Ditto 3:6 - Bibliyeeda Ghaydit

⁶ nea gagoaneasa nea gooheedu aba naweeda Yesu Gristoyda was lealnoocheandeanya,

NEAJEEDA EESH BEA BUUNEESSEAN

⁶ nea gagoaneasa nea gooheedu aba naweeda Yeesu Gristoyda was lealnoochcheandeanya,

Ditto 3:6 Mawu Ofanana

GHWASIILDEANGA 1:23

Ayamwa geat aba gida aamiindi gheang'deang'wa. Ang'ula gaydagooneegwa gurooroodeanyu, ak abeeda gajanala ng'asheegeasu.

ISAYA 32:15

Gaygwasnu bwak ea gagooneasa ASEETA gurooroadaanyi, ea ghoah dareapcheeda madamnyeanda jih muuchi. Nea madamnyeanda jih muuchi gayghoah dimda.

ISAYA 44:3

Aba gideaba gaydeadalealsa beega uhuuda ng'eanyiida gasa beega, nea ghaanung' gwarina ghealooniga beega jeeda ng'eanyiida ghajaam, ak gaydeadalealsa gurooroodeanyu jeacheengaagu nea ghaadawji ghawoodeanyu giika jea jiilean.

ESEKIELI 36:25

Ak gaydeadalealseegwa beega miyaas, ak abeeda gajamiyeasiita, gaydaamiyaasiideagwa aba ririnyeandeang'wa sean ea aba sanaamajeegeagwa sean.

YOELI 2:28

“Iimuchu nea ning'ata ng'asheesu, abeeda gaydeadalealsa gurooroodeanyu badahuuka buuneesean; nea diibigeagwa was orjooga ea haweega, gayghwaramwaar, gweargweagwa gaygoorgweadi, gheareemangeagwa gayghwadaah gisiihiimsa;

Yohaana 1:16

Aba hidoadaanyi aseasa sinyaschi dagheerjeanduumeeda nea geetaguurji.

Yohaana 16:7

Ak ghamneawa gearukuneegwa huumeanda, ak gajanyagaada iyeawi, aba gideaba iimeawani ea mayghwahidu Weedaneeda heedeang'wa; ama eawi, gaydanung' ghwaan heedeang'wa.

Yohaana 4:10

Ghwasha Yesu nea gwayeesha niny, “Inyeeda ghwanyawa ginali haleanjeeda goona ASEETA ak ea ng'eaha gil siida eeshiineey, ‘Goonean beega jea dali,’ ghwanyawa gaymusa niny ak gaygagoonyi beega mideawa eaweega.”

Yohaana 7:37

Eaweeda huuydean asheala ghweelmeeda eaweecheanda haw gil, ghamiinaada Yesu ak gwarugu aba ghuuta haw nea gwayi, “Siida bearji muwooshta, doani heedeanyu ghwaleayda.

Gadiyeeda Giijasoodiga 10:45

Nea fugiga mideawa masaweega leabu jeeda fuga siyaat ghasmeahooda ghayi adeena Betarohiin ghahamng'eanyi, aba gideaba Guroorooda Ghaydit siitaw eara fuga Eemoojiga.

Gadiyeeda Giijasoodiga 2:33

Nea geetiing'da ea ghwahita meatkweeda geatinda dugwa bea ASEETA, iidu nea ninyas aba heeda Bwaabwa heeleesiinda Guroorooda Ghaydit, ng'ata goodalealsa gidida oadaayi nea ghoayiinyiin.

Ruumi 2:4

Ghana ang'iing'i irari ng'asheega baruureega aba ng'eenindaanyi ea gidamajeekta ea riyeeng'deayda? Ak ea minali gideaba ng'eeninda ASEETA gayghoadoabiiwnyi ea ghoahiitaneey jeeda duukuunooda?

Ruumi 5:5

nea rarooda ea maygwareenganeasa, aba gideaba bariinyeega ASEETA nigeawiit ghwayiin jeesingaasa Guroorooda Ghaydit ghayi sigooneasa aseasaan.

Ruumi 8:2

Aba gideaba deaweedeeda Guroorooda eaweega mida jeeda Gristo Yesu nigoonan giibaldeaba geaw, aba heeda deaweedeeda riing'eeda ea miyeeda.

Efeeso 3:8

Aba aniini, earapeadi eawooschi mwanang'eawa fuga sean ghaydidiin, abeeda geegu dagheerjeanduumeani, ak gearukwiisi fuga Eemoojiga meanang'oocheanduumeeda meesikideawana bea Gristo,

Efeeso 4:2

nea gooyeadayi geat ng'eanyi ak goowooschi garbapi, nea ghoahang'waanyi nea goomilikideaysi geat aba bariinyeega,

1 Dimotteo 6:17

Fuga ghamneawa was meanang'oodiga aba badayda ng'eanyiida rukusiina gideaba adagagwara geat nea ghaghus meanang'oocheanduumeani jea gooshean, gagasa ghaghus ASEETA goona haleanjeeda sean saang'a, ak geegadiyeati aba hooseaneega.

Ditto 1:4

Heeda Dito jeepteanyu bea huumwa aba naweeda masaweega siipareanyi. Gagasa nyasa dagheerjeanduumeeda ea hoyyooyda leabu heeda ASEETA was Bwaabwa ea heeda Gristo Yesu was lealnoocheandeanya.