Ditto 3:2 - Bibliyeeda Ghaydit

² adagoong'eawi siida wassean, amulsiina jaliida, ahuwa eemoojiga miyaas, nea ghoahiimu garbabanda sean aba heeda buuneesean.

NEAJEEDA EESH BEA BUUNEESSEAN

² adagoong'eawi siida wassean, amulsiina jaliida, ahuuwa emoojiga miyaas, nea ghoahiimu garbabanda sean aba heeda buuneessean.

Ditto 3:2 Mawu Ofanana

2 SAMWELI 22:36

Ang'iing'i nigoonyean igeambooda lealeanoadaang'u, ak ghwanung' weataang'u danyas hawunda.

NYIIGHEEGA 140:11

Siida beera buuneeda adagamnyeen aba jeeda ng'eanyiida; ak munyinda ea danyasa fuga ng'ooweata ak ghwalas uhuuda!

GHWASIILDEANGA 19:19

Siida nyarasta ng'waan gayghwanyas ghoorjoadaanyi, aba gideaba earapeadi nilealu gaygabiikta gicha.

GHWASIILDEANGA 25:24

Ghang'wana giibinda ghwanadeeda uhuuda gheeda, mwasamwa giibinda gheeda haw sea gatmooda jaleadayi.

GHWASIILDEANGA 6:19

Muwshoocheanda ng'uyeega inyeesa gwarugu ng'asheega ng'uyeega, nea inyeesa ghang'uda foolayda buuneeda.

ISAYA 40:11

Ak gayghoahaaghwa hawandaanyi gawuurji haghweadoocheanda, ak gayghabwat geat dayeega gisilga aba geatingaaschi, ak ghwasar aba daghataanyi, nea gea mideawa dayeega reer gayghoawaas nea goojiileesa.

Mattayo 11:29

Aghasana geat yookeedeanyu, ak ghoanaalanaan ng'asheega; aba gideaba aniini geewooschi ng'eeni nea geayeadayi geaw ng'eanyi aba guroroodeanyu, ak abeeda gajanyasa hooseaneega aba jeesingeagwa.

Gadiyeeda Giijasoodiga 23:5

Ghwalamda Bawlo ak gwayeesha, “Fuga eaduupcheewi, miidanal gideaba niny ashoohoocheanda haw gil; aba gideaba geang'waar, ‘Adirugu ng'asheanda muy aba badayda siida ambal fugaagu’.”

1 Goriinto 6:10

ghana mareanghooga, ghana fuga geawi gheanyan, ghana leeyda, ghana fuga giing'weaka, ghana fuga areedi fih haleanjeeda jea gwahearan sugoocheanduumeeda ASEETA.

1 Goriinto 9:19

Earapeadi eabali geaw aba heeda buuneessean iin geasinyi geaw giing'oonyaneeda buuneesean, ak abeeda geanyaksi geaw fuga saang'a.

2 Goriinto 10:1

Aniini Bawlo, geamuscheegwa nea gabwageaw, aba garbabanda ea ng'eeninda Gristo, nea iissa geawooschi ng'eeni aba gheanyangeagwa, nea iyeawooschi sheageewaneegwa geawooschi daruus!–

2 Goriinto 12:20

Aba gideaba ghaawali dahidu ak ea moowuurjeewani gida eagasiidi dahidu nea goowuurjeewi, ak ea moahiimni nea geewuurjeewi gidida moogassiidaniin; ea gideaba gwadeepa gwanda jaliida, geawunda gheang'da, ea nyarasta, shidoodeaba ghaang', giiheakteayda, soomeanda baloolda, reengaweega ea deakghuyandeeda.

Galattiya 5:22

Ak haghweega Guroorooda ea bariinyeega, hooseaneega, hoyyoo, milikghteayda, inyeanda jeeda, miyinda, ea doobiiwnata,

Galattiya 6:1

Orjoogiyya, iyoadaayi siida nea niibita jeeda riing'eeda asi agoogeeni oowooschi fuga gurooroodean ooteelni siisi aba guroorooda garbabu. Fura geaw, ang'iing'i adiidu geesimnyi.

Galattiya 6:10

Ak damani duu eendeawana gheatean eesisiina buuneesean ng'asheega miyaas, ak ghwaraanya fugiga mideawa masaweegean.

Efeeso 4:2

nea gooyeadayi geat ng'eanyi ak goowooschi garbapi, nea ghoahang'waanyi nea goomilikideaysi geat aba bariinyeega,

Efeeso 4:31

Asi ageandeawana geat ng'asheega sean ng'weani was mukunooda ea nyarasta ea giijuureanda ea napooda ng'uyeega nea goosheagiidi geat gea munyas sean,

Filippi 4:5

Anung' ghwanal buuneeda sean milikghteaydeang'wa. Ng'utamiida nineekiit.

1 Desaloniikke 2:7

Iissa geawooschi ng'eeni aba jeedeang'wa, gawuurji gidang'uliida gheamata diibigaaschi.

1 Dimotteo 3:11

Eara gadeemga nyaawa gammiisa ea fuga miyaas searooji gil, mii fuga napiisa buuneeda ng'uyeega, ak gammiisa ea fuga mideawa gheadeenda gil, nea doobiiweadi aba haleanjeeda sean.

1 Dimotteo 3:3

Mii siida boogidi gil, mii siida bara buuneeda, ak ea garbabu, mii siida sheang'nyachi gil, ak ea mii siida bwariiy lapiya,

Yakkobo 3:17

Duuku weaghuumeeda leabu heetiyeada gidamadeeda aamiy, nuut gaba weayda, ak ea garbabu, nea iissa gooleeysiit ng'asheega buuneeda, nea gwandeawa haghweega miyaas, ak ea mayamiisachi ghana gwareengani buuneeda.

Yakkobo 4:11

Fuga eaduupcheewi adoobeerayi geat. Siida beash orjeeda geanyaawa ghana goorgweaksa orjeeda geanyaawa, ghabeash deaweeda nea goorgweaksa deaweeda. Nea iirgweaksi deaweeda abeeda ea muwoosi siida sina deaweeda abeeda ea nihuuwi siida laja girgweaguutka.

1 Betro 2:1

Asi ageandeawana geat munyinda sean ea milmilanda sean ea nyoota doobiiwnata ea shidoodeaba ghaang' ea beeshta sean.

1 Betro 3:10

Aba gideaba “Gili was sih bwariiy eaweega ak ghwadaah askwearjoojiga miyaas, daadeala ng'ushaptaanyi adagwarugu ng'asheanda muy ak eara ghuutaanyi adagwarugu milmilanda;

1 Betro 3:8

Ng'asheanda huuydean nih gil, awoosa gilagi, ak goobayiidi geat nea ghoabwariiydi geat orjoospa ghaamwadagi, nea goowooschi ng'eeni ak gooyeadayi geat ng'eanyi.

1 Betro 4:4

ak ghahamng'eanyi saawa iidaah gideaba mooguuyeesiini jeedeaba ng'asheesu bea roodaweegean, amang'ata ghoabwaaspwaaseegwa;

2 Betro 2:10

nea ghwaraanya giika aat geeshta ng'asheega gasa saseeda aba gasooda ng'asheega munyasiin nea gafool gheambalmeedean. Daruuschi mideawa uurjeenga meawala giing'weaka haleanjeeda gheambiideadi,

Yuuda 1:10

Nea fiisu goong'eawi haleanjeeda mwanala, nea aba haleanjeedida nal amwadiin iissa gwasin gawuurji diyeanga manda fughareenga, gajealas uhuuda.

Yuuda 1:8

Ak eara fiisu aba jeeda giirgweatka nyaawa ghang'uda saseenuuka nyaawa ririnnyeanda, ak ghaheawa gheambalmeeda ak geeng'eawi haleanjeeda gheambiideadi.