Ditto 1:5 - Bibliyeeda Ghaydit

⁵ Nih gideanung'usiinaneey ng'eanyiida Gretehi ak abeeda gisini gadiyeedida shoadaan, nea giyiini gweargwa giliwas mujiinajean gawuurji gidaghayi earukuneey, siida iimeeyeateena ghuut.

NEAJEEDA EESH BEA BUUNEESSEAN

⁵ Nii gideanung'usiinaneey ng'eanyiida Grettehi ak abeda gisni gadiyeetta shoadaan, nea giyiini gweargwa giliwas mujiinajean gawuurji gidaghayi earukuneey, siida iimeyeatteena ghuut.

Ditto 1:5 Mawu Ofanana

1 DAMANYOOJIGA 6:32

Ak gwasin gadiyeeda sarmeeda aba madeeda maheemajeanda siroondooscheesa was heeda wagiida bwak ea ghwadeas Sulemani gheeda NG'UTAMIIDA aba Yerusalemu; ak gwasin gadiyeeda nyaawa nea gwalageanyi.

REEKUSIINDA 12:9

Iidu, aba gideaba siisi reekwiisa buuneedean weaghoocheanda gil, hean ghoanaal buuneeda weaghuumeeda; ak gooteemsheesa, ak gagaseada, ak ghang'at ghwasiildeanga saang'a.

ISAYA 44:7

ASEETA uurjeewean ng'eaha gil? Asi darukwiida iita, nea gwarugu aba madeedeanyu. Ghayi garayi gwarugu ng'eaha gideaba ng'asheesu gaygapnu, asi darukuna gea jea gapnu.

NG'ASHEEGA LAWI 14:42

ng'ata gaygageanu lagheanga suuk ak ghwayiin hoorgeedeaba lagheangiga, ak gaygageanu sheang'weeda nuut ak ghamuuw gheeda.

Gadiyeeda Giijasoodiga 11:30

ghoawaam lapiyeeda nyaawa, amahit geataw Barnaba ea Sawli ghwaat ea ghwaahiita heeda gweargwa.

Gadiyeeda Giijasoodiga 14:23

Iidu nea niloat gweargwa jea ghoahaaghwa aba jeeda ganiisa, aba mooshta ASEETA ea giiluuldeaydeaba geat, ghwayiin geatinga Ng'utamiida was dea mwas saawa.

Gadiyeeda Giijasoodiga 2:11

fuga Grete ea fuga Arabiya, geayiinyi nea gabaloola sean iita ghaheanya gadiyoojiga hees bea ASEETA.”

Gadiyeeda Giijasoodiga 27:12

Ak hooweani sindean ea mwahida aba giibinda damanda gooroogeeda, hean iidu gagasa fuga saang'a gideaba iisim geeweayi ea eehita ng'eanyiida Foynike, mida ghuuta basooda ng'eanyiida Grete, mida meatkweeda wiilooda ng'eanyiida ghayeawa, ea wiilooda ng'eanyiida biyeara, ak geepiidi hoowa damanda gooroogeeda.

Gadiyeeda Giijasoodiga 27:13

Hean iidu nea ghaghuudu jeameeda leabu wiilooda ng'eanyiida biyeara, hean ghaghay saawa gideaba ninyas gidagasa, hean geetin maleambooda ak geeweay nea geesik ghuuta basooda neekeewa Grete.

Gadiyeeda Giijasoodiga 27:21

Iidu nea nigeanu buuneeda eawoojisu ng'ay nea mandeawana hamita, hean ghang'eat Bawlo ak gwayeesha, “Ea orjooga, inyeeda gooleeyseaniit, ak ea meeng'amwani Grete, gwachi washi ea lugooni majeanyasa.

Gadiyeeda Giijasoodiga 27:7

Hean geeweayi nea geeghwalghwalaadi ea ghwasaang'ayiit eawoojiga ea iidu eehita mujiineeda Nido nea sisawani, aba gideaba gudaang'wan jeameeda inyeesa ghoadealeasa, hean geadoabiiwji eeweaya nea geeleapnani Grete ng'eanyi nea neekeewa Salmone.

1 Goriinto 11:34

siida iibearji jalooda, ea deagiischi aba gheanyi, adiidu gweadu nyeascheedeang'wa girgweaksiinda. Nea ng'asheega suurja iyaawunyi gaydarukuneegwa.

1 Goriinto 14:40

nea goosini ng'asheega sean badiida ea alooheeda.

1 Goriinto 4:17

Hean ghoah gideajeakni Dimoteo heedeang'wa, was jeepteanyu aabwariinyi, biissa ea doabiiwaat aba jeeda Ng'utamiida, jea goopkeaneegwa naweadingeasu aba jeeda Gristo, ak gawuurji gideanealshacheati aba ng'eanyiisean aba jeesinga ganiisajeega sean.

Golosaayi 2:5

Earapeadi eawooschi sheagi aba heedeang'wean, geendeayi aba guroorooda, ak geahoosanyi muuchi aba gideaba neajeeng'u gidamiyda giibindeang'wa ea gidamajeekta masaweegeagwa aba badayda Gristo.

1 Dimotteo 1:3

Damanda ghayi eaweewi Makedoniya geamuscheey gideaba abiidana Efeso. Ak eara ghamneawa geamuscheey aba gideaba gwanda fiisu anaal giinealshooda ng'uyeega aghuuma fiisu.

2 Dimoteo 2:2

Ak ng'asheega ghayi iyiing'si heedeanyu aba madeeda muushoodiga saang'a iina ng'asheega geatinga fuga doobiiweadi jea ghoamu ghwanal suurja.

Ditto 1:12

Nea siyagi aba jeenyaawa, ea sibaneeda nyaawa gil, ak gwayi, “Fuga Grete gaba ng'uya galeagasean, ak ea diyeanga munyasi, ak gaba ghaleehu nea deewi.”