanyiida Rumi, ghayi bwariiy ASEETA, siguursa ghoah fuga ghaydidi: Gagasa anyasa dagheerjeanduumeeda ea hoyyooyda leabu heeda ASEETA was Ghweandeanya, ea heeda Ng'utamiida was Yesu Gristo.

Ruumi 8:1

Asi ghamneawa manda girgweaksiinda aba badahuuka fuga mida jeeda Gristo Yesu.

1 Goriinto 4:12

geebiissi eedeawiida nea geesinyi gadiyeeda aba geatingaasa. Iisiing'eaweasa geebadiischeesi, iisibwareasa gearjeang'di.

1 Goriinto 4:17

Hean ghoah gideajeakni Dimoteo heedeang'wa, was jeepteanyu aabwariinyi, biissa ea doabiiwaat aba jeeda Ng'utamiida, jea goopkeaneegwa naweadingeasu aba jeeda Gristo, ak gawuurji gideanealshacheati aba ng'eanyiisean aba jeesinga ganiisajeega sean.

2 Goriinto 1:1

Bawlo, was giijasoocheanda Gristo Yesu aba gidabwariiyda ASEETA, ea Dimoteo was orjeedaanyi. Heeda ganiiseeda ASEETA mida Gorinto, sea fuga ghaydidi sean mida jeeda ng'eanyiida sean bea Akaya:

Galattiya 1:1

Bawlo giijasoocheanda, nea maleapna heeda buuneeda ghana gwasku naweeda siida, gwasku heeda Yesu Gristo ea heeda ASEETA was Ghweanda, ak gooduuna niny jeeda miyeeda–

Galattiya 3:26

aba gideaba aba jeeda Gristo noowooschi oogasean orjooga ASEETA, aba naweeda masaweega.

Galattiya 3:28

Ak biissa ea maheeli siida Yahudi ea siida Yunani, ghana siida was giing'oonyaneeda ghana dea abal geaw. Ea manda ng'eedeeda ghana gatmooda; aba gideaba agooga noowooschi agi aba naweeda Gristo Yesu.

Galattiya 3:9

Nea fugiga mideawa masaweegean, gajeataw ghawooda gawuurji Abrahamuheeda mideawa masaweega.

Efeeso 1:15

Aba nih deaghayi naayiinyi aniini iita masaweegeagwa aba badayda Ng'utamiida was Yesu ea gidoabwariiydi fuga ghaydidi sean,

Efeeso 2:10

Aba gideaba aseasa geawooschi gadiyeadaanyi, gwasinneasa naweeda Gristo Yesu, aba gadiyoojiga miyaas, ghayi bean gwasin ASEETA aba mwadi, gideaba eeyaada geeshta.

Efeeso 2:13

Ak ghamneawa aba jeeda Gristo Yesu agoogeeni ghayi oowooschi sheagiin ea siineekiideegwa aba foojeanda Gristo.

Efeeso 2:6

ak gooduuneasa sea niny ak ghwanung' eepiitpiida sea niny aba jeeda ng'eanyiida guroorooda, aba jeeda Gristo Yesu,

Efeeso 6:21

Asi agooga iyoogasayi anala gideawuurjeewi ea gideasinyi, gaygwarukuneegwa Dikikoheeda aabwariinyi was orjeediyya ak gabiissa ea siida doabiiwaat gil aba heeda Ng'utamiida niny gaygwarukuneegwa haleanjeeda sean.

Golosaayi 1:2

Heeda ASEETA fuga ghaydidi doobiiweadi was orjoogiyya aba jeeda Gristo Yesu mida Golosayi: Gagasa anyasa dagheerjeanduumeeda ea hoyyoo jea gwaleabu heeda ASEETA was Ghweandeanya.

Giidaheechta 17:14

ak suh gaygang'uchi sea Dayeenda Gisilleanda, ak gayghwajoar Dayeenda Gisilleanda saawa, aba gideaba niny Ng'utamiida ng'utamoojiga gil ea Sugoocheanda sugoodiga, ak suh mideawa ninyiin ea gea geeguursa gea siloat ea gea doobiiweadi.”

Giidaheechta 2:10

Asi adiiwali ng'asheega jea nyasa was sawanadeeda. Ng'ula, meang'nyeandeenda niriikghta gwahisa buuneeda mwaatkwa mida jeedeang'wa ghealooniga, ak abeeda geesimsimeegwa, ak aba jeemba askwearjooji damanamughuush gajanyasa sawanadeeda. Woosa doabiiwaat ea hita miyeeda, ak gaydagoonyi shiipka mideawa eaweega.

Giidaheechta 2:13

“‘Ghaanali heediibiiti, heeda mida hoorgeeda gheambalmeeda Shataani gil; ak ang'iing'i ea niing'waanyi muuchi gheawungeasu, ak ea mii heawana masaweegeasu eara damandida bea Antipa was muuwshoocheandeanyuun, was siideanyu doabiiwaat, sinuuksa bugusteang'wa, was heeda abiita Shataaniin.