DANIELI 7:18 - Bibliyeeda Ghaydit

¹⁸ Nea fuga ghaydidi bea ASEETA Haw bea Humng'eeda gayghwanyas sugoocheanduumeeda, ak goombal ng'eanyiida damanda manda muudeanooda, maygamuudean.’

DANIELI 7:18 Mawu Ofanana

NYIIGHEEGA 45:16

Hoorgeeda ghweanigaagu gaygwanda orjoagaagu; gaynung' ghoah fuga hees aba darooraka sean.

NYIIGHEEGA 49:14

Gawuurji gisilga sirarsa gheeda maloonghajeega; ak gayghoah miyeeda jeagiischoocheanda nyaawa; fuga doobiiweadi gaygoombal saawa damanda lamwajaadawa gwararang'eesa bung'eeda, nea ratooda nyaawa gaygoosha; nea gheeda maloonghajeega gayghoah gheanyaawa.

ISAYA 14:2

Fuga eemoojiga gayghaweat fuga Israeli gabiikta ng'eanyiida ghayi adaw NG'UTAMIIDA. Ak aba hoowa gaygagadiiyeesa fuga Israeli gawuurji soomjooga gadeemga ea headiga. Ak fuga ghayi abaleak gayghoah fuga ng'uta aba heeda fuga ang'waay ak gaygoombal fuga ghayi ghabwas.

DANIELI 7:14

Ak geataw niny gheambalmeeda ea gharbeeda ea sugoocheanduumeeda, ak abeeda buuneesean, ea eemoojiga, ea iidiga eemoojiga gaygagadiyeesa; nea gheambalmeadaanyi ea gheambalmeeda manda muudeanooda, nea sugoocheanduumeadaanyi manda muudeanooda, nyooh ea mayghang'ata, ea mwoamu eenyarja.

DANIELI 7:17

‘Diyeang'su asang'wan heesiin sugoodi ang'wani jea ghwahidu jeeda ng'eanyiida.

DANIELI 7:22

ak ghwahidu siida mideawa eaweega manda muudeanooda ak gwasin girgweageeda fuga ghaydidi bea ASEETA Haw bea Humng'eeda, ak ghwahidu damanda jea gheang'waanya fuga ghaydidi sugoocheanduumeeda.

DANIELI 7:25

Gaygwargu ng'asheega munyas aba badayda ASEETA Haw bea Humng'eeda, nea gwasawana fuga ghaydidi bea ASEETA Haw bea Humng'eeda, ak gayghwayam damanda ea deaweeda; ak gajeayiin geatindaanyi gilinuwaas, ea damanyooji iyeenya, ea gheadi mwahita damanda.

DANIELI 7:27

Nea sugoocheanduumeeda ea gheambalmeeda ea hawunda sugoocheanduumajeega mida hing'eadayda humng'eeda gajeataw fuga ghaydidi bea ASEETA Haw bea Humng'eeda; abeeda sugoocheanduumeeda nyaawa gajea sugoocheanduumeeda manda muudeanooda, abeeda gheambalmoojiga sean gaygagadiyeesa saawa nea gwasissa mureeda.’

OBADIYA 1:17

Nea aba uhuuda giijeeda Sayuni gaygwanda fugiga ghayi waptaan, ak gajea ghaydit; nea gheeh Yakobo gaygoombal ng'eanyiida nyaawa.

Lukka 1:33

nea gayghoahaaghwa gheeh Yakobo ea ghoah gweanyeeka manda muudeanooda; nea sugoocheanduumeadaanyi ea maygwanda muudeanooda.”

1 Goriinto 6:2

Moanali gideaba fuga ghaydidi gaygoorgweaksa ng'eanyiida? Ama abeeda ng'eanyiida iijea oorgweaksiina agooga, abeeda ea moahiidi iyoorgweaksi ng'asheega manang'i?

Efeeso 1:3

Ghawooda gaba ASEETA ea Bwaabeeda Ng'utamiideanya was Yesu Gristo, ghayi gooneasa ghawooda aba jeeda Gristo aba giliwas ghawooda guroorooda aba darooraka humng'eedean,

Efeeso 6:12

Aba gideaba ng'ucheedeanya maba saseeda ea foojeanda gaba badayda sugoocheanduumeeda ea gheambalmeeda aba badayda fuga ambaliischi bea jeedeaba misaneani, aba badayda shirikareeda meangeenda munyas aba jeeda darooraka humng'eeda.

Giidaheechta 20:4

Hean ghaadaayi hoorgajeega gheambalmeeda, nea goobiitbiida badahuuka fuga jea goorgweach. Ak ghaadaayi gurooruunatka fuga ghayi silajaada gheatkweaka aba badayda muuwuunooda Yesu ea aba badayda ng'asheanda ASEETA, ea giika ghayi mii ghaghadoawan diyeaydideaniin ghana gidida siratiidean nea miighwanyas giirooraneadaanyi aba gheamamuunatka nyaawa, ghana geatinga nyaawa. Ak gwaduutu, ak goombaliischi sea Gristo gweanyeew sagalam.

Giidaheechta 22:5

Ak ea maygudugwanda eaweeda; nea magasa weeshinda gheaboong'nyeanda ghana aseeta aba gideaba Ng'utamiida was ASEETA gayghoah weeshinda nyaawa, saawa gaygoombaliischi ea ghoah damanda manda muudeanooda.

Giidaheechta 3:21

Siida jooriischi gaydanung' goopteada nea geendeayi aba uhuuda hoorgeedeanyu bea gheambalmeeda, gawuurji gideajooriischeati ak geapteadi sea Bwaabwa aba uhuuda hoorgeadaanyi bea gheambalmeeda.

Giidaheechta 5:10

ak ginung' ghwanyas sugoocheanduumeeda ea ashoohoodiga aba heeda ASEETEANYA, nea saawa gaygoombal ng'eanyiida.”