DANIELI 9:20 - Bibliyeeda Ghaydit

²⁰ Damanda duu dabaloola nea ghaamwaashchi ghawooda, nea geaduukuuni riing'eegeasu ea riing'eega buuneedeanyu was Israeli, nea ghaadaydi haleanjeedeanyu bea ghadooweeda aba madeeda NG'UTAMIIDA was ASEETEANYU aba badayda heayeeda ghaydit bea ASEETEANYU;

DANIELI 9:20 Mawu Ofanana

ESRA 10:1

Damanda moasheewa Esra ghawooda ak gwaduukuuna, nea gooyeawda nea gwajaksa geaw ng'eanyi aba madeeda gheeda ASEETA, hean gabassa geat buuneeda saang'a muuchi bea Israeli headaanyi, headiga, ea gadeemga, ea diibiga, abeeda buuneeda gooyeawda muuchi.

NEHEMIYA 1:6

aleaydiit, ak ginung' ghwajaada gheanyangaagu ak giileeysiit gidamwaash siidaang'u bea gadiyeeda ghamneawa aamoashchi aba madeadaang'u askweari ea eawa aba badayda fuga Israeli was fugaagu bea gadiyeeda, geaduukuuni aba badayda riing'eeda fuga Israeli, ghayi sisinyi aba badaydaang'u. Aniini ea gheeda ghweanigeasu siitiinyi.

NYIIGHEEGA 145:18

NG'UTAMIIDA ea neekeewa buuneesean guuriisa niny, buuneesean guuriisa gheawungaaschi aba huumwa.

NYIIGHEEGA 32:5

Ak aniini gearukuneey riing'eedeanyu, ak ea mii dafuy munyindeanyu ak geayeenyi “gaydamwas giidiinyeanyeekeasu aba heeda NG'UTAMIIDA”; ak gisamsean aba gidaroat aba riing'eedeanyu.

REEKUSIINDA 7:20

Ak aba huumwa ea manda siida doabiiwaat aba ng'eanyiida, was dea sina ng'asheega miyaas, nea masina riing'eeda.

ISAYA 56:7

Suh gaydeadu ea daahiidu giijeedeanyu ghaydit, ak gaydeahoosan aba jeedeaba gheenyu bea badita ASEETA; haleanjeeda nyaawa sisabwa geadi bea ghadooweeda sighwarda, ea lukghumajeega nyaawa, gajeamwas aba heedeanyu bea wagiida. Aba gideaba gheenyu gajeeguura gheeda jea eebata ASEETA bea eemoojiga sean.

ISAYA 58:9

Hean abeeda gayguurda ak gayghwanya ghuuta NG'UTAMIIDA; gajayeawda ak gaygwayi, Geandi hiji. “Inyeessa gigeandi yooki aba jeedeang'wa, nea mimiindani mooneeda nea mirukuni ng'asheega munyas,

ISAYA 6:5

Hean geayeenyi, “Deashageadi! Aba gideaba naaroachi aba gideaba aniini geawooschi siida muy ghuut, ak geabiidi bugusta fuga munyasi ghuusi, ak ea naadaayi sugoocheanda, was NG'UTAMIIDA bea lugweega.”

ISAYA 65:24

Damanda mii gaguurnean gajea naashaay ghuusiga nyaawa. Nea damanda mii ghoabuut baloolda nyaawa, gajea gaydayiiy ghuusiga nyaawa.

DANIELI 10:12

Hean gwayeeshiinean, “Adibeali Danieli, aba gideaba ghang'eada eaweeda ghayi bea madeeda inung' ghwanal fughareadaang'u ng'asheega ak gumwasi aada geaw ng'eanyi aba madeeda ASEETA, ea siyiiy ng'asheagaagu ak ghaawunyi aba badayda ng'asheagaagu.

DANIELI 10:2

Aba askwearjoojigiga, abeeda aniini Danieli geagiisanyi wiikaji samwagu.

DANIELI 11:45

Ak gayghamiinaada maheemajeagaaschi hees bea sugoocheanduumeeda dageascheeda basooda ea giijeeda ghaambiidaat ghaydit; ak gayghami, nea manda siida jea ghaweat.

DANIELI 9:16

Ea NG'UTAMIIDA, aba giduurji gadiyoojigaagu sean doobiiweadi, nung' gabiikta ng'eanyi nyarastaang'u ea ng'weaniidoadaang'u aba badayda mujiineadaang'u was Yerusalemu, ea heayeadaang'u ghaydit; aba badahuuka riing'eegaasa, ea aba badahuuka munyasnacheeka ghweanigaasa, aba gideaba Yerusalemu ea buuneadaang'u niiw fuga sijuuga aba jeeda buuneesean neaweeseasa.

SAKARIYA 8:3

Gwayi NG'UTAMIIDA gaydabiikta Sayuni, ak gaydeabiida bugusta Yerusalemu, nea Yerusalemu gajeeguura mujiineeda huumeanda, nea giijeeda NG'UTAMIIDA bea lugweega geeguura giijeeda ghaydit.

Gadiyeeda Giijasoodiga 4:31

Iidu nea sishit mooshta ASEETA, gwaduumduum heeda gwachi bassa geat; ak gaba nih siinyiit Guroorooda Ghaydit ak gwarukwiida giijasta miy bea ASEETA aba meaynata.

Ruumi 3:23

aba gideaba nisin buuneesean riing'eeda, ak ghwasuunyeawa giigheambiita ASEETA,

Yakkobo 3:2

Aba gideaba aseasa eesa sean iissa gearamwaschi gea saang'a, ama deepa ea mwaramwasta siida wassean aba ng'asheega rugu abeeda siisi ea doabiiwaat, ak ghoamu ghwarat eara saseadaanyi sean.

Giidaheechta 21:10

Hit ghwaadan aba Guroorooda ea ghoahiitanaan giijeeda haw, geaw, ak ghoahiimnaan mujiineeda ghaydit was Yerusalemu nea ghwararang'aana humng'eeda heeda ASEETA,

Giidaheechta 21:2

Ak ghaadaayi mujiineeda ghaydit, was Yerusalemooda eesh, nea ghwararang'aana humng'eeda heeda ASEETA, nea hidaat gawuurji sibeeda siitaamdaam aba siyeeda;