DANIELI 8:3 - Bibliyeeda Ghaydit

³ Geagatkachi gheanyangeasu ak ghaadaayi, lagweenda nea ghamiinaada aba mareeta ghealooda. Ak gaba gujaw iyeenya; nea gujaka duwaawi ea geawi, ak gujaweanagi gameaji ea geaw mawuurji niirja, ak gujaweeda meaji ea geaw gahuuydean aba rinooda.

DANIELI 8:3 Mawu Ofanana

1 DAMANYOOJIGA 21:16

Gagatkat Dawdi gheanyangaaschi, ak ghwadaah malaykajeanda NG'UTAMIIDA nea ghamiinaada aba dageascheeda ng'eanyiida ea dea humng'eeda, nea gwandeawa ng'uta sifagu aba geatindaanyi, nea geekeal Yerusalemu. Hean ghoabeada Dawdi sea gweargwa ea ghabwada jeesinga ng'eanyi, nea niikwa hang'weaka guniyajeega aba giiseaneega.

ESRA 1:2

“Gwayi Goreshi was sugoocheanda Bersiya. Nigoonan NG'UTAMIIDA was ASEETA humng'eeda, sugoocheanduumeeda sean bea ng'eanyiida, ak ea nirukunean dadeeksa niny gheeda aba Yerusalemu mida ng'eanyiida Yuda.

ESRA 4:5

ak geegasa gweargwa girgweageeda gaweay badahuuka nyaawa ak ghang'uda muuwda ea masina gidagasa, aba eawoojiga sean bea Goreshi was sugoocheanda Ajemi, ea ghwahita damanda sugoocheanduumeeda Dariyo was sugoocheanda Ajemi.

ESTA 1:3

Gweaydeaba samwagu bea sugoocheanduumeadaanyi hean gwasissa fugaaschi hees sean ghweelmeeda ea fuga gadiyeeda, ea shirikareeda ng'eanyiida Ajemi ea Mediya ea fuga hees ea sugoodiga hees bea darooraka hean gaweay madeadaanyi.

ISAYA 13:17

Ng'ula gaydeang'eesa saawa fuga Medi, fuga mamanyeewana gil lapiya nea mahoosana aba dahaabu siguura dahaabu.

ISAYA 21:2

Geahiimnaan ng'asheanda mideawa gharbeeda; geehiimu iita fuga milmili sina ng'asheega milmilanda, geehiimu iita fuga lasa iheenga buuneeda sina ng'asheega lasooda iheenga buuneeda. Ascheang'da aweayeena ng'ucheeda ea fuga Elamu, ak goong'uchi sea fuga Meedi; ASEETA gayghwanung' goosha sawanaduutka ghayi eadu fuga Babeli.

ISAYA 44:28

aniini geayeeniisi Goreshi, gideaba ‘guwoosi jeagiischoocheanda fugeasu, ak gaysina gea eamanyayi dasin sean’; ak aniini geayeeniisi Yerusalemu, ‘Ang'iing'i Yerusalemu gajeadeasnyi gicha,’ ak ‘sindeeta gheeda sibata ASEETA gajeadeas.’”

YEREMIYA 51:11

“Ashida geatka! Ageani igeambooniga! NG'UTAMIIDA nisat gurooruunatka sugoodiga Meedi, aba gideaba niny gidabada aba badayda Babeli nyarjeawda gil, aba gideaba nih mureandooda NG'UTAMIIDA, was mureandooda ghooriidaanyi sibata niny.

DANIELI 10:5

geagatkachi gheanyangeasu ak ghaang'weardi, ak geang'ulayi, siida akwa hang'weaka eashish, nea geerada manandaanyi ghealooda sisna dahaabu bea ng'eanyiida Ufasi.

DANIELI 2:39

Ama ng'ata damandaang'u gayghwahidu sugoochean nuut mwanang'eeweey, ak gayghwahidu sugoocheanduumeedeaba samwagu bea lagheanga oomng'i jea goombal ng'eanyiisean.

DANIELI 5:31

Ak ghoang'waay sugoocheanduumeeda Dariyoheeda ng'eanyiida Midiyani nea gaba gweanyeew laadam ea iyeenya.

DANIELI 6:28

Hean gamnyeeni Danieli damanda Dariyo ea damanda gheambalmeeda Goreshi bea ng'eanyiida Ajemi.

DANIELI 7:5

Ak ging'ulayi, diyeayda nuut, bea iyeenya, gawuurji idarooda. Ak geetiing'u meatkweanagi; ak gwandeawa gisheaji samwagu aba ghuutaanyi dageascheeda geeshatkaaschi; ak geeyeesha, ‘Ng'eada, ak giyaagi banyeega muuchi.’

DANIELI 8:2

Ak ghaadaayi aba giirgweatka; ak ghaang'weardi ak ghaadaayi geandi mujiineeda haw was Susa, mida jeeda ng'eanyiida Elamu; ak geargweadayi, nea geandi ghuuta eenda Ulai.

DANIELI 8:20

Nea eara lagweenda iing'ulayi mideawa gujaw iyeenyean, suh sugoodiga Midiyani gil ea Ajemi.

SAKARIYA 1:18

Hean geagatgachi gheanyangeasu ama ng'ata ghaadaayi gujaw ang'wan.

SAKARIYA 2:1

Ng'ata geagatkachi gheanyangeasu ak ghaadaayi siida mideawa ghealooda siiteeniida aba geatindaanyi.

SAKARIYA 5:1

Hean geagatgachi gheanyangeasu gicha, ak ghaadaayi gitaabooda neay aba humng'eeda.

SAKARIYA 5:5

Ng'ata ghwahidu malaykajeandida abaloolaniin ak gwayeeshiinean, “Gatgada gheanyangaagu ak gidaahi gichea gwardu.”

SAKARIYA 5:9

Iidu nea geagatgachi gheanyangeasu hean ghaadaayi gadeem iyeenya nea gwardu, nea gagalu heedeanyu, nea gweana jeameeda ng'waan meang'eega nyaawa, gawuurji gea udoombalaliida ak geegeanda sooscheandida ea eahita bugusta humng'eeda.

SAKARIYA 6:1

Hean aang'weardi gicha ghaadaayi mutukwaji ang'wan bea ng'ucheeda, nea gwarina dang'adiga giijeega asiyeenya; ak giijeesu ea giijeega mideawa lagheanga oomng'i gil siguura shaaba.

IITOODA 24:2

Ng'ata gagatkat Balaamu gheanyangaaschi ak ghwadaah fuga Israeli, nea gabeeliisiinyi dooshinga; ak ghwahidu guroorooda ASEETA headaanyi.

YOSHUWA 5:13

Iidu nea gwanda Yoshuwa Yeriko, hean gagatkat gheanyangaaschi ak ghoang'wearda ak ghwadaah siida aba madeadaanyi nea gwandeawa ng'uta aba geatindaanyi; hean gawa Yoshuwa headaanyi ak gwayeesha niny, “Gibea meatkweedeanya ghana uwoosi weajoocheandeanya?”

Giidaheechta 13:11

Hean ghaadaayi diyeayda nuut siyeeng'u nea gwaleabu badayda ng'eanyiida; nea gwandeawa gujaw iyeenya nea gawuurji Dayeenda Gisilleanda ak gabaloolda ichibooda.

Giidaheechta 5:6

Hean ghaadaayi aba dageascheeda hoorgeedida bea gheambalmeedean ea diyeangiga majeekcheewi asang'waniin ea bugusteaba gweargiga, ghamiinaada Dayeenda Gisilleanda, nea gawuurji gili silach gheata, nea gaba gujaw ispwa ea gheanyan ispwa, nea Gurooruunat ispwa bea ASEETA gil siicheakta gaweay ng'eanyiisean;