DANIELI 6:24 - Bibliyeeda Ghaydit

²⁴ Ak gwayeesha, ayeani fugiga ghayi ahaakta Danieliin ak ghwanung' eehisa jeeda shoomanda mida ng'anyeeka–saawa sea diibiga nyaawa, ea gadeemga nyaawa; deagheata nea mii ghwahita uuta shoomanda mida ng'anyeeka gang'eesa ng'anyeeka ak gwahirjeaweada geaka nyaawa sean.

DANIELI 6:24 Mawu Ofanana

2 SUGOODIGA 14:6

Ak ea miyeenuus diibigeaba fugiga ghayi nuus ghwaaniin, gawuurji gidaghayi sing'waarda aba jeeda gitaabooda deaweeda bea Musa bea gidarukuteayda NG'UTAMIIDA gideaba, “Majeenuus ghweaniga aba badayda giidiinyeanyeeka diibiga ghana diibiga aba badayda giidiinyeanyeeka ghweaniga. Ak gaygaba siisi meah aba riing'eadaanyi.”

ESTA 7:10

Ak ghwalamda sugoocheanda ak gwayeesha, “Oarata niny aba uhuuda geeta.” Hean gearata Hamani aba uhuuda geeta ghayi sin aba badayda Mordekai. Hean goosha nyarasta sugoocheanda.

ESTA 9:10

orju damanamughuush bea Hamani was orjeeda Hamedata, was weajoocheanda fuga Israeli ea mwasada haleanjeeda nyaawa.

ESTA 9:25

iidu nea ghwahidu Esta madeeda sugoocheanda, geataw iita nea sing'waar gideaba ng'asheandida muy sin gwachi jea gwasima fuga Israeliin dabiksiina niny, aba gideaba niny ea orjoagaaschi gajoarata aba uhuuda geeta.

NYIIGHEEGA 54:5

Gaygoodeelsa weajoodigeasu munyinda nyaawa; lasa uhuuda aba giduwoosti doabiiwaat.

GHWASIILDEANGA 11:8

Siida doabiiwaat gajeelealu aba jeeda sawanadeeda, ak hoorgeadaanyi gaygawa siida muy.

GHWASIILDEANGA 19:9

Muushoocheanda ng'uyeega mayghwashiy lasooda, nea dea ruku ng'uyeega gajealas.

ISAYA 38:13

Geayeawdi nea geagasayi weeta eaweesean ea ghoah sakteayda; gawuurji gil hirjeaweada geapkeedeanyu ng'adiida; gwasawanan ghang'eada askweari ea ghoah eawa ak gwaduulnean.

YEREMIYA 34:17

Asi gwayi NG'UTAMIIDA, miyooleeysean iit, ak gaba siisi nung' goobal geaw orjeeda ghaamwat, ea giischeewoocheandaanyi, ng'ula, gaydanung' oopalageat, gwarugu NG'UTAMIIDA; gajooshealana aba ng'uta, ea jalooda, ea dawni, ak gaydanung' eekealeegwa hoowa ea hoowa aba jeeda sugoodiga sean bea ng'eanyiida.

DANIELI 3:22

Aba gideaba ng'asheanda sugoocheanda aang'waan bea gideaba anung' ghang'waaniit duwayda muuchiin, ak ghwaak ng'ushapta beasta fugiga aat Shadraki ea Meshaki ea Abedinegohiin.

GIIPKEATA DIIGHEANDA 24:16

“Ghweaniga majeenuusa aba badahuuka diibiga nyaawa, ghana eenuusa diibiga aba badahuuka ghweaniga nyaawa; giliwas siida gil gajeenuus aba badayda riing'eadaanyi.