DANIELI 9:24 - Bibliyeeda Ghaydit

²⁴ “Wiikaji laadam ea damanamughuush niba gweanyeew laadam ea damanamughuush gajea damanda jea eetina fugaagu ea mujiineadaang'u ghaydidi, ak goosha munyinda, ak nea gwaduulean riing'eeda, ak gwasin giiduupcheeda, ak gweadu eaweega manda muudeanooda doabiiwaat, ak gooroor giirgweatka ea sibaneeda, ak ghwayeash heeda ghaydit muuchi.

DANIELI 9:24 Mawu Ofanana

2 DAMANYOOJIGA 29:24

ng'ata gwanuus ashoohoodiga, ak ghoadayda foojeanda nyaawa ghoah haleanjeeda sisabwa geadi bea riing'eeda aba heeda wagiida ghoah giiduupcheeda aba heeda fuga sean bea Israeli; aba gideaba ghayi sugoocheanda gwarukuta gideaba fuga sean bea Israeli gajeesissa haleanjeeda sisabwa geadi sigwariida ea gea riing'eeda.

NYIIGHEEGA 2:6

“Ak aniini ea naambiichi sugoocheandeanyu aaloachi aba uhuuda Sayuneeda was giijeedeanyu ghaydit.”

NYIIGHEEGA 45:7

gibwariinyi doobiiwnata ak gisti munyinda Asi ASEETA, was ASEATAANG'U, nimwaarnyi aba nagheeda hooseaneega ea ng'ala sugoodiga suurja;

ISAYA 42:4

Ak ea maygabur uhuuda nea mayghoahiil, bwak ea ghwayiin girgweageeda doabiiw badayda ng'eanyiida; nea ng'eanyiida ghuuta basooda ghoamuughu deaweedeadaanyi.

ISAYA 51:6

Agatgada gheanyangeagwa ookeala humng'eeda, ak goong'uliisi ng'eanyiida ng'eanyi, aba gideaba humng'eeda gayghang'ata gawuurji aroosta, ak ng'eanyiida gayghawaasiit ea gawuurji hang'da, nea fuga mida jeedida eara ada gaygameewa, nea lealeanoodeanyu ea manda muudeanooda, ak doobiiwnateanyu ea mayghwashiy.

ISAYA 51:8

Aba gideaba saawa gayghwaak muguyga gawuurji eaghwada, ak gayghwaak ghuughuutka gawuurji eaghwada mideawa buudeega; Nea lealeanoodeanyu ea manda muudeanooda, ak lealeanoodeanyu gaygaba jeacheenga sean.”

ISAYA 56:1

Gwayi NG'UTAMIIDA: “Asina girgweageeda doabiiwaat nea goopiidi jeeda doobiiwnata, Aba gideaba lealeanoodeanyu nineekiit, ak gajeataajiit doobiiwnateanyu.

ISAYA 61:1

Guroorooda NG'UTAMIIDA was ASEETA gwanda badaydeanyu, aba gideaba NG'UTAMIIDA nimwaaran dawa darukwiisa fuga garbapi giijasta miy, ak goojeaknean daahaap gea nibur gurooruunatka nyaawa, nea gearukwiisi fuga mida ghealooniga siksiinda nyaawa, nea fuga ng'uta ghwanyas giibaldeaba geat.

HEAREEGA 4:22

Lasoodeang'wa bea munyasnacheekeagwa nihita damanda, Ea hudeaba Sayuni, maygudeayaanyi ghealooniga; duuku munyasnacheakaagu, Ea hudeaba Edomu, gajealasnyi, ak gajeajaat riing'eagaagu.

ESEKIELI 28:12

“Ea orjeeda siida, ng'eada ak giinyahuushi aba badayda sugoocheanda Diro, ak giyeeshi niny, gwayi NG'UTAMIIDA was ASEETA, “Ang'iing'i giyiini giirooraneeda, ak giideeni, ak gindeawi weaghuumeeda haw ea miyindi hit.

ESEKIELI 4:5

Neagoonyeey gweanyeew bughalaji samwagu ea seedam ea damanamughuush. Damanda deenyi sea gweanyeeka ghoorjooda nyaawa, eaweecheanjagi gawuurji gwanyagi. Gaysareana ghoorjooda nyaawa.

ESEKIELI 4:6

Amang'ata eawoojisu abeeda gaylila deabiyeenya nea gibwadi meatkweeda geatinda dugwa, ak gaysareana ghoorjooda fuga Yuda, eawooji haradam geagoonyeeyi eaweecheanjagi aba gilakweayi.

NG'ASHEEGA LAWI 25:8

“Ak gajayiita wiikaji ispwa aba jeeda gweanyeeka, eawooji ispwa niba gweanyeew ispwa, ak abeeda damanda wiikaji ispwa aba jeeda gweanyeeka gayghoah aba heedeang'wa gweanyeew haradam ea shageash.

NG'ASHEEGA LAWI 8:15

Ak gwanuus Musa jurukuta, ak gageanu foojeanda, aba mooneadaanyi ak ghwayiin gooneaweesa heeda wagiida, ak ghoamiidu heeda wagiida, ak goohiisa foojeanda hing'eadayda heeda wagiida, ak goombiit gwasin giiduupcheeda.

SAKARIYA 4:14

Hean gwayi, “Suh fih iyeenya gil loat ASEETA ak ghoamwaar gagadiiyeesa ninyeeda was NG'UTAMIIDA ng'eanyiisean.”

IITOODA 14:34

Nea aba mooneedeaba askwearjoojisu oogwalsiini ghaang' ng'eanyiita, aba askwearjooji haradamiin, aba giliwas askwearja aba jeeda gweayda, gajasareana munyasnacheekeagwa, gweanyeew haradam ak gajanala gideaba naanyareaschi.’

Mattayo 1:21

Gaygwaji orjeeda ak gayguureewana gheawungaaschi Yesu, aba gideaba niny gaygwalealu buuneadaanyi aba jeeda riing'eega nyaawa.”

Mattayo 11:13

Aba gideaba ghang'eada sibanga ea deaweeda gwaramoorani ea ghwahita damanda Yohana;

Mattayo 4:5

Ng'ata ghwaat meang'nyeandeenda mujiineeda Ghaydit ak goodiing'da uhuuda gheeda sibata ASEETA heeda geaw

Marko 1:24

Goojuur nea gwayi, “Geendeayeesi naaha sea ang'iing'i Yesuheeda Nasareti? Guwuni lasa uhuudeanya? Ghaanali siida uwoosi guwoosi siida Ghaydit bea ASEETA!”

Lukka 1:35

Gwayeesha Malaykajeanda, “Gaygwashuubeeseey Guroorooda Ghaydit, nea uurda ASEETA haw gaygookwealseey jirooneeda; aba sareani baleanda jea eeji gajeeguura siida ghaydit, Orjeeda ASEETA.

Lukka 21:22

aba gideaba eawoojigiga gajea gea sawanadeeda ak ghoah gida nyaashta ng'ooruutka.

Yohaana 1:41

Goosheeda ghwadaah Simoneeda was orjeeda ghaamwat, ak gwayeesha, “Sidaayi Masiya” (nea gideaba Gristohi).

Yohaana 3:34

Aba gideaba siida ghayi ajeagu ASEETA iissa gabaloola ng'asheega ASEETA ak ghoadaw guroorooda nea moodeena;

Gadiyeeda Giijasoodiga 3:14

Amadu ghoashaang'nyi dea Ghaydit was dea Asagi Doabiiwaat, ak googasayi siida nuusa buuneeda eegooneegwa,

Gadiyeeda Giijasoodiga 3:22

Aba gideaba gwayi Musa, ‘Ng'utamiida was ASEETA gaygageanu sibaneeda aba jeeda fuga ooduupcheewi gawuurji gidaloatanaan. Ak gooleeysiit niny aba ng'asheega wassean jea gwarukuneegwa.

Gadiyeeda Giijasoodiga 4:26

Sugoodiga ng'eanyiida nijip geat, nea fuga ambaliischi ea nibwatgeat, ak ghaheawa Ng'utamiida ak ghaheawa eara dea simwaar’–

Ruumi 5:10

Aba gideaba damanda duu eawooseewana weajoodiga geetuupchaneasa sea ASEETA aba miyeeda Orjeedaanyi, raanya muuchi, iing'ata giiduupcheeda geelealneasa aba jeeda eaweagaaschi.

1 Goriinto 1:30

Niny gumdooda eaweegeagwa gil aba jeeda Gristo Yesu, ghayi nung' ASEETA ghoah weaghuumeedeanya, ea doobiiwnateanya ea giimiinnooda, ea lealeanooda;

Filippi 3:9

ak geenyasan aba jeadaanyi, ak ea meandeawani doobiiwnateanyu, mida jeeda deaweeda, geaghus diita sinyasa naweeda masaweega aba jeeda Gristohiin, doobiiwnatida leabu heeda ASEETA sinyas aba masaweegean;

Golosaayi 1:20

nea aba niny gooduupchi geaw haleanjeeda sean gea mida ng'eanyi ghana gea mida humng'eeda, ak gwasin hoyyoo aba foojeanda weay aba badayda beehiidaanyi.

Golosaayi 2:14

iidu nea niibuus ng'ooruutka mida badahuukaasa jea goorgweakseasaan, gageanu ak ghwasach ak goongoorsa uhuuda beehiida.

Ebraniya 10:14

Nea aba giidaydeawagi bea haleanjeeda sisapa geadiin ea ninung' ghwahit fugiga sean siimiiduun aba damanyoojiga sean.

Ebraniya 2:17

Asi gajeenung' gawuurji sea fuga duupchi aba gheatkweaka sean, ak abeeda ghoah siida bayiida buuneeda ea dea doabiiwaat was ashoohoocheanda haw bea gadiyeeda ASEETA, ak gaygoohuun riing'eeda buuneeda.

Ebraniya 7:26

Asi ghwahit gideaba gajeendeawana ashoohoocheanda haw uurji nih, ghaydit, meerukunana badayda ng'asheega munyas nyaah siirja, siheeli sea fuga riing'eega, siitiing'da ea ghwalaabwa hoowa humng'eeda.

Ebraniya 9:26

aba sareani gwachi gaygabiikiida jeeda sawanadeeda ghang'eada dea ghayi sisna sindeeta ng'eanyiida. Ak aba nih, ghwahidu nibwagi aba muudeanooda damanda ak gageanda riing'eeda aba giidaydeaydeaba geaw ghoah lukghumeadaanyi.

2 Betro 1:1

Simon Betaro gil, soomjeanda ea giijasoocheanda Yesu Gristo, heeda fugiga ninyas masaweega uurjeewaneasean, aba doobiiwnata ASEETEANYA, ea lealnoocheanda was Yesu Gristo.

1 Yohaana 3:8

Siida sina riing'eeda gaba meang'nyeandeenda; aba gideaba meang'nyeandeenda ghayi gabean gwasina riing'eeda. Gissibaysiina wunooda Orjeeda ASEETA geataajiit ghwadatas gadiyeeda meang'nyeandeenda.

Giidaheechta 14:6

Hean ghaadaayi malaykajeanda nuut nea ghang'eata aba bugusta humng'eeda, nea gwandeawa giijasta miy manda muudeanooda jea gwarukwiisa fuga mida muunda ng'eanyiida, ea giliwas eamwa ea eemeeda ea iita ea buuneeda;

Giidaheechta 3:7

“Heeda malaykajeanda ganiiseeda Filadelfiya ng'oara: ‘Suh ng'asheega siida ghaydit gil asakaleala, bea huumwa, mideawa gisiitina gidaghuuta sugoocheanduumeeda Dawdi, siida ama atin ea manda siida ammu ghwarat, siida amarat ea manda siida jea gootin.