DANIELI 9:27 - Bibliyeeda Ghaydit

²⁷ Ak gaygwasin neajeeda majeek sea fuga saang'a aba jeeda wiikajeanda; ea aba eawoojiga mwahita wiikajeanda gaygwaduulu lukghumeeda ea haleanjeeda ghadooweeda; ak gajeayiin gidamuy deageaw was uhuuda gheeda sibata ASEETA ak gaygoobiida hoowa gwaroonyi siida jea gweadu nyariida, ea muudeanooda ghayi sissa ASEETA niny.”

DANIELI 9:27 Mawu Ofanana

ISAYA 28:15

Aba gideaba gooyeenyi, “Sisinyi neajeeda sea miyeeda ak geeheeli sea gheeda maloonghajeega; ak gooyeenyi maygoobiseasa habitkweeda aba gideaba noanung' ghoah ng'uyeega gidoaghuschi, nea ghoanung' ghoah reengaweega igeamboodeang'wa”;

ISAYA 28:22

Asi ghamneawa adoahuuyi fuga foola fih, aba gideaba adeeghirit ghealoonigeagwa; aba gideaba naayiinyi aba heeda NG'UTAMIIDA bea lugweega iita girgweageeda jea ghwahidu, ak ea simanya was dea jea ghwanyas ng'eanyiisean.

ISAYA 42:6

“Aniini geawooschi NG'UTAMIIDA, ak geaguurneey aba doobiiwnata, ak gaydaang'waay geatindaang'u nea ghaahaaghwaneey, nea aba badaydaang'u gaydasin neajeeda sea buuneesean, ak ang'iing'i gayhuuwa gheaboong'nyeanda eemoojiga,

ISAYA 53:11

ak gayghwadaah haghweega sawanadeeda saseadaanyi, ak ghamwas; aba fughareeda siideanyu bea gadiyeeda doabiiwaat, gayghwanung' ghoah gea saang'a gea doobiiweadi, nea ghwasar giidiinyeanyeeka nyaawa.

ISAYA 55:3

Oaleaydiit ak ghoapkaanyi heedeanyu; ayiinya, ak gajanyasa giibinda; ak gaydasin neajeeda manda muudeanooda sea agooga, asaha ea baydeayda majeek bea Dawdi.

YEREMIYA 7:30

Gwayi NG'UTAMIIDA, “Fuga Yuda nisin riing'eeda aba madeedeanyu; niyiin sanaamajeega jeeda gheeda siguuriideawa gheawungeasu, ghang'uda ririnnyeanda.

DANIELI 11:31

Ak gayghwahidu shirikareadaanyi ak ghabwara ririnnyeanda gheeda sibata ASEETA ghaydit, nea gageanda haleanjeeda siyeada ghadooweeda sighwarda. Ak gayghamiinaada gidamuy eatu nyariida.

DANIELI 11:36

“Ak gwasin sugoocheanda gidagasa; ak gayghaghwar geaw nea goodiing'u geaw ea gwaneawna aseecheeka, ak gaygabalool ng'asheega munyas aba badayda ASEETA aseecheeka; Gaygamnyeen ea ghwahidu nyarasta ASEETA; aba gideaba gidasibada gajeesin.

DANIELI 12:11

Nea damandida sigeandeawa haleanjeeda ghadooweeda sighwardaan, ak ghamiinaada gidida muy jea gweadu nyariidean, gaygwanda askwearjooji sagalama ea bughalaji samwagu ea diktam ea damanamuut.

DANIELI 7:25

Gaygwargu ng'asheega munyas aba badayda ASEETA Haw bea Humng'eeda, nea gwasawana fuga ghaydidi bea ASEETA Haw bea Humng'eeda, ak gayghwayam damanda ea deaweeda; ak gajeayiin geatindaanyi gilinuwaas, ea damanyooji iyeenya, ea gheadi mwahita damanda.

DANIELI 8:13

Ng'ata ghaayiinyi ghuuta malaykajeanda ghaydit nea gabalool; ak gwayeesha malaykajeanda nuut ghaydit dea balool, “Gaygooyang'daan damandeaba Giirgweatsu bea iita haleanjeeda sisabwa geadi bea ghadooweedean, ea gidida was riing'eeda eadu nyariidean, gajeeyi bwak ea ghoah eeju nung'weadayda heeda ghaydit ea lugooda humng'eeda ea gheeda sibata ASEETA siilaapta ng'eanyi?”

HOSEYA 3:4

Aba gideaba diibiga Israeli gaygoobiida eawoojiga saang'a nea mandeawana sugoocheanda ghana siida haw, ak ea mayghoan ghoadayda lukghumajeega sigwariida, ea ng'udanga, ea naifeera ea sanaamu sisna geadi.

IITOODA 7:62

ea ganakoanagi bea dahaabu, nea durumanataanyi ea shekeelaji damanamughuush, nea ghwanyiit hideeda;

Mattayo 24:15

“Asi iyoadaayi gidamuy jea gweadu nyariida, ghayi rugu sibaneeda siguura Danieli nea nimiinaada aba heeda ghaydit (dea asoamwa ea danala),

Mattayo 26:28

Aba gideaba suh foojeandeanyu bea neajeeda gil, ak geahiida aba badahuuka fuga saang'a aba geandeayda riing'eeda.

Mattayo 27:51

Ghabwaasha, hang'da sibwaasha gheeda sibata ASEETA nibiyeenya, ghang'eada humng'eeda ea gagul ng'eanyi, gwasim geaw ng'eanyiida ak gabearshachi lagheanga hees;

Marko 13:14

“Asi iyoadaayi gidamuy jea gweadu nyariida nea nimiinaada aba heeda mahaguuwsiina, (Siida asoamwa ea dajeeng'na gidawas) asi abeeda fuga mida ng'eanyiida Yudeya ea dasalsiina iheenga heayeeniga.

Lukka 21:20

“Asi iyoadaayi mujiineeda Yerusalemu nea nineaweesa lugooda, abeeda anala gideaba nineekiit nyaroadaanyi.

Lukka 21:24

Ak gajeenuuseadawa ng'uta nea suuk geetabwaardaawa jeeda eemoojiga sean nea Yerusalemu gayghoala eemoojiga ea ghwahidu damanda fuga eemoojiga.

Ruumi 11:26

Abeeda fuga Israeli gay ghwalaalaan, gawuurji gidaghayi sing'waarda, “Gay ghwahidu Lealnoocheanda jea gwaleabu Sayuni, ak gaygooheeli munyinda sea Yakobo”;

Ruumi 5:15

Nea gidasiitayda ea mawuurji sea giidiinyeanda. Aba gideaba ghayi iimeewa fuga saang'a aba giidiinyeamba siyagi, ak ghwaraanya muuchi dagheerjeanduumeeda ASEETA ea gidasugu aba dagheerjeanduumeeda siida asagi was Yesu Gristo naawda aba badahuuka fuga saang'aan.

Ruumi 5:19

Asi gwasunu iiheawa siyagi iidu ghwanyas buuneesean riing'eeda, gwasunu eara iisin siyagi mureeda iidu ghwanyas buuneesean doobiiwnata.

Ebraniya 9:28

gwasunu eara Gristo, niny ghayi geatayda nibwagi ak gageanda riing'eega fuga saang'a, gayghwahidu deaba iyeenya, ak ea mayghwahidu aba badayda riing'eeda niny gayghoan gwalealu fugiga amuuku niny muuchiin.