DANIELI 9:4 - Bibliyeeda Ghaydit

⁴ Ak ghaamwaashchi ghawooda aba heeda NG'UTAMIIDA was ASEETEANYU ak geaduukuuni, nea geayi, “Ea NG'UTAMIIDA haw, biissa aang'waan, was dea ang'oonyi neajeeda ea bariinyeega huumwa aba heeda fuga bwariiy niny ea ghoang'waay diigheanyeekaaschi,

DANIELI 9:4 Mawu Ofanana

1 SUGOODIGA 8:23

ak gwayi, “Ea NG'UTAMIIDA, was ASEETA Israeli, manda ASEETA uurjeeweey, aba humng'eeda heetiyeada ghana ng'eanyi, ea uuta ng'eanyiida iing'oanyayi neajeeda nea giihiimu baydeayda huumwa aba heeda fugaagu bea gadiyeeda wadiina madeadaang'u aba gurooruunatka nyaawa;

2 DAMANYOOJIGA 7:14

inyas fugeasu siguuriisa aba gheawungeasu gayghwaat geat ng'eanyi, ak gwaduukuunana naweadinga nyaawa munyas, abeeda gaydealeeydiit, aba humng'eeda, ak abeeda gaydasamsa riing'eega nyaawa nea gaydaahaap ng'eanyiida nyaawa.

ESRA 10:1

Damanda moasheewa Esra ghawooda ak gwaduukuuna, nea gooyeawda nea gwajaksa geaw ng'eanyi aba madeeda gheeda ASEETA, hean gabassa geat buuneeda saang'a muuchi bea Israeli headaanyi, headiga, ea gadeemga, ea diibiga, abeeda buuneeda gooyeawda muuchi.

NEHEMIYA 1:5

Ak geayeenyi, “Ea NG'UTAMIIDA was ASEETA humng'eeda, haw siiwali ASEETA amajeegi neajeadaanyi ea bariinyeega huumwa aba heeda gea bwariiy niny nea geang'waay diigheanyeekaaschi;

NEHEMIYA 9:32

“Asi ghamneawa, ASEETEANYA, aahaw nea gwandeawa uurda nea ASEETA siiwali, dea ang'oonyi neajeeda ea bariinyeega huumwa, gidasimwandi sean aseasa ea sugoodigaasa, ea fugaasa hees, ea ashoohoodigaasa, ea sibangaasa, ea ghweanigaasa, ea fugaagu sean, ghang'eada damanda sugoodiga ng'eanyiida Ashuru ea ghoah ghamneawa ng'asheesu adeenung' ghoah gea manang'i.

NYIIGHEEGA 32:5

Ak aniini gearukuneey riing'eedeanyu, ak ea mii dafuy munyindeanyu ak geayeenyi “gaydamwas giidiinyeanyeekeasu aba heeda NG'UTAMIIDA”; ak gisamsean aba gidaroat aba riing'eedeanyu.

RITEAYDA 20:6

Ak ghaabwaydi fih sagalamnyooji sagalama bwariinyan, nea ghoang'waay diigheanyeekeasu.

YEREMIYA 3:13

Ang'iing'i mwasa giidiinyeandaang'u, bea gideaba ninung'usi heeda NG'UTAMIIDA was ASEETEANG'WA ak gookeali bariinyeegeagwa rabasta ea giliwas geeta nyawiish, ea gideaba miyooleeysiina iit ghuuteanyu, gwarugu NG'UTAMIIDA.

YEREMIYA 32:23

Hean gaweay jeedeaba ng'eanyiita ak goombal, ak ea mooleeyseey iit nea mwaang'waanya deaweedeadaang'u, nea manda ng'asheanda nisin aba jeedeaba giika ghayi iyeeshi sinnean, nea aba badaydeaba nih ea ninung' ghoang'waay ng'asheesu munyas seaniin.

DANIELI 6:10

Iidu nea ghwadaah Danieli gideaba sing'waar barawajeanda, gawa jeedeaba gheanyi ak ghwajaat seawuutka ghooriida mida humng'eeda duukusa Yerusalemu; ak gwatkuy aba gutung'weakaaschi niba samwagu aba jeeda askwearda ak ghamwaash ASEETA nea gabadiischeesa ASEATAANYI, gawuurji gidasiniida.

DANIELI 9:3

Ng'ata ghaasaji ghaat deageal heeda NG'UTAMIIDA was ASEETA, ak geamuschi niny nea ghaamwaashchi ghawooda nea ghaaghadoawanyi nea gealuuldi geaw nea geakweali hang'weaka guniyajeega nea geabiidi jeeda deareeda.

Lukka 1:72

ak gayghabwayda ghweanigaasa aba gidaheeleesa, nea ghoapkaat neajeadaanyi ghaydit,

Ruumi 8:28

Ak geanali gideaba aba jeeda ng'asheega sean iissa gwasin ASEETA gadiyeeda miy sea fugiga bwariiy ninyiin, fugiga ghayi siguursa aba gidagasiida ninyiin.

GIIPKEATA DIIGHEANDA 5:10

nea geahiimsi bariinyeegeasu huumwa seaygooji sagalamnyoojiga bea fuga bwariinyan nea gwasissa mureeda diigheanyeekeasu.

GIIPKEATA DIIGHEANDA 7:12

“Ghamneawa iileeysiit deaweedajeegeasu ak gisisi mureeda, abeeda NG'UTAMIIDA was ASEATAANG'U gaygwasissa uurda neajeadaanyi ea bariinyeagaaschi bea huumwa abeeda aksa habeawooda ghweanigeagwa gideaba eang'waanya;

GIIPKEATA DIIGHEANDA 7:21

Adiidu ghoabealnyi fiisu; aba gideaba NG'UTAMIIDA was ASEATAANG'U gwanda jeadaang'u, ASEETA haw uur mideawa gharbeeda.

GIIPKEATA DIIGHEANDA 7:9

Nala gideaba NG'UTAMIIDA was ASEATAANG'U niny ASEETA, was ASEETA waam adiiwi neajeadaanyi ea bariinyeega huumwa, aba heeda fuga bwariiy niny nea gwasissa mureeda diigheanyeekaaschi, ea gagul seaygoojiga hita sagalama,

Yakkobo 1:12

Ng'wanaweagaaschi siida riyeang'da iisimsim, aba gideaba iing'ata nea nijoar simsimda gayghwanyas shiipka eaweega mamuudeana ghayi bay gwaheeleesa ASEETA fugiga bwariiy ninyiin.

Yakkobo 2:5

Oaleaydiit fuga eaduupcheewi aabwariinyi. Heapi ASEETA ghayi mii ghwaloat fuga barbari bea muunda ng'eanyiida ak ghwanung' gabaruura masaweega nea gwahearan sugoocheanduumeeda ghayi heeleesa fuga bwariiyi?