DANIELI 6:26 - Bibliyeeda Ghaydit

²⁶ Aniini ghaarachi diigheanda, bea gideaba aba jeeda gheambalmeedeanyu sean gagasa ghaboadan buuneeda nea ghabeal aba madeeda ASEETA Danieli, aba gideaba niny ASEETA mideawa eaweega, mida damanda manda muudeanooda; sugoocheanduumeadaanyi majeamu eenyarja, nea sugoocheanduumeadaanyi gaygwanda ea ghwahita huuydeanda.

DANIELI 6:26 Mawu Ofanana

ESRA 1:3

Ak gilinyoo ea sih gil mida jeedeang'wa oowooschi sean fugaaschi, gagasa goobiida ASEATAANYI headaanyi, ak ea dascheang'da ea gawa Yerusalemu, mida ng'eanyiida Yuda, ak gabiikta ghwadeas gheeda NG'UTAMIIDA was ASEETA Israeli niny ASEETA mida Yerusalemu gil,

ESRA 7:21

“Aniini Artashasta gil eawooschi sugoocheanda, geagoonyi diigheanda aba fuga sean adiiwi haleanjeeda mida Giigheawda Eenda: Gideaba gida wassean jea gagasa Esra aba heedeang'wa was ashoohoocheanda, ea ng'oorshoocheanda deaweedeeda ASEETA humng'eeda, asina aba uurda muuchi,

NYIIGHEEGA 119:120

Saseadeanyu ghaboadan aba gheawalmeadaang'u, ak aniini ghaawalli girgweaguutkaagu.

NYIIGHEEGA 146:10

NG'UTAMIIDA gaygoombaliischi damanda manda muudeanooda, ASEATAANG'U gil, Ea Sayuni, ea ghoah seaygoojiga sean. Eeduumsheesiina NG'UTAMIIDA!

NYIIGHEEGA 2:11

Agadiyeesiina NG'UTAMIIDA nea ghoabwachi, Asarmasiina nea ghoaboadanyi,

NYIIGHEEGA 29:10

NG'UTAMIIDA goopteada aba badayda roopta haw; NG'UTAMIIDA goopteada aba uhuuda hoorgeeda gheambalmeeda ghoah sugoocheanda damanda manda muudeanooda.

NYIIGHEEGA 42:2

Gurooroodeanyu gwayeesa muwoash ASEETA, was ASEETA majeek Gaydoan eeju ak geadaahan aba madeeda ASEETA?

ISAYA 66:2

Aba gideaba haleanjeeni seaniin geasinyi aniini, ak gwardu haleanjeeni seaniin, gwarugu NG'UTAMIIDA. Ak siisi ea siichea dang'ula gil, siida ng'eeni ak ea niduukuuna, nea iiyiiy ng'asheandeanyu ghang'ut muuwda.

ISAYA 9:7

Uurda sugoocheanduumeadaanyi gaygawa mwadi nea gwaheedu nea sugoocheanduumeadaanyi gaygaba hoyyoo galeagasean. Aba hoorgeeda Dawdi, nea sugoocheanduumeadaanyi gaygoomajeek nea gawa mwadi aba girgweaksiinda ea doobiiwnata ghang'eada ghamneawa ea ghoah damanda manda muudeanooda. Suh seaniin gaygwashiisa ghaang' NG'UTAMIIDA lugweega.

YEREMIYA 10:10

Ak NG'UTAMIIDA ea ASEETA huumwa, niny ASEETA mideawa eaweega gil nea ea sugoocheanda manda muudeanooda gil. Aba nyarastaanyi inyeesa gwasim ng'eanyiida nea eemoojiga ea mayghoamu ghoamuughu nyarastaanyi.

DANIELI 2:44

Nea aba damandeaba sugoodisu gayghamiinda ASEETA humng'eeda sugoocheanduumeeda nuut majeamu eayam, ghana eenung'usa gheambalmeadaanyi fih suuk. Ak gaygwanyarjeaweada sugoodisu seaniin ea goosha, ak gaygoobiida sugoocheanduumeeni damanda manda muudeanooda;

DANIELI 3:29

Asi gaydasin diigheanda: Fuga wassean, ea eemeeda, ghana ea iita jea gwarukuna ng'asheega munyas badayda ASEETA Shadraki ea Meshaki ea Abedinego gajealajaada damealga, nea geenyarjeaweada gealga nyaawa; aba gideaba manda aseeta nuut ammu gwalealdeaydunu buuneeda.”

DANIELI 4:3

Gwadeenachaan heesinyeeka gwadeagwajeagaaschi, ak gwadeenachaan ng'asheagaaschi deamdeameadi! Sugoocheanduumeadaanyi sugoocheanduumeeda manda muudeanooda, gil nea gheambalmeadaanyi ghang'eada seaygeeda ea ghwahita seaygeeda.

DANIELI 4:34

Muchu nea ning'ata gweanyeew ispwa geagatkachi gheanyangeasu aniineeda was Nebukadinesa dea geal humng'eeda, ak gabiigu fughareedeanyu, ak geabadiischeesi ASEETA Haw bea humng'eeda, ak ghaaghaambiichi nea geasisi mureeda dea mida damanda manda muudeanooda; aba gideaba gheambalmeadaanyi dea iissa ghwashng'u, nea sugoocheanduumeadaanyi iissa goobiida ghang'eada seaygeeda ea ghwahita seaygeeda;

DANIELI 6:20

Damanda neekiisiina shoomanda mida jeeda Danieli, hean goojuur muuchi ak gwayeesha Danieli, “Ea Danieli, siida gadiyeeda bea ASEETA mideawa eaweega, ASEATAANG'U ibadayi ghoamu gwalealnaneey heedeaba ng'anyeeksu?”

DANIELI 7:14

Ak geataw niny gheambalmeeda ea gharbeeda ea sugoocheanduumeeda, ak abeeda buuneesean, ea eemoojiga, ea iidiga eemoojiga gaygagadiyeesa; nea gheambalmeadaanyi ea gheambalmeeda manda muudeanooda, nea sugoocheanduumeadaanyi manda muudeanooda, nyooh ea mayghang'ata, ea mwoamu eenyarja.

DANIELI 7:27

Nea sugoocheanduumeeda ea gheambalmeeda ea hawunda sugoocheanduumajeega mida hing'eadayda humng'eeda gajeataw fuga ghaydidi bea ASEETA Haw bea Humng'eeda; abeeda sugoocheanduumeeda nyaawa gajea sugoocheanduumeeda manda muudeanooda, abeeda gheambalmoojiga sean gaygagadiyeesa saawa nea gwasissa mureeda.’

HOSEYA 1:10

Ak mooneeda fuga Israeli gayghwasaang'ayiita iseaskweanda ghuuta basooda, nea ea mwoamu eeroor ghana eeyiida. Aba heeda ghayi eeshiina ASEETA, “Agooga moowoosi fugeasu,” ak nea ghamneawa gwayeesha, “Agooga goowooschi diibiga ASEETA mideawa eaweega.”

MALAKI 3:6

“Aba gideaba aniini NG'UTAMIIDA meayami geaw; asi agooga, Ea orjooga Yakobo, nih gidamiyealasa uhuudeang'wa.

Mattayo 6:13

Adiigealeasa jeeda simsimda, ak giighuuhaneasa gidida muyiin.

Lukka 1:33

nea gayghoahaaghwa gheeh Yakobo ea ghoah gweanyeeka manda muudeanooda; nea sugoocheanduumeadaanyi ea maygwanda muudeanooda.”

Lukka 12:5

Gaydamiin gheang'deang'wa aba dea jea oawala, diita ama nuusiin, ghoamu gwajaksa jeeda duwayda mamiisean; asaha geayeenyi oawala niny!

Gadiyeeda Giijasoodiga 17:25

ak niny ea moamu geatinga buuneeda gagadiiyeesa, gawuurji gili niny gasa gil, dea goona eaweega gil, ak ghoadaw buuneeda giisiimeanda ea haleanjeeda sean.

Ruumi 9:26

“Nea heeda ghayi siyeeshiina saawa, ‘Moowoosi fugeasu,’ gajeeguura ‘orjooga ASEETA majeek.’”

GIIPKEATA DIIGHEANDA 5:26

Aba jeeda buuneeda sean, iiy ghuuta ASEETA mida nea gabalool aba bugusta beasta, uurjeeweasa ak ea mwami?

1 Desaloniikke 1:9

Aba gideaba saawa nea gaba geat gwarukwiida iiteanya gida oadeaptaaydaneasa aba jeedeang'wa, ea gidooyamsiindi geat ASEETA nea ghoanung'waadi sanaamu ak googadiyeesi dea mideawa eaweega ea ASEETA huumwa,

Ebraniya 12:29

aba gideaba ASEETEANYA beasta nyarja haleanjeessean.

Yakkobo 1:17

Gilinyoo eahaakta miy ea gilinyoo eatayda hidaat gwaleabu heetiyeada, ak ghwararang'aana heeda Bwaabwa weeshinda nea headaanyi ea manda yamoodeaba geaw ghana jirooneeda yamiteaba geaw.

Giidaheechta 11:15

Ghaghuut durumbeateadaanyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoocheanduumeeda ng'eanyiida goola ghoah sugoocheanduumeeda Ng'utamiideanya ea dea Gristoydaanyi, ak gaygoombaliischi ea ghoah damanda manda muudeanooda.”

Giidaheechta 4:10

inyeessa gwearsu atiktam ea ang'waniin iissa goobeedeaysa madeeda siidida apteada aba uhuudeaba hoorgeedida bea gheambalmeedean ak ghaghadoawan ninyeeda majeek ea ghoah damanda manda muudeanooda; nea gwajaksa shiipka nyaawa madeeda hoorgeedida bea gheambalmeedean, nea gwasarman,

Giidaheechta 5:14

Ak gwayi diyeangiga asang'wan majeekcheewiin, “Amin!” ak goobeedeayi gweargwa ak ghaghadoawan.

1 SAMWELI 17:26

Ng'ata gwayeesha Dawdi fuga miinaada aba murdeadaanyi, “Gajeataw naaha siichea ghabwar siisi bea Filistiin, nea gageanda baspaseega aba jeeda Israeli? Aba gideaba siisi ng'eaha was Filisti meeyiilean, jea goong'eawi lugooda ASEETA mideawa eaweegean?”

1 SAMWELI 17:36

Siidaang'u bea gadiyeeda nibwar ng'anyeeka ea idamoonga, ak siisi meeyiila was Filistiin gaygawuurji agi aba jeedeaba suh, aba gideaba niing'eawi lugooda ASEETA mideawa eaweega.”