DANIELI 9:2 - Bibliyeeda Ghaydit

² aba gweayda madeeda bea gheambalmeadaanyi, abeeda aniini, Danieli, ghaasoamwanyi aba jeeda gitaabwajeega mooneeda gweanyeeka, aba gidarukuteayda ng'asheanda NG'UTAMIIDA rukusa sibaneeda siguura Yeremiya, bea gideaba gaygwanda Yerusalemu jeeda sawanadeeda gweanyeew laadam ea damanamughuush.

DANIELI 9:2 Mawu Ofanana

2 DAMANYOOJIGA 36:21

ak ghwahita damanda ng'asheanda NG'UTAMIIDA aba ghuuta Yeremiya, bwak ea gahoosasa ng'eanyiida sabaatohajeagaaschi. Aba gideaba eemoojiga mideawa geatin ghoang'waayi sabaato, ghoanyiit gweanyeew laadam ea damanamughuush.

ESRA 1:1

Gweayda madeeda bea sugoocheanduumeeda Goreshi was sugoocheanda ng'eanyiida Ajemi, abeeda gwasa, ng'asheanda NG'UTAMIIDA ghayi rukuna ghuuta Yeremiya, hean ghwasat NG'UTAMIIDA guroorooda Goreshi was sugoocheanda Bersiya, ak gwarukuta iita aba ng'eanyiidaanyi sean ambal ak eara ada ghang'oar.

NYIIGHEEGA 119:24

Ng'asheagaagu imuuwu gea ahoosanan gil, ea gea argweakseani.

ISAYA 64:10

Mujiinajeagaagu ghaydidi niiw dareapcheeda Sayuni niiw dareapcheeda, Yerusalemu ea niiw raghoonyeanda.

YEREMIYA 1:1

Ng'asheega Yeremiya, was orjeeda Hilkiya bea jeeda ashoohoodiga ghayi mida Anatoti was ng'eanyiida Benjamini,

YEREMIYA 25:18

ak abeeda Yerusalemu ea mujiinajeega Yuda, ea sugoodigaaschi ea fuga hees, gaydanung' ghoah raghoonyeanda, ea gida marachi gil, ak geemachiida ea geemooriida ea ghoah ghamneawa;

YEREMIYA 26:18

“Damanda waseewa sugoocheanda Yuda Hesekiya ghwaramoaran Mika was mujiineeda Moresheti ak gwayeesha fuga sean bea Yuda: ‘Gwayi NG'UTAMIIDA bea lugweega, mujiineeda Sayuni gajeabwar gawuurji gida sibariida madamnyeanda; Nea Yerusalemu gajeanung' ghoah eemeega, nea giijeeda gheeda sibata ASEETA gayghoah dareabeeta haw.’

YEREMIYA 26:6

Ak abeeda gaydanung' gawuurji gheawi gidaghayi eanyarjeawdi Shilo, ak gaydanung' ghoah mujiineani gida simoashta aba jeeda eemoojiga sean bea ng'eanyiida.’”

YEREMIYA 27:7

Nea eara eemoojiga sean gaygagadiyeesa niny sea orjeedaanyi ea diibigeaba gaaschi, bwak ea gagul damanda jea ghoabeada ng'eanyiidaanyi; ak abeeda eemoojiga saang'a ea sugoodiga hees gayghwanung' ghoah niny soomjeanda nyaawa.

YEREMIYA 29:10

“Ng'ata gwayi NG'UTAMIIDA, “Iyoanyiichi gweanyeew laadam ea damanamughuush aba Babeli, abeeda gaydabareaseegwa, ak ghaahiichi neajeedeanyu, ak gaydaaghuumneegwa hiji.

YEREMIYA 7:34

Ak gaydanung' goosha ghuusiga rearga ea hooseaneega aba jeeda mujiinajeega Yuda ea jeeda naweadinga Yerusalemu, ea hooseaneega sibeeda ea siida geeshi, aba gideaba ng'eanyiida gaydanung' ghoah raghoonyeanda.

HEAREEGA 1:1

Mujiineeda ghayi nyiit buuneeda iijea gwayi bwak ea ghwanyas salgheang'da! Iijea gwayi bwak ea gawuurji masinung'weanda, nea ghayi aahaw aba bugusta eemoojiga! Was mujiineeda miy gil aba bugusta mujiinajeega ea gidasiing'waayda ghoah soomjeanda.

ESEKIELI 29:11

Ak ea manda siida jea ghang'ata gwasik jeedida, nea ea manda diyeayda jea ghang'ata gwasik jeedida. Ak ea maygoobiida buuneeda gweanyeew haradam.

DANIELI 9:3

Ng'ata ghaasaji ghaat deageal heeda NG'UTAMIIDA was ASEETA, ak geamuschi niny nea ghaamwaashchi ghawooda nea ghaaghadoawanyi nea gealuuldi geaw nea geakweali hang'weaka guniyajeega nea geabiidi jeeda deareeda.

MIKA 3:12

Asi aba badahuukeagwa Sayuni gajeabwarda gisibariida madamnyeanda; nea Yerusalemu gayghoah eemeega, ak giijeeda gheeda gaygawuurji gudung'unyeanda aba dareabeeta.

SAKARIYA 1:12

Ghwalamda malaykajeandida bea NG'UTAMIIDEAN ak gwayeesha, ‘Ea NG'UTAMIIDA bea lugweega, gayheawana ea ghoah eeju bwayda Yerusalemu ea mujiinajeega Yuda ghayi inyareeksi gweanyeew laadam ea damanamughuush?’

SAKARIYA 7:5

“Rukusiina buuneesean bea ng'eanyiida ea ashoohoodiga, gideaba damanda ghayi ooluuldeawi geat nea gooyeawdi nea sheedeaba muut gil, ea sheedeaba ispwa, aba gweanyeeksu alaadam ea damanispwaan, abeeda gooluuldi geat aba badaydeanyu?

Mattayo 24:15

“Asi iyoadaayi gidamuy jea gweadu nyariida, ghayi rugu sibaneeda siguura Danieli nea nimiinaada aba heeda ghaydit (dea asoamwa ea danala),

Marko 13:14

“Asi iyoadaayi gidamuy jea gweadu nyariida nea nimiinaada aba heeda mahaguuwsiina, (Siida asoamwa ea dajeeng'na gidawas) asi abeeda fuga mida ng'eanyiida Yudeya ea dasalsiina iheenga heayeeniga.

Gadiyeeda Giijasoodiga 8:34

Ak goobearsa siidida was gulaneedean Filipo, “Heapi sibaneeni ghamwaash ASEETA aba badaydeabeang'a inyas gwarugu ng'asheesuun, gabaloola badaydaanyi ghana baloola badayba sih nuut?”

1 Dimotteo 4:13

Damani jea doonaan, milmiliida aba giisoomanda nea gireekusi buuneeda nea giinaali.

Giidaheechta 1:3

Ghang'wana siida asoamwa aba ghuuta haw ng'asheega was ramoorangeasu, ak ghang'wana fugiga iiyiin, ea dea ang'waay ng'asheega sing'oorsa jeedean; aba gideaba damanda nineekiit.