Ditto 1:11 - Bibliyeeda Ghaydit

¹¹ gidabal gearat ghuusiga nyaawa aba gideaba fiisu inyeessa gahuteawi buuneeda aba giinealshooda ak ghwanyas haleanjeeda aba giinealshooda mwadaagha.

NEAJEEDA EESH BEA BUUNEESSEAN

¹¹ gidabal gearat ghuusiga nyaawa aba gideaba fiisu inyeesa gahutteawi buuneeda aba ginealshooda ak ghwanyas haleanjeeda aba ginealshooda mwadaagha.

Ditto 1:11 Mawu Ofanana

NYIIGHEEGA 107:42

Nea fuga miyaasiin gurooruunat gayghwadaah ak gahoosan; aba giliwas munyinda gaygwadukuta ghuutaanyi.

NYIIGHEEGA 63:11

Nea sugoocheanda gaygahoosan aba badayda ASEETA; giliwas sih ak habeawooda aba badaydaanyi gayghoaghaambiit niny; aba gideaba ghuusiga fuga ng'uyeega gajearat.

YEREMIYA 8:10

Asi gaydaadaw gadeemga nyaawa fuga suurja, ea madameega nyaawa gaydaadaw fuga nijooriischi, aba gideaba gidang'eada dea mwanang' ea gagul dea haw, gaba nih nyas haleanjeeda gwaneadi; ea gidang'eada sibaneeda ea gagul ashoohoocheanda gaba nih Sini ng'asheega gwaneadi.

ESEKIELI 13:19

Nea agooga ea noang'udanaan ririnnyeanda aba bugusta fugeasu. Aba baneagagi bea nganooyda siguura shayiiri ea banajanga mukaate, aba gideaba ghoadeal gurooruunatka fuga mamiisiina miyeeda ak ghaghamwat goobiida gurooruunatka fuga mamiisiina giibinda ng'eanyiida aba gideaba gwareengani fugeasu aleeysiit ng'asheega ng'uyeega.

ESEKIELI 16:63

Gaydasamseey aba haleanjeeda sean iisini. Ak inyas giipkaadi suh seaniin isiniin gayhamwa ng'eanyi ak gisindi aba baspaseega, ak ea maygut baloola gwarugu NG'UTAMIIDA was ASEETA.”

MIKA 3:11

Fugaaschi hees gwasin girgweageeda aba gideaba ghwanyas seawshooda, ashoohoodigaaschi goonealshi aba gideaba ghwanyas gidageatinda, nea sibangaaschi gwaramooran ghwanyas lapiya; ak eara aba sareani gayghaghus NG'UTAMIIDA nea geeyi, “Neada NG'UTAMIIDA ea manda bugusteanya? Manda gidamuy jea gwahisseasa.”

MIKA 3:5

Ak gwayi NG'UTAMIIDA aba badahuuka sibanga nung' goodiiy fugeasu, ayeawda nea gagasa “Hoyyoo” iinyo gwandeawa gichea ghwaak, nea siida was sean mwayiina ghuusiga nyaawa gil abeeda gaygang'uchi.

Mattayo 23:13

“Ashageada geat ng'oorshoodiga ea Farisaayajeega, amiitu geat! Aba gideaba ghoakghuumi buuneeda gidaghuuta sugoocheanduumeeda humng'eeda, nea mooweayeeni jeeda, nea fuga jea gaweay ea moosiksiini gaweay jeeda. [

Lukka 20:40

Ea mudu gwanda siida ammu gabadaksa ghoanyaash ng'asheanda.

Yohaana 10:12

Siida siitaw gidageatinda mawoosa haghweadoocheanda biissa gisilga ea mii gaaschi, iidaah suuyeanda nea ghwaan, gwanung'usa heeda gisilga ak gamng'aw; ak ghoang'waay suuyeanda ak ghoadaarda.

Ruumi 3:19

Asi sinali gideaba ng'asheega sean rugu deaweeda gwarukuna badahuuka fuga mida jeeda deaweeda, ak abeeda gearat ghuusiga sean, ak gawa ng'eanyiisean jeeda girgweageeda ASEETA;

2 Goriinto 11:10

Ak gawuurji gidabiideata huumeanda Gristo jeedeanyu, ghanyea manda siida jea gwadukuta ghuuteanyu aba ghwaroani bea geawiin aba darooraka ng'eanyiida Akaya.

1 Dimotteo 5:13

Nea gicha ea meaghusa nih, ghoanaal geat ghaleehooda ak gwaneaydooschi aba gealga ak ea mii ghaleehooda gil gabeachi, inyeessa goong'uuchi buuneeda nea gwasikiideawa ng'asheega nea gabaloola ng'asheega mamiisiina saawa.

1 Dimotteo 5:4

Ak masinung'weanda iimideawa diibiga ghana diibigeaba gaaschi, gidamadeeda diibisu gagasa ghwanal gidamiisa saawa bea ng'ulooda fuga nyaawa, nea gang'ula fuga jiilu aba gideaba ng'asheanji aamiy aba madeeda ASEETA.

1 Dimotteo 6:5

ea sheang'nyeeda fuga nidatasa fughareenga nyaawa nea mandeawana huumeanda ak ghaghay gili meanang'oocheanduumeeda gil.

2 Dimoteo 2:18

Nea saawa ea ninung'waada naweedida bea huumeandean nea geebaloola gideaba duunooda goola ghwahidu, ea ghwayam masaweega buuneeda mwaatkwa.

2 Dimoteo 3:6

Aba gideaba aba jeedeaba suh gwanda headiga ama inyeessa gaweay jeesinga gealga buuneeda ak gageanda nea ghwasareanda gadeemga dasheahi mideawa sareenda riing'eeda nea gagis mitagheasta muunda ng'eanyiida.

Ditto 1:7

Nea jeagiischoocheanda ganiisa, was siida siiteaga gadiyeeda ASEETA, gammiisa ea meerukunana badaydaanyi ng'asheega munyas; ak gagasa ea maba ghwarja ghanea mii asas nyaras ak ea mii leeyeanda ghana gwajala ghana gwashissa ghaang' haleanjeeda mwahida,

Ditto 1:9

nea ghoang'waay muuchi ng'asheanda gawuurji gissiinaalda, ak abeeda ghoamu ghoadayda ng'asheega gichea eabeada aba giinealshooda huumwa nea ghwajoar fugiga heawaan.

Ditto 3:10

Asi siida foolayda iinireekusi dea madeeda ghana deabiyeenya, adagudisimi eara gil,