Ditto 1:2 - Bibliyeeda Ghaydit

² Aba jeeda rarooda eaweega manda muudeanooda, aba heeda ASEETA moamu gwanaba ng'uyeega, sibean eeheeleesa gweanyeeka goola ghang'ata

NEAJEEDA EESH BEA BUUNEESSEAN

² Aba jeeda rarooda eaweega manda mudeanooda, aba heeda Aseetta moammu gwanaba ng'uyyeega, sibean eheelleesa gweannyeekka goolla ghang'tta

Ditto 1:2 Mawu Ofanana

ISAYA 1:20

Ama inyas ghoaheawi ak ghoaschoardi, abeeda gajealas uhuudeang'wa aba ng'uta; aba gideaba nih ginyah NG'UTAMIIDA gil.”

IITOODA 23:19

ASEETA mii siida gil, ea gwarugu ng'uyeega; ak ea mii siida gil, ea gagiisan; Neada iinirgu ng'asheanda, ea maygwasin? Ama nirugu, ea mayghoahiidi?

Mattayo 25:34

Ng'ata gaygwayeesha sugoocheanda fugiga mida meatkweadaanyi bea geatinda dugwean, ‘Abeeni agoogeeda ghayi nigooneegwa Bwaabwa ghawooda ahearana sugoocheanduumeeda ghayi sibay eerarseegwa ghang'eada dea ghayi sibwada ng'eanyiida;

Mattayo 25:46

Abeeda fiisu gaygaweay jeeda ghoorjooda manda muudeanooda, nea fugiga doobiiweadiin gaygaweay jeeda eaweega manda muudeanooda.”

Marko 10:17

Ng'eat Yesu nea gaygawa bareanyeakaaschi, gafaju sih ama hidu gwatkuy aba madeadaanyi ak gwayeesha, “Ea Giinealshoocheanda waam, ak gaydasin naaha iijeadanyas eaweega manda muudeanooda?”

Marko 10:30

aba damani bea ghamneawean, gajeataw niba bughala, ea ghwanaawa damani bea ghamneawean gheeda, ea orjooga ghaamwat, haweega ghaamwat, ghaamwat, diibiga, ea madameega ea sawanadeeda ama damanda jea ghwahidu gayghwanyas eaweega manda muudeanooda.

Yohaana 10:28

aniini iissa ghaadawji eaweega manda muudeanooda, ak eara saawa ghanyea maygwarooda earahay ea ghoah eaweega manda muudeanooda, nea ghanyea manda siida ammu gageandeawa geatindeanyu.

Yohaana 17:2

aba gideaba ghayi giidawi niny uurda aba badahuuka buuneassean ak abeeda ghoadaw eaweega manda muudeanooda fugiga sean ghayi iidawiin.

Yohaana 17:24

Bwaabwa, suh ghayi igoonyeaniin geagasayi dandeawa galeagasean aba hiji eandi sean, ak abeeda ghwadaah giigheambiiteanyu ghayi igoonyean, aba bariinyeagaagu nea miyeebwat sindeeta ng'eanyiida.

Yohaana 5:39

Agooga goosikiideawi ng'ooruutka nea ghoaghanyi gili aba jeenyaawa goondeawi eaweega manda muudeanooda; ak ea dea muuwu ng'asheega badaydeanyu;

Yohaana 6:54

siida ak saseedeanyu nea ghwali foojeandeanyu gaygwandeawa eaweega manda muudeanooda, nea abeeda gaydeaduudu niny eaweeda huuydean.

Yohaana 6:68

Ghwasha Simon Betaro ak gwayeesha, “Ng'utamiida, ak gajeeweaya heedeabeang'a? Ang'iing'i gindeawi ng'asheega eaweega manda muudeanooda;

Gadiyeeda Giijasoodiga 15:18

gwayi Ng'utamiida, ng'eaha siida ghayi nung' ghwanal buuneeda ng'asheesu aba mwadi.’

Ruumi 1:2

ghayi siheeleesa aba mwadi aba naweeda sibangaaschi aba jeeda ng'ooruutka ghaydidi,

Ruumi 16:25

Asi ghamneawa siidida ammu goomajeegeegwean, aba giteascheata sea giijasteanyu miy ea gissirukwiideayda Yesu Gristo, ak gwadeaschi sea giidaheachta makcheameedida ghayi funyaat ng'eada deaghayi bea garayiin,

Ruumi 2:7

aba heeda fuga milikghta aba sinooda gadiyoojiga miyaasiin gagaseadayi giigheambiita ea mureeda ea ng'asheega maygameewa, gayghoadaw eaweega manda muudeanooda;

Ruumi 5:2

Nea aba badaydeaba niny ea sinyaschi naweeda dagheerjeanduumeeda ghamneawa simiinaadawiin, nea geehoosanyi aba rarooda giigheambiita ASEETA.

Ruumi 5:21

gawuurji gidambalda riing'eeda miyeeda, gwasunu eara miyeenooda goombal doobiiwnata ak gweadu eaweega manda muudeanooda aba naweedida bea Yesu Gristoyda was Ng'utamiideanyean.

Ruumi 5:4

nea milikghteayda gaygweadu hang'ooynata jeeda, nea hang'ooynata jeeda gaygweadu rarooda,

Ruumi 6:23

Aba gideaba mushaahareeda riing'eeda miyeeda gil, nea gichea gagu ASEETA mwadaagha ea eaweega manda muudeanooda gil aba jeeda Gristo Yesu Ng'utamiideanya.

Golosaayi 1:27

Aba jeenyaawa ghwaloat ASEETA ak ghwanung' ghwanal Eemoojiga giteena hawunda meanang'oocheanduumeeda ea makcheameeda gheambalmeadaanyi was Gristoyda mida jeedeang'wa, was rarooda giigheambiita.

1 Desaloniikke 2:15

dea ghayi nuus sean Ng'utamiida was Yesu ea sibanga, ak gooruutaneasa jarooda, ak ghoanyareas ASEETA nea ghaheawa buuneesean

1 Desaloniikke 5:8

Duuku, aseasa dea siwooseewi fuga askwearda, gagasa eendeawana gheadeenda, nea geediinyi daghanuunatkaasa igeambooda masaweega ea bariinyeega, nea ngoofanjeandeanya bea gharinyeanda gagasa eanung' ghoah rarooda jea gweadu lealeanooda.

1 Dimotteo 6:12

Ng'ucheena muuchi ng'ucheedida bea masaweegean, ang'waanya eaweegiga manda muudeanooda ghayi siguurnaneeyiin, ak gimuuwu muuwuunooda miy aba madeeda muushoodiga saang'a.

1 Dimotteo 6:19

nea goodiiwsa geat haleanjeeda ghoah sindeeta miy aba damanda jea ghoan ak ghwanyas eaweega was gea huumwa.

2 Dimoteo 1:1

Aniini Bawlo geawooschi giijasoocheanda Gristo Yesu aba gidagasiida ASEETA aba badayda heeleeda eaweega mida jeeda Gristo Yesu,

2 Dimoteo 1:9

dea ghayi lealneasa ak gaguurneasa aba guurnooda ghaydit nea nih ea mabaysiina aba gisisinyi aseasa ak nih gabaysa niny ea dagheerjeanduumeadaanyi. Dagheerjeanduumeani geegooneasa aba naweeda Gristo Yesu nea miyeebwat ng'eanyiida.

2 Dimoteo 2:10

Ak aba sareani geamilikteaysi ng'asheega sean aba badayda fuga loat ASEETA, gideaba eara saawa ghwanyas lealeanooda mida jeeda Gristo Yesu ea giigheambiita ea eaweega manda muudeanooda.

2 Dimoteo 2:13

Nea aseasa iimeawasi doobiiweadi, niny doobiiwnataanyi ea maygoosha– aba gideaba niny mayghaheawa geaw.

2 Dimoteo 2:15

Milmiliida eadaanyi gideaba nimwasnyi ASEETA, siida gadiyeeda mabwaspwasa aba gadiyeadaanyi, ak giinaali ng'asheanda huumwa aba gidamiisiinda.

Ditto 2:13

nea geamuughu ghusooda mideawa ghawooda ea giidaheachta giigheambiita ASEETA haw ea lealnoocheandeanya was Yesu Gristo,

Ditto 2:7

Ahiimda geaw aba mureeda sean eadaa oormeeda gadiyoojiga miyaas, nea aba giinealshoadaang'u giihiimu seareeda miy, ea gideeneadayda,

Ditto 3:7

ak abeeda geegooneasa doobiiwnata aba dagheerjeanduumeadaanyi ak geararji hearanda eaweega manda muudeanooda.

1 Yohaana 2:25

Nea nih ea heeleeda ghayi rukuneasa gil, nea ea eaweega manda muudeanooda.

1 Yohaana 5:20

Ak aseasa geanali gideaba Orjeeda ASEETA goola ghwahidu, ak gagoaneasa fughareeda eanala ninyeeda was huumwa; ak aseasa geendi jeadaanyi ninyeeda was huumwa, aba jeeda Orjeedaanyi was Yesu Gristo. Nih dea was ASEETA huumwa gil, ea eaweega manda muudeanooda.

Yuuda 1:21

afura geat aba jeeda bariinyeega ASEETA; nea ghoamuughu baydeayda Ng'utamiideanya was Yesu Gristo, ea ghwahita eaweega manda muudeanooda.

Giidaheechta 13:8

nea haleanjeeda sean mida muunda ng'eanyiida gayghaghadoawan niny, giliwas sih miyeeng'oorsa gheawungaaschi jeeda gitaabooda eaweega bea Dayeenda Gisilleanda ghayi sinuus nea miyeebwat sindeeta ng'eanyiida.

Giidaheechta 17:8

Diyeaydideani idaahiin abeeda gwanda, ak ea mandana, ak gaygwadiyeana uuta shoomanda mamuudeana ak gawa heeda ng'asheega munyas. Ak fuga mida badayda ng'eanyiida miyeeng'oorsa gheawunga nyaawa jeeda gitaabooda eaweega dea sibada sindeeta ng'eanyiida, gayghahamng'eanyi iidaah diyeaydida. Aba gideaba gwanda, ak ea mandana ak gayghwahidu.

1 SAMWELI 15:29

Nea siida was uurda Israeli ea maygwanaba ng'uyeega ghana gwaduukuuna; aba gideaba niny mii siida gil, ea gwaduukuuna.”