DANIELI 9:26 - Bibliyeeda Ghaydit

²⁶ Iing'ata wiikaji laadam ea iyeenya, abeeda gajeabwar siida simwaar, ak ea manda siida jea ghoaghiis hoorgeadaanyi; nea fuga siida haw jea ghwahidu gaygwanyarja mujiini ea heeda ghaydit. Nea huuydeandaanyi gayghwaanda guldeayda, ak aba huuydeanda gaygwanda ng'ucheeda; nea nyariida ea diigheanda sin ASEETA.

DANIELI 9:26 Mawu Ofanana

2 SAMWELI 21:5

Gwayeesha saawa sugoocheanda, “Siidida gagasa ghwalas uhuudeanya ak ea moabuuda eara sih aba jeedeanya aba ng'eanyiida Israeli,

NYIIGHEEGA 22:15

muwookteanyu nighajaamiit ea gawuurji rabagiida, nea ng'ushapteanyu ea ninoas geat sea gharooshkeasu; ak giyiinyaan jeeda birjeanda miyeeda.

ISAYA 28:2

Ng'ula, Ng'utamiida gwandeawa siyagi mideawa uurda ak ea majeek, ak gawuurji siilakghta roopta lagheanga, ea shaarareeda nyarja haleanjeeda, ak gawuurji siilakghta beega saang'a gulda, ak nih ea gichea gwajaksiinda ng'eanyi gil aba geatinda.

ISAYA 28:22

Asi ghamneawa adoahuuyi fuga foola fih, aba gideaba adeeghirit ghealoonigeagwa; aba gideaba naayiinyi aba heeda NG'UTAMIIDA bea lugweega iita girgweageeda jea ghwahidu, ak ea simanya was dea jea ghwanyas ng'eanyiisean.

ISAYA 53:8

Geaghabwas, ak geergweaksa ak geayaat eenuus ak ea manda siida duupa gil ng'asheega nyas ak geahoana ng'eanyiida fuga majeekcheew, aba giidiinyeanyeeka fugeasu.

ISAYA 8:7

asi ng'ula, NG'UTAMIIDA gayghwanung' gagulsa saawa beega saang'a mideawa uurda muuchi bea eenda; ak gayghwahidu sugoocheanda Ashuru ea gharbeadaanyi sean, ak gaygwasik badayda maparoojigaaschi sean, ak gagulda aba mareecheekaaschi sean.

YEREMIYA 46:7

“Nih ng'eaha, adiing'u geaw ea gawuurji eenda Nayliin, uurji eeniga daruuschi beega nyaawa?

YEREMIYA 51:42

Basooda nigulsa badayda Babeli; ak ea nidukuta seang'ayda laweajajeagaaschi.

DANIELI 11:10

“Ak gayghoang'eat orjoagaaschi ng'ucheeda ak ghoawaam eemeetuw was lugooda, jea ghapka ak ghwanyiit ea ghang'ata, ak gang'uchi ea ghwahita ghamardeaba ng'eanyi.

DANIELI 11:17

Ak gayghwasach gheamamdaanyi ak ghoana uurda sean bea gheambalmeeda, nea ghwaan gagasa hoyyoo ak gwasin. Ak gayghoadaw niny huda ak gwanyarja ng'eanyiida; ak ea mayghwanyas.

DANIELI 11:22

Ak gayghahoan lugooda mida madeadaanyi ak ghoadaarda, eara ashoohoodiga ASEETA Haw gayghahoan ak ghwalas uhuuda.

DANIELI 11:36

“Ak gwasin sugoocheanda gidagasa; ak gayghaghwar geaw nea goodiing'u geaw ea gwaneawna aseecheeka, ak gaygabalool ng'asheega munyas aba badayda ASEETA aseecheeka; Gaygamnyeen ea ghwahidu nyarasta ASEETA; aba gideaba gidasibada gajeesin.

DANIELI 9:27

Ak gaygwasin neajeeda majeek sea fuga saang'a aba jeeda wiikajeanda; ea aba eawoojiga mwahita wiikajeanda gaygwaduulu lukghumeeda ea haleanjeeda ghadooweeda; ak gajeayiin gidamuy deageaw was uhuuda gheeda sibata ASEETA ak gaygoobiida hoowa gwaroonyi siida jea gweadu nyariida, ea muudeanooda ghayi sissa ASEETA niny.”

HOSEYA 1:9

Ng'ata gwayeesha NG'UTAMIIDA, “Guureewana gheawungaaschi ‘Mii fugeasu’ aba gideaba agooga mudu awasa fugeasu, nea eara aniini ea mutawoos ASEETEANG'WA.”

AMOSI 8:8

Aba badaydeaba ng'asheanji maygwasaw ng'eanyiida, ak gilinyoo gwanda jeeda ea maygagiisan, ak gaygwascheeng'u sean gawuurji Nayli, ak gayghwanyiit nea ghoashoay gicha gawuurji Nayleeda Misri?”

AMOSI 9:5

Ng'utamiida, was ASEETA bea lugweega, dea inyas ghwasat ng'eanyiida ak ghwanyari, ak gagiisan fuga sean mida jeeda, ak ghang'eat sean gawuurji Nayli, nea ghoashoay gicha gawuurji Nayleeda Misri;

NAHUMU 1:8

Nea aba guldeayda haw gaygwaduulu heeda abiita weajoodigaaschi, ak ghwaat geeshta weajoodigaaschi ea ghwahita jeeda misaneeda.

Mattayo 22:2

“Sugoocheanduumeeda humng'eeda gawuurji sea sugoocheanda gasa gageesheesa orjeedaanyi,

Mattayo 22:7

Hean ghwanyareas sugoocheanda ak goojeakta shirikareadaanyi ghwalas uhuudeaba fugiga bara buuneedean nea geang'uda mujiineeda nyaawa beasta.

Mattayo 23:38

Asi ang'ula ghaheang'wa sinung'usa heeda ghoah eemeeda.

Mattayo 24:2

Ghwasha niny ak gwayeesha, “Moong'uli haleanjeeni seaniin? Aba huumwa geayeeshiineegwa, manda eara lagheaneanagi jea ghoabit aba uhuudeaba niirja jea ea majeeng'adeadu.”

Marko 13:2

Ghwalamda Yesu ak gwayeesha, “Ghamneawa gidaahi gealsu heesiin? Lagheang'su ghayi sideasaan manda dea jea eenung'usa heeda earagi. Gajeeng'adeadu sean.”

Marko 13:7

Iyoayiinyi ng'asheega ng'ucheadinga ea giijuureanda ng'ucheeda ea adoohirbabanyi. Ng'asheesu mayghwashiy hinnooda, duuku muudeanooda ea miighoaw.

Marko 9:12

Gwayeesha, ada huumwa, “Eliya gayghanyi gooshoohu ghoan gwasisin haleanjeeda sean; eara gwasa, ghwasaan anda geang'waar aba jeeda Ng'ooruutka Ghaydit gideaba, Orjeeda Siida gayghwanyas hang'weanidooda muuchi nea geefool?

Lukka 21:24

Ak gajeenuuseadawa ng'uta nea suuk geetabwaardaawa jeeda eemoojiga sean nea Yerusalemu gayghoala eemoojiga ea ghwahidu damanda fuga eemoojiga.

Lukka 21:6

“Aba haleanjeeni oong'ulayiin, gayghwahidu damanda jea ea mayghoabit lagheana aba uhuumba nuut jea ea majeeng'adeasa ng'eanyi.”

Lukka 24:26

Mamiisiina gideaba Gristo gayghwanyas sawanadeeda ama ng'ata gawa jeeda giigheambiitaanyi?”

Lukka 24:46

Ak gwayeesha saawa, “Nih gidaghayi sing'waarda gil gideaba Gristo gayghwanyas hang'weanidooda ak gwaduuna miyeeda eaweeteaba samwagu,

Yohaana 14:30

Mayguteabaloolaneegwa gicha ng'asheega saang'a aba gideaba siida ahaaghwa ng'eanyiini gayghoan. Aba heedeanyu niny moamu gil;

2 Goriinto 5:21

Aba badahuukaasa geanung' ghoah niny riing'eeda nea niny ea mwanala riing'eeda, ak abeeda aba niny geahuuyi doobiiwnata ASEETA.

Galattiya 3:13

Gristo gootinaneasa jeeda mooshteayda deaweeda, aba gideaba niny simwaashta aba badahuukaasa aba gideaba gwayi Ng'ooruutka, “Simwaashta gilinyoo ea sih gil sirata aba uhuuda geeta”–

1 Betro 2:21

Nea aba nih ea siguurnaneegwa, aba gideaba eara Gristo gwasawana aba badahuukeagwa, ak gagooneegwa gichea agalana, gideaba gajayaada geeshtaanyi.

1 Betro 2:24

Niny ghwasar riing'eegaasa aba saseadaanyi aba uhuuda geeta, ak abeeda geemeewayi aba riing'eeda, ak geewooschi majeekcheewi aba doobiiwnata, aba deaneaduutkaaschi ea siihaabeasa.

1 Betro 3:18

Aba gideaba Gristo eara niny ghami nibwagi aba badayda riing'eeda, ninyeeda doabiiwaat aba badayda gea mii doobiiweadi, aba gideaba gweaneasa heeda ASEETA ak geenuus saseadaanyi nea gurooroadaanyi geetuudu;