DANIELI 9:6 - Bibliyeeda Ghaydit

⁶ ak ea meeleeysiini iit fugaagu bea gadiyeeda was sibanga, rukwiisa sugoodigaasa, ea fuga hees jea ghoah sugoodiga ea ghweanigaasa gheawungaagu, ea aba heeda fuga sean bea jeeda ng'eanyiida.

DANIELI 9:6 Mawu Ofanana

2 SUGOODIGA 18:12

Ak ea mii gooleeysiit NG'UTAMIIDA was ASEETA nyaawa nea ghwaramwas neajeadaanyi. Ea ng'asheega sean ghayi rukusa Musa was siida gadiyeeda NG'UTAMIIDA gideaba adooleeysiit nea adoosinyi.

2 DAMANYOOJIGA 33:10

Ng'ata goobalool NG'UTAMIIDA Manase sea fugaaschi, hean ea mooleeysiina iita saawa.

ESRA 9:7

Ghang'eada damanda ghayi bea ghweanigaasa ea ghwahidu damani geendeawi giidiinyeanda haw; aba badayda giidiinyeanyeekaasa ea sugoodigaasa, ea ashoohoodigaasa siyiineasa geatinda sugoodigeaba ng'eang'i; ak geabwareasa aba ng'uta, nea geahuuyi fuga ng'uta, nea geereadeasa haleanjeedeanya, nea geapwaaspwaseasa, gawuurji gideaba ghamneawa.

NEHEMIYA 9:30

Nea nimilikghti gweanyeeka saang'a aba badaydeaba saawa, ak ea nireekusi saawa aba gurooroadaang'u aba naweeda sibangaagu; ak ea mooleeyseey iit. Ak aba nih ginung' goobissa saawa geatinda fuga eemoojiga suurja.

NEHEMIYA 9:32

“Asi ghamneawa, ASEETEANYA, aahaw nea gwandeawa uurda nea ASEETA siiwali, dea ang'oonyi neajeeda ea bariinyeega huumwa, gidasimwandi sean aseasa ea sugoodigaasa, ea fugaasa hees, ea ashoohoodigaasa, ea sibangaasa, ea ghweanigaasa, ea fugaagu sean, ghang'eada damanda sugoodiga ng'eanyiida Ashuru ea ghoah ghamneawa ng'asheesu adeenung' ghoah gea manang'i.

NEHEMIYA 9:34

Ak sugoodigaasa, ea fugaasa hees, ea ashoohoodigaasa, ea ghweanigaasa, ea mwaang'waanya deaweedeadaang'u nea mooleeysiiniit diigheanyeakaagu ea reekusiindaang'u iidawi saawa.

YEREMIYA 26:5

ghana iimoosissiini mureeda ng'asheega fugeasu bea gadiyeeda was sibaneeda eajeaku heedeang'wa galeagasean, earapeadi mooduupi,

YEREMIYA 29:19

aba gideaba mooleeysiina iit ng'asheegeasu, gwarugu NG'UTAMIIDA, earukuneegwa galeagasean aba ghuusiga fugeasu bea gadiyeeda was sibanga, ak hean ghoaheawi ooleeysiina iit, gwarugu NG'UTAMIIDA.’–

YEREMIYA 44:16

“Ng'asheandida ghayi irugu aba gheawunga NG'UTAMIIDEAN, majeeleeyseey iit.

YEREMIYA 7:13

Asi ghamneawa gwayi NG'UTAMIIDA, aba gideaba noosinyi ng'asheesu seaniini, ak eara dadap giibaloodeang'wa, ea mooleeysiinean iit, eara iyeaguurneegwa ea manyeara ghuusigeagwa

YEREMIYA 7:24

Ak saawa ea masinneani mureeda nea mooleeysiinean iidiga nyaawa, ng'ata ghwaat naweadinga nyaawa ea girgweaguutka nyaawa, ea hang'oonyaka gurooruunatka nyaawa gwaneadi, ak hean gabiikta bwadaw.

DANIELI 9:10

ak ea masisiina mureeda ghuuta NG'UTAMIIDA was ASEETEANYA aba ging'ooyda deaweedajeagaaschi, ghayi iin madeedeanya aba geatinga fugaaschi bea gadiyeeda was sibanga.

DANIELI 9:9

Ng'utamiida was ASEETEANYA gabayiida nea gwasamiisa buuneeda; aba gideaba sisinyi ng'asheega munyas aba headaanyi;

Mattayo 23:37

“Ea Yerusalemu, Yerusalemooda, inuusay sibanga nea gifuti lagheanga fuga siicheakseey! Neagasayi dabwada geat diibigaagu niba hada, gawuurji gidahiniida nghaghooda dayeagaaschi aba jeeda meang'eagaaschi ak ghoaheawi!

Gadiyeeda Giijasoodiga 13:27

Aba gideaba fuga mida Yerusalemu ea fuga nyaawa ambaliischi, ak ea mwanala niny ghana gwajeeng'u ng'asheega sibanga siisoomwani aba giliwas sabaato, hean ghoahiit aba girgweaksiinda.