DANIELI 9:11 - Bibliyeeda Ghaydit

¹¹ Buuneesean bea Israeli ninuus deaweedeadaang'u ak gwanung'usa heeda, ak ghaheawa gwasissa mureeda ghuutaang'u. Nea mooshteayda ea habeawooda sing'oorsa jeeda deaweedeeda Musa was siida gadiyeeda bea ASEETA ak ea siyiin badahuukaasa, aba gideaba sisissi niny riing'eeda.

DANIELI 9:11 Mawu Ofanana

2 SUGOODIGA 18:12

Ak ea mii gooleeysiit NG'UTAMIIDA was ASEETA nyaawa nea ghwaramwas neajeadaanyi. Ea ng'asheega sean ghayi rukusa Musa was siida gadiyeeda NG'UTAMIIDA gideaba adooleeysiit nea adoosinyi.

2 SUGOODIGA 22:16

Gwayi NG'UTAMIIDA, Ng'ula, gaydeadu ng'asheanda muy hiji, ea badaydeaba fiisu mida hijiin aba huumwa ng'asheega sean bea gitaabooda asoamwa sugoocheanda Yuda.

ISAYA 1:3

Deeda ghwanal seabwa, nea digeeda ghwanal siida bea gheeda, nea Israeli ea mwanala, ak fugeasu ea meateemshachi.”

ISAYA 43:28

Asi ghaang'udi ririnnyeanda fuga ambaliischi bea heeda ghaydit, ak ghaanung'waadi fuga Yakobo eegul uhuuda, nea ghaanung'waadi fuga Israeli eeng'eawi.

YEREMIYA 16:11

Ak gajeeshiina saawa: Gwayi NG'UTAMIIDA, ‘Aba gideaba ghweanigeagwa ghayi ghaheawanaan, ak ghwaat geeshanga aseecheeka suuk ak ghabwat nea gagadiiyeesa, hean ea nijaktaneani nea ea mudu ghoang'waay huumeanyeekeasu,

YEREMIYA 2:29

NG'UTAMIIDA gwayi, “Agooga gooniiksean ghwasaan? Agooga noojaktanean.

YEREMIYA 30:14

Nea ng'wasangaagu ea mudu ghoapkaanyi; Mudu gwaduupeeyi; Aba gideaba naabwardaneeyi gil eawooschi weajoocheanda, Siyaaganeeyi ghoorjooda manda baydeayda, Aba gideaba ramaseandaang'u aahaw, Nea riing'eagaagu ea saang'a muuchi.

YEREMIYA 32:23

Hean gaweay jeedeaba ng'eanyiita ak goombal, ak ea mooleeyseey iit nea mwaang'waanya deaweedeadaang'u, nea manda ng'asheanda nisin aba jeedeaba giika ghayi iyeeshi sinnean, nea aba badaydeaba nih ea ninung' ghoang'waay ng'asheesu munyas seaniin.

YEREMIYA 40:3

Ak NG'UTAMIIDA ea niyeadu ak gwasinda gidaghayi rukuteayda, aba gideaba noonung'usi heeda NG'UTAMIIDA. Nea mooleeysiiniit niny ak ghoah gidahina badaydeang'wa ng'asheesu.

YEREMIYA 44:22

NG'UTAMIIDA mudughoamu ghamilikghta ng'asheegeagwa munyas oosinayi ea aba badayda riing'eega oosinyi; asi ghamneawa ng'eanyiideang'wa niiw raghoonyeanda ea eeshtearajeanda ea mooshteayda ak ea manda buuneeda, ea gawuurji giduurji bea ghamneawa.

YEREMIYA 44:23

Ama noojooysi aroosta ng'andit, ak ea noosisi riing'eeda NG'UTAMIIDA nea mooleeysiini iit ghuut NG'UTAMIIDA nea moayaadi geeshta deaweedajeega ea hamurajeagaaschi ea diigheanyeekaaschi ghana ng'asheagaaschi muuwu, ni gidanyastaneegwa ng'asheesu munyasiin gil, ea ghoah ghamneawa.”

YEREMIYA 6:19

Aleaydiit, Ea ng'eanyiida; ng'ula gaydeadu nyariida badaydeaba fiisu, ghoah haghweega sinaweega nyaawa, aba gideaba miigooleeysiita ng'asheegeasu; nea nijakta eara diigheanyeekeasu.

YEREMIYA 9:26

was fuga Misri, ea Yuda, ea Edomu, was orjooga Amoni, ea fuga Moabu, ea fuga sean abiita jeeda eeshtearajeanda reegwa iheenga nyaawa goonuweagi buudeega nyaawa, aba gideaba eemoojisu miyeeyiil, nea gheeda sean bea Israeli ea miyeeyiil gurooruunatka.”

DANIELI 9:13

Gawuurji gissing'oarda aba jeeda deaweedeeda Musa, hean ghwahidu badahuukaasa ng'asheesu seaniin, ak ghanyea miyeegasa alooheeda NG'UTAMIIDA was ASEETEANYA, ak geenung'usi heeda munyasnacheakaasa ak geang'waanyi huumeandaang'u.

DANIELI 9:5

aseasa sisinyi riing'eeda ak ea siitiinyi ak ea sifooli ng'asheega irukuneasa, ak ea sinung'usi heeda diigheanyeakaagu ea deaweedajeagaagu;

SAKARIYA 1:6

Ak ng'asheegeasu ea huumeanyeekeasu, earukusi fugeasu bea gadiyeeda was sibanga, heapi miigwasa aba heeda ghweanigeagwa? Ak gwaduukuuna nea gwayi, Eara gwasinda gidagasiida NG'UTAMIIDA bea lugweega aba sinaweega naweadingaasa, hean ghoah gidasimaneasa.”

SAKARIYA 7:12

Ghoahang'waay gurooruunatka nyaawa ea gawuurji lagheaneeda gideaba adaghwayiiy deaweeda ea ng'asheega NG'UTAMIIDA bea lugweega, ghayi ajeakteawa gurooroadaanyi aba ghuuta sibanga madeeda. Asi gayghwahidu nyarasta haw bea NG'UTAMIIDA bea lugweega.

SAKARIYA 8:13

Ak gaygawuurji gili ghayi simwaashtaneegwa aba bugusta eemoojiga, Ea fuga gheeh Yuda ea fuga gheeh Israeli, ak nih ea gichea dalealdeaydaneegwa gil ak gajoowoosa fuga nyas ghawooda. Adoabeali, oomajeega geatingeagwa.”

GIIPKEATA DIIGHEANDA 8:20

Gawuurji eemoojigiga las uhuuda NG'UTAMIIDA aba madeedeang'wean, hean eara agooga gajooshealana, aba gideaba ghoaheawi ooleeysiina iit ghuuta NG'UTAMIIDA was ASEETEANG'WA.