DANIELI 7:13 - Bibliyeeda Ghaydit

¹³ Ak ghaadaayi aba jeeda giirgweatka eaweeda, asi ng'ula, aba jeeda shamooghuutka humng'eeda ghwaan siida uurji orjeeda siida ak gawa heeda siida ghayi mideawa eaweega damanda manda muudeanooda ak geeyeadu ea ghwahidu madeadaanyi.

DANIELI 7:13 Mawu Ofanana

NYIIGHEEGA 110:2

NG'UTAMIIDA gaygoojeakna Sayuni bileangidaang'u mideawa uurda, ak gajambaliischeena aba bugusta weajoodigaagu!

NYIIGHEEGA 2:8

Musean, ak gaydagoonyi eemoojiga jea hearana, nea giimbali muudeanooda ng'eanyiida ghoah daang'u.

NYIIGHEEGA 47:5

ASEETA nidiyeada nea ghwanyaashaadawa hooseaneega, NG'UTAMIIDA aba nyeashta durumbeati.

YEREMIYA 49:19

Ng'ula, gaygwascheeng'deayda ng'adiida leabu dareabeeta Yordani ak gawa heeda haghweeda miy nih gichea dahoanda Edomu nea geashamnyi gil; ak gaydanung' ghoahaaghwa eemeeda siida jea daloat. Aba gideaba neada gawuurjeewean ng'eaha? Ak gayghoamu ng'eaha goorgweaksean? Ak ea ana jeagiischoochean gil dea ammu ghamiinaada aba madeedeanyu?

ESEKIELI 1:26

Nea uhuudeaba humng'eedida mida iheenga nyaawaan, abeeda gwanda giduurji hoorgeeda gheambalmeeda, nea oormeadaanyi gameaji ea oomu, nea uhuudeaba hoorgeedida bea gheambalmeedean, gwanda gida ama sidaah gawuurji siida.

DANIELI 2:44

Nea aba damandeaba sugoodisu gayghamiinda ASEETA humng'eeda sugoocheanduumeeda nuut majeamu eayam, ghana eenung'usa gheambalmeadaanyi fih suuk. Ak gaygwanyarjeaweada sugoodisu seaniin ea goosha, ak gaygoobiida sugoocheanduumeeni damanda manda muudeanooda;

DANIELI 7:12

Gawuurji giduurji aba heeda diyeanga suurja, gageanda gheambalmeeda nyaawa, nea eaweega nyaawa geekeawiidi ea ghwahita damwan.

DANIELI 7:2

Gwayi Danieli, “Ghaadaayi eawa aba jeeda giirgweatka, ak ging'ulayi, jeameeda gooyuuk meadajeega sean bea ng'eanyiida ak gooyuuk basooda.

DANIELI 7:22

ak ghwahidu siida mideawa eaweega manda muudeanooda ak gwasin girgweageeda fuga ghaydidi bea ASEETA Haw bea Humng'eeda, ak ghwahidu damanda jea gheang'waanya fuga ghaydidi sugoocheanduumeeda.

DANIELI 7:9

Iidu nea ghaang'weardi, geejip hoorgajeega ak goopteadawa hoorgeanagi siida ghayi bay gwanda damanda manda muudeanooda; nea hang'weakaaschi eaeeshish ea ghawaar gapkeanda, nea buudeega uhuudaanyi ghawaar buudeega miyaasiin bea gisilleanda; hoorgeadaanyi gwandeawa ng'ushapta beasta, geeshangaaschi ea beasta yeat.

DANIELI 8:15

Hean aniini, Danieli iyaadaayi giirgweatka, geagasayi danal gidawas; ak ging'ulayi, ghamiinaada aba madeedeanyu akaleala uurji siida.

Mattayo 13:41

Orjeeda Siida gaygoojeagu malaykajeagaaschi, ak ghoawaam aba jeeda sugoocheanduumeadaanyi haleanjeeda sean eadu riing'eeda ea fuga sean sina ng'asheega munyas.

Mattayo 24:30

ng'ata gajeadaah gwadeagooda Orjeeda Siida aba humng'eeda, abeeda eemoojiga sean bea muunda ng'eanyiida gaygagutu heareega iidaah Orjeeda Siida nea ghwaan aba badayda shamooghuutka humng'eeda nea gwandeawa uurda ea giigheambiita haw;

Mattayo 25:31

“Damanda jea ghwahina Orjeeda Siida aba jeeda giigheambiitaanyi, nea goodeana malaykajeega, hean gaygoopteada aba uhuuda hoorgeeda giigheambiitaanyi.

Mattayo 26:64

Gwayeesha Yesu niny, “Girgu ang'iing'i. Asi gaydayeeshiineegwa, ghang'eada ghamneawa gajadaaha Orjeeda Siida nea goopteada aba meatkweeda geatinda dugwa hoauur, nea ghoana badayda shamooghuutka humng'eeda.”

Mattayo 28:18

Ghwaan Yesu heanyaawa ak goobalool ak gwayeesha, “Sigoonan gheambalmeeda sean aba humng'eeda ea ng'eanyiida.

Mattayo 8:20

Gwayeesha Yesu, “Fureayoonga gwandeawa shoomeanga, dariidaka gwandeawa ghoorajeega; nea Orjeeda Siida ea mandeawana heechea ghwayiin uhuudaanyi.”

Marko 13:26

Ak gajeadaah Orjeeda Siida nea gwashuubeanda jeeda shamooghuutka nea gaygwandeawa uurda haw ea giigheambiita.

Lukka 21:27

Ak gajeadaah Orjeeda Siida nea ghoana jeeda shamooghooda nea gwandeawa uurda ea giigheambiita haw.

Lukka 21:36

Asi agooga afura geat galeagasean, nea ghoamwaashchi ASEETA gagooneegwa uurda jea oataraamwa ng'asheesu sean jea gapnuun, ea aminaada aba madeeda Orjeeda Siida.”

Lukka 24:27

Hean ghoang'eada Musa ea sibanga sean, ak gwarukusa saawa ng'ooruutka sean bea ng'asheega badaydaanyi.

Yohaana 12:34

Hean ghwasha eemeeda ak gwayeesha, “Aseasa gwarukuneasa deaweeda gideaba Gristo gayghwashng'u eaweega manda muudeanooda. Abeeda ghoamuustiin gideaba gajayeena Orjeeda siida gajeetiing'da humng'eeda? Orjeeni bea siidean ng'eaha?”

Yohaana 3:13

Manda siida ghayi nidiyeada ea gawa humng'eeda geaghus Orjeeda Siida ghayi rarang'aana humng'eeda

Yohaana 5:27

ak gabiissa ghoadaw gheambalmeeda jea goorgweaksiina buuneeda, aba gideaba niny Orjeeda Siida gil.

Gadiyeeda Giijasoodiga 7:56

Ak gwayi, “Ang'ula, ghaadaayi humng'eeda nea ghwajaada, nea Orjeeda Siida ghamiinaada aba meatkweeda geatinda dugwa bea ASEETA.”

1 Desaloniikke 4:17

hean abeeda aseaseeda siwooschi majeekcheewiin, sihuuydeanyiin, gajeesealdaneasa sea saawa aba jeeda shamooghuutka, ak geadeapti Ng'utamiida aba heetiyeada; ak abeeda gajeendeawana Ng'utamiida galeagasean.

1 Dimotteo 6:16

niny nea gaba geaw mayghami ak gwanda jeeda weeshinda majeeneekiisa ak ea manda siida nidaah ak ea manda siida ammu ghwadaa. Mureeda ea uurda daanyi gil ea ghoah eaweega manda muudeanooda! Amin.

Ebraniya 2:14

Gwasunu eara diibiga gaguuyi saseeda ea foojeanda, gwasunu eara niny gwandeawa saseeda uurji nih, ak aba naweeda miyeeda abeeda ghwadatas diita mideawa uurda miyeedean, nea meang'nyeandeenda,

Ebraniya 9:24

Aba gideaba Gristo nuwa jeeda, mii gideaba gawa heeda ghaydit sisna geatinga gil, niny gawuurji sea diita bea huumwaan, niny gawa humng'eeda huumwa, ak ghamneawa ghwahidu nea gawuurji ASEETA aba badahuukaasa.

Giidaheechta 1:13

ak ghaadaayi aba dang'adigeaba hoorgajeegiga siida uurji orjeeda siida, nea nishuup hang'da gulng'eanyi, ak ea nirassa daghataanyi inyeashta sisna dahaabu;

Giidaheechta 1:18

ghayi ghaameayi, ak ging'ulayi geawooschi majeek; ghayi ghaameayi, asi ng'ula geawooschi majeek damanda manda muudeanooda, ak geandeawi gisiitina gidaghuuta Miyeeda ea Gheeda maloonghajeega.

Giidaheechta 1:7

Ng'ula, ghwaan nea goodeana shamooghuutka, ak gayghwadaah niny giliwas gheang'da, ea giliwas sih ghayi ng'ut niny; ea eemoojiga sean bea ng'eanyiida gaygagutu heareagaaschi. Asaha. Amin.

Giidaheechta 14:14

Hean ghaang'weardi ak ghaadaayi shamooghooda eesh, nea uhuudeaba shamooghooni goopteada siida uurji orjeeda siida, nea uhuudaanyi gwanda shiipka dahaabu, nea gwanda geatindaanyi barda ng'aniip.