DANIELI 6:4 - Bibliyeeda Ghaydit

⁴ Muchu gagasa sugoodiga hees ea fuga hees gichea eaniigha aba badayda Danieli aba gida ahaaghwiita ng'eanyiida; ak ghwaraay ghwanyas gichea gwadiing'sa iheenga ghana ramaseanda, aba gideaba ea doabiiwaat, ak ea meanyasana ramaseanda ghana giidiinyeanda.

DANIELI 6:4 Mawu Ofanana

GIING'EETA 41:38

Ng'ata gwayeesha Farao sugoodigaaschi, “Geamuuschi eanyasa siida sunu mideawa Guroorooda ASEETA?”

GIING'EETA 43:18

Hean siyaat buuneeda jeeda gheeh Yosefu ghabeal nea gwayi, “Nih gwadeepa ea ng'asheega lapiyeeda siyiin jeesinga mushoodakaasa damanda ghayi bea madeeda, ak ghoah gisiyeaseasa jeeda gheeda, ak abeeda gang'adeeseasa ak ghabwareasa, ak ghwanung' eahuuwa giing'oonyanga ak ghoang'waay digeenigaasa.”

GHWASIILDEANGA 29:27

Dararoocheanda sicheeda gil aba heeda fuga doobiiweadi, nea siida doabiiwaat ea sicheeda gil aba heeda fuga munyas searooji.

REEKUSIINDA 4:4

Ng'ata geasikteawi gadiyoojiga sean ea fugheerga sean sisna gadiyeeda gwaleabu geawunda gheang'da siida aba heeda giischeewoocheandaanyi. Eara nih marachi gil ea hoanda jeameeda.

YEREMIYA 18:18

Ng'ata gwayi saawa, “Apkaani, eaghasa Yeremiya, aba gideaba majearamasa ashoohoocheanda jea ghoanaaleasa digheanyeeka, ea girgweaguutka aba heeda fuga bareahi iheeni, ghana ng'asheanda jea gwaleabu heeda sibaneeda. Apkaani, eahaakta aba ng'asheega ghuutaanyi, nea adiidu geeshageachi ng'asheagaaschi.”

YEREMIYA 18:23

Ea NG'UTAMIIDA, ang'iing'i ginali girgweaguutka nyaawa bea nuusteanyu. Adiidu gisamsi giidiinyeanyeeka nyaawa, ak ea adiidu giihuuni riing'eega nyaawa aba madeadaang'u. Gagasa eehuuyda aba madeadaang'u; Huuyda goosha aba nyarastaang'u.

YEREMIYA 20:10

Gwanda fuga aayiinyi nea ghwaak badaydeanyu. Gwanda muuwda meatkwajeega sean! “Oahaakta niny! Anung' Eahaakta!” Ng'asheesu gwarugu fuga earooroocheewi, nea goomuuku giibeedeaydeanyu. Ak gwayi, “Gwadeepa ghamwas eayaak gheanyanga, ak abeeda gajeajoar, ak geawaldi mureandooda aba headaanyi.”

YEREMIYA 29:7

Agasa nyageadayda aba jeeda mujiineeda aayaadeegwa ghealooniga, amoasha NG'UTAMIIDA aba badaydeaba mujiineani, aba gideaba iinyas nyageadayda eara agooga gajanyagaada.

DANIELI 3:8

Hean aba damandida gayghapka fuga mwaatkwa bea Galdayo ak ghwaak badahuuka fuga Yahudi.

DANIELI 5:12

aba gideaba gwandeawa guroorooda miy ea nalooda ng'asheega, ak ghwanal gwaroobu giirgweatka, ak ghoamu gwarugu ghwasiildeanga, nea ghoamu ghaweat sawanaduutka geaghus Danieli, ghayi guura sugoocheanda Belteshasa. Asi nung' eeguursa Danieli, ak gaygwargu gidawas.”

DANIELI 6:22

Goojeagu ASEETEANYU malaykajeandaanyi ak ghwarat ghuusiga ng'anyeeka, ak ea mii gwahindanaan gil, aba gideaba geadaah gideaba meandeawani giidiinyeanda aba madeadaanyi; ea aba madeadaang'u, Ea sugoocheanda, aniini mii deadiiy.”

Mattayo 26:4

Gabaloola gichea ghoang'waayda Yesu aba seachta ak geenuus.

Mattayo 27:18

Ghoanyaashtaaydunu nea ghwanal gideaba geayaat headaanyi aba lachng'eanyiida.

Lukka 20:20

Inyeesa geasaach niny nea geegasa gheata miy ak geecheakta fuga hinda geat fuga doobiiweadi, eanyas gheata gichea eaghasta aba ng'asheesu ikaaschiin, ak geayiin geatinga sugoocheanda haw ahaaghwa ng'eanyiida.

Lukka 20:26

Hean gearaay gichea eang'waayda aba ng'asheagaaschi aba madeeda buuneeda; ghahamng'eanyi buuneeda aba gida shaayda ng'asheega ak ghwasiinda sean.

Lukka 22:2

Nea ashoohoodiga hees ea ng'oorshoodiga abeeda gwanda jeeda gasooda gichea ghoang'waayda ak gwanuus; ak iidu ghoawal buuneeda.

Yohaana 19:4

Gabiikta Bilato jarooda ak gwayeesha saawa, “Adaaha gearuudu siisi jarooda aba gideaba aniini mwaadaahi giidiinyeandaanyi.”

2 Goriinto 11:12

Nea gideagasayi dasin gaydasin, ak abeeda ghabwaanyi ng'asheegeaba fugiga gasa aba jeeda gadiyoojiga nyaawa bea ghwarjeedean gwasinda gadiyeeda gidasisindi aseasa.

Filippi 2:15

ak ea meerukunana badahuukeagwa ng'asheega munyas nea ghoahuuyi fuga manda giidiinyeanda, diibiga ASEETA meerukunana badahuuka ng'asheega munyas mida bugusta seaygeeda gwaneadi bea ng'ooweata, ak ghoayeati weeshinda, aba jeenyaawa aba jeeda ng'eanyiida,

1 Dimotteo 5:14

Asi aniini geagasayi masinung'weega was gadeemga manang'i eegeena, ak gwaji diibiga ak goombal gealga nyaawa, aba gideaba ea mwanyasa weajoocheanda gheata habearga aba badahuuka nyaawa.

Ditto 2:8

nea ng'asheega sirugu bea huumwa ea meeyeateena ghuusi, ak abeeda siidida heawaan ghabwaspwas, aba ng'asheanda muy jea gwarukuna badahuukaasa.

1 Betro 2:12

Andeawana searoojiga miyaasiin aba jeeda Eemoojiga, aba gideaba iisinapsa badahuukeagwa ng'uyeega gideaba goosinyi ng'asheega munyas, hean iing'ula sinaweegeagwa miyaasiin ghoaghaambiit ASEETA eaweeda jea ghwahina.

1 Betro 3:16

nea ghoanung' gamiyeasiidi fughareengeagwa, ak abeeda iisiipwaaspwaaseegwa, abeeda fugiga ang'eawi alooheedeang'wa aba jeeda Gristohiin abeeda geanung' ghabwaspwas,

FUGA LAJA GIRGWEAGUUTKA 14:4

Nea abeeda ghwaan ea ghaamwat ea mii ghwanal gideaba ng'asheanji gaba NG'UTAMIIDA; aba gideaba gagasa ng'ooweata aba heeda fuga Filisti. Nea aba damandida fuga Filisti goombali Israeli.

1 SAMWELI 12:4

Ak gwayi saawa, “Ang'iing'i mii areadeasa gil ghana sawaneasa ghana geanda gida wassean aba geatinda siida wassean.”

1 SAMWELI 18:14

Ak ghwanyagaada Dawdi aba ng'asheega sean nyooh gwasin; aba gideaba niny gwandeawa NG'UTAMIIDA.

1 SAMWELI 22:14

Hean ghwasha Ahimeleki ghuuta sugoocheanda ak gwayeesha, “Ak gajea ng'eaha aba jeeda fugaagu sean bea gadiyeeda dea doabiiwaat ea gawuurji Dawdi, was orjeeda agweaji sugoocheanda, ak ea shirikarajeanda haw ambal siidaang'u furnyi, ak geawal gheang'da aba jeedeaba gheang'u?