DANIELI 8:25 - Bibliyeeda Ghaydit

²⁵ Nea aba milmilandaanyi gaygabaruura geatindaanyi aba ng'uyeega, ak aba fughareadaanyi gayghaghwar geaw. Ak gayghabwar fuga saang'a aba shamooda; ak gaygafool eara sugoocheanda haweewa sean; ak gaygagiinya nea mahirja geatimba sih.

DANIELI 8:25 Mawu Ofanana

AYUBU 34:20

Iissa gabay gameewa; bugusta eaweeda buuneeda iissa geetuumduum ak gameewa; nea fuga mideawa uurjeenga gameewa nea mabwara geatinda siida.

YEREMIYA 48:26

“Moabu anung' gaboogit, aba gideaba goodiing'u geaw aba heeda NG'UTAMIIDA; asi Moabu gaygoobeerbeershi aba jeeda geeseagaaschi, ak niny gaygwashka buuneeda.

HEAREEGA 4:6

Aba gideaba riing'eeda huda fugeasu aahaw, ea ghang'al lasooda Sodoma, ghayi sinung' goosha aba geeshangiga, ak ea manda geatinda siyiin uhuuda.

DANIELI 11:12

Iidu nea siing'waay eemeetuw, gayghaghwar geaw gurooroadaanyi, ak ghabwar lugooda nyiit sagalamnyooji niba damanamughuush, ak ea mwashing'na jooriischoadaanyi.

DANIELI 11:45

Ak gayghamiinaada maheemajeagaaschi hees bea sugoocheanduumeeda dageascheeda basooda ea giijeeda ghaambiidaat ghaydit; ak gayghami, nea manda siida jea ghaweat.

DANIELI 7:26

Ak gaygoobiitpiit girgweageeda ak gooji girgweageeda, ak gheambalmeadaanyi gajeegeanda, ak geenyarja ea gwaduulean.

DANIELI 7:8

Hean geang'ulayi gujaka, ak ging'ulayi, ak gwarina dageascheeda nyaawa gujaweeda nuut, mwanang', nea madeeda gwanda gujaw samwagu bea gea gwachi bea madeeda ak geelootu gumsheaka; ak ging'ulayi, gujaweeni gwandeawa gheanyaga uurji gea siida, ea ghuuta rukuuna ng'asheega hees.

DANIELI 8:11

Iissa goodiing'u geaw ak gafool eara fuga ambaliischi bea lugooda humng'eeda; ak geegeandeawa haleanjeeda sisabwa geadi bea ghadooweeda, nea heeda abiita ghaydit geenyarja.

DANIELI 9:25

Asi nala ak gijeeng'u gideaba gidang'eada damanda sirukuna ng'asheanda jea eebiiksiina deesta Yerusalemu ea ghwahidu siida simwaar, jea ghoah sugoocheanda, gayghang'ata wiikaji ispwa niba gweanyeew ispwa. Ak abeeda wiikaji laadam ea iyeenya gajeebiikta eadeas gicha nea geesin naweadinga ea maparoojiga, aba damanda sawanadeeda.

Gadiyeeda Giijasoodiga 12:23

Deagheata ghwalasta malaykajeanda Ng'utamiida, aba gideaba moaghaambiida ASEETA; ak ghwaak ghuughuutka ea ghami.

2 Desaloniikke 2:3

Asi adagwareenganeegwa sih aba gida wassean; aba gideaba eaweedida mayghwahidu, ea ghanyi gooshoohu mwadi heeheeweega, ak abeeda geatahaach siidida was roodaneeda, was orjeeda roodaweegean,

2 Desaloniikke 2:8

Abeeda diita mandeawana deaweedean gajeatahaach, ak abeeda gaygwanuus Ng'utamiida was Yesu aba aroosta ghuutaanyi ak gwanyarja niny aba deaktaanyi ea hinoadaanyi.

Giidaheechta 17:14

ak suh gaygang'uchi sea Dayeenda Gisilleanda, ak gayghwajoar Dayeenda Gisilleanda saawa, aba gideaba niny Ng'utamiida ng'utamoojiga gil ea Sugoocheanda sugoodiga, ak suh mideawa ninyiin ea gea geeguursa gea siloat ea gea doobiiweadi.”

Giidaheechta 19:16

Ak badayda hang'daanyi ea gibeestaanyi geeng'oorsa, gheawunga Sugoocheanda sugoodiga ea Ng'utamiida ng'utamoojiga.