DANIELI 7:14 - Bibliyeeda Ghaydit

¹⁴ Ak geataw niny gheambalmeeda ea gharbeeda ea sugoocheanduumeeda, ak abeeda buuneesean, ea eemoojiga, ea iidiga eemoojiga gaygagadiyeesa; nea gheambalmeadaanyi ea gheambalmeeda manda muudeanooda, nea sugoocheanduumeadaanyi manda muudeanooda, nyooh ea mayghang'ata, ea mwoamu eenyarja.

DANIELI 7:14 Mawu Ofanana

NYIIGHEEGA 102:22

geeyi bwak ama bwatgeat eemoojiga, ea darooraka ak ghabwat NG'UTAMIIDA.

NYIIGHEEGA 103:19

NG'UTAMIIDA niyiin hoorgeadaanyi ghaambiidaat humng'eeda, nea sugoocheanduumeadaanyi goombal haleanjeeda sean.

NYIIGHEEGA 145:13

Sugoocheanduumeadaanyi sugoocheanduumeeda manda muudeanooda, nea gheambalmeadaanyi gaygoobiida aba seaygoojiga sean. NG'UTAMIIDA ea doabiiwaat aba ng'asheagaaschi sea, ak gwandeawa bariinyeega aba gadiyoojigaaschi sean.

NYIIGHEEGA 146:10

NG'UTAMIIDA gaygoombaliischi damanda manda muudeanooda, ASEATAANG'U gil, Ea Sayuni, ea ghoah seaygoojiga sean. Eeduumsheesiina NG'UTAMIIDA!

NYIIGHEEGA 45:6

Hoorgeadaang'u ghaambiidaat goonyi ASEETA gayghwashng'u damanda manda muudeanooda. Bileangidaang'u bea sugoocheanduumeadaang'u bileangida doobiiwnata;

NYIIGHEEGA 72:11

Asi datkunya sugoodiga sean aba madeadaanyi, ak ea dagadiyeesiina eemoojiga sean niny.

NYIIGHEEGA 72:17

Gheawungaaschi deabiidana damanda manda muudeanooda, weeshindaanyi deaboong'na ea gawuurji aseeta. Aba niny gayghwanyas eemoojiga sean ghawooda, ak gaguura eemoojiga sean dea sibadiischeesa!

NYIIGHEEGA 8:6

Ak giimbiidi goombal gadiyoojiga geatingaagu; ak giyiini haleanjeeda sean jeeda gheambalmeadaanyi,

ISAYA 16:5

Ak hoorgeeda sugoocheanduumeeda gajeemajeek aba baydeayda, ak gaygoopteadawa siyagi aba huumeanda aba jeeda maheemajeanda Dawdi nea goorgweachi nea gagasa muuchi gea doobiiweadi ak ea wusis aba sinooda gea doobiiweadi.”

ISAYA 60:12

Aba gideaba gilinyoo ea eemoojiga gil ea sugoocheanduumeeda buuneeda gea magasa gagadiyeeseey gajealas uhuuda; Asaha eemoojisu gajealas uhuuda.

ISAYA 9:6

Aba gideaba siji baleanda aba badahuukaasa, sigooneasa baleanda was baleanda; ak niny ghoamu sugoocheanduumeeda, ak gajeeguura gheawungaaschi “Siida argweakiisa buuneeda daamdaamwaat, ASEETA hoauur, ghweanda manda muudeanooda, Sugoocheanda mideawa hoyyoo.”

ISAYA 9:7

Uurda sugoocheanduumeadaanyi gaygawa mwadi nea gwaheedu nea sugoocheanduumeadaanyi gaygaba hoyyoo galeagasean. Aba hoorgeeda Dawdi, nea sugoocheanduumeadaanyi gaygoomajeek nea gawa mwadi aba girgweaksiinda ea doobiiwnata ghang'eada ghamneawa ea ghoah damanda manda muudeanooda. Suh seaniin gaygwashiisa ghaang' NG'UTAMIIDA lugweega.

DANIELI 2:35

ak geehirjeaweada gharinyeanda, ea sheang'weeda, ea shaaba, ea lapiya, ea dahaabu, geehirjeaweada sean, ea gawuurji mbarariida geayda sing'aal ea ghoah dearanga; ak ghwaat jeameeda, ak ea manda heeda jea eanyasa. Nea lagheaneedida nyarja sanaamuun ghoah giijeeda haw ak ghoanyiit ng'eanyiisean.

DANIELI 2:37

Asi, ang'iing'i Ea ng'utamiida, sugoocheanda sugoodiga, was ASEETA humng'eeda goona gheambalmeeda, ea uurda ea hawunda, ea giigheambiita,

DANIELI 2:44

Nea aba damandeaba sugoodisu gayghamiinda ASEETA humng'eeda sugoocheanduumeeda nuut majeamu eayam, ghana eenung'usa gheambalmeadaanyi fih suuk. Ak gaygwanyarjeaweada sugoodisu seaniin ea goosha, ak gaygoobiida sugoocheanduumeeni damanda manda muudeanooda;

DANIELI 3:4

Ng'ata ghamiinaada siida ak gwarukusa buuneeda ng'asheega nea goojuur nea gwayi, “Geerukuneegwa, Ea buuneeda, ea eemoojiga, ea iidiga eemoojiga,

DANIELI 4:3

Gwadeenachaan heesinyeeka gwadeagwajeagaaschi, ak gwadeenachaan ng'asheagaaschi deamdeameadi! Sugoocheanduumeadaanyi sugoocheanduumeeda manda muudeanooda, gil nea gheambalmeadaanyi ghang'eada seaygeeda ea ghwahita seaygeeda.

DANIELI 6:26

Aniini ghaarachi diigheanda, bea gideaba aba jeeda gheambalmeedeanyu sean gagasa ghaboadan buuneeda nea ghabeal aba madeeda ASEETA Danieli, aba gideaba niny ASEETA mideawa eaweega, mida damanda manda muudeanooda; sugoocheanduumeadaanyi majeamu eenyarja, nea sugoocheanduumeadaanyi gaygwanda ea ghwahita huuydeanda.

DANIELI 7:18

Nea fuga ghaydidi bea ASEETA Haw bea Humng'eeda gayghwanyas sugoocheanduumeeda, ak goombal ng'eanyiida damanda manda muudeanooda, maygamuudean.’

DANIELI 7:27

Nea sugoocheanduumeeda ea gheambalmeeda ea hawunda sugoocheanduumajeega mida hing'eadayda humng'eeda gajeataw fuga ghaydidi bea ASEETA Haw bea Humng'eeda; abeeda sugoocheanduumeeda nyaawa gajea sugoocheanduumeeda manda muudeanooda, abeeda gheambalmoojiga sean gaygagadiyeesa saawa nea gwasissa mureeda.’

OBADIYA 1:21

Fuga ghuh gaygaweay Giijeeda Sayuni ak goombal Giijeeda Esawu; abeeda sugoocheanduumeeda gaygaba NG'UTAMIIDA.

MIKA 4:7

nea gea badoojiga gaydanung' ghoah gheaptanga; nea gea sijakta ghoah eemeeda mideawa uurda; ak goombal NG'UTAMIIDA saawa aba giijeeda Sayuni ghang'eada ghamneawa ea ghoah damanda manda muudeanooda.

Mattayo 11:27

Nigoonan Bwaabwa haleanjeeda sean. Manda siida nal Orjeeda geaghus Ghweanda, ghana siida nal Bwaabwa geaghus Orjeeda ghana siida wassean gasa Orjeeda goohiimsa.

Mattayo 28:18

Ghwaan Yesu heanyaawa ak goobalool ak gwayeesha, “Sigoonan gheambalmeeda sean aba humng'eeda ea ng'eanyiida.

Lukka 1:33

nea gayghoahaaghwa gheeh Yakobo ea ghoah gweanyeeka manda muudeanooda; nea sugoocheanduumeadaanyi ea maygwanda muudeanooda.”

Lukka 10:22

Haleanjeeda sean nigoonan Bwaabwa; ak ea manda siinal Orjeeda geaghus Bwaabwa, ak ea manda siinal Bwaabwa geaghus Orjeeda ea siida wassean gasa Orjeeda goohiimsa.”

Yohaana 12:34

Hean ghwasha eemeeda ak gwayeesha, “Aseasa gwarukuneasa deaweeda gideaba Gristo gayghwashng'u eaweega manda muudeanooda. Abeeda ghoamuustiin gideaba gajayeena Orjeeda siida gajeetiing'da humng'eeda? Orjeeni bea siidean ng'eaha?”

Yohaana 3:35

Bwaabwa ghabwariiy Orjeeda, ak ea niyiin haleanjeeda sean geatindaanyi.

Ebraniya 12:28

Asi eahuuwa fuga mideawa badiischooda aba nyasooda sugoocheanduumeeda majeetuumduum, ak geatawji ASEETA ghadoowanda huumwa, aba mureeda ea mooshta ghawooda;

1 Betro 3:22

nea niny ea nuwa humng'eeda ak gwanda meatkweeda geatinda dugwa bea ASEETA, sea malaykajeega, ea gheambalmeeda, ea uurda ak gagadiiyeesa niny.

Giidaheechta 1:6

ak gagoaneasa sugoocheanduumeeda, ak geahuuyi ashoohoodiga aba heeda ASEATAANYI ea Ghweanda, giigheambiita daanyi ea sugoocheanduumeeda ea ghoah damanda manda muudeanooda. Amin.

Giidaheechta 11:15

Ghaghuut durumbeateadaanyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoocheanduumeeda ng'eanyiida goola ghoah sugoocheanduumeeda Ng'utamiideanya ea dea Gristoydaanyi, ak gaygoombaliischi ea ghoah damanda manda muudeanooda.”

Giidaheechta 17:14

ak suh gaygang'uchi sea Dayeenda Gisilleanda, ak gayghwajoar Dayeenda Gisilleanda saawa, aba gideaba niny Ng'utamiida ng'utamoojiga gil ea Sugoocheanda sugoodiga, ak suh mideawa ninyiin ea gea geeguursa gea siloat ea gea doobiiweadi.”

Giidaheechta 3:21

Siida jooriischi gaydanung' goopteada nea geendeayi aba uhuuda hoorgeedeanyu bea gheambalmeeda, gawuurji gideajooriischeati ak geapteadi sea Bwaabwa aba uhuuda hoorgeadaanyi bea gheambalmeeda.