DANIELI 5:21 - Bibliyeeda Ghaydit

²¹ ak geahoana jeeda buuneeda, ak geehinda fughareadaanyi dea diyeayda, nea giibindaanyi gwandeaydooschi sea diyeanga jarooda; ak geanung' ghwaakta nyeega deeda, nea ghabwar saseadaanyi rahooda humng'eeda, bwak ea ghwanal gideaba ASEETA Haw bea Humng'eeda goombal sugoocheanduumeeda buuneeda, ak ghoadaw siida gasa goombal.

DANIELI 5:21 Mawu Ofanana

AYUBU 39:5

“Ghwanung' ng'eaha gawa digeeda nea goobal geaw? Ghana siida atin digeeda ng'eaha.

ESEKIELI 17:24

Ak gayghwanal geediga sean bea madamnyeanda gideaba aniini NG'UTAMIIDA gil, inyeessa ghaanung' gaweay ng'eanyi geediga geawi. Nea ghaanung' gaweay humng'eeda geediga nuweagi, nea ghaanung' gagajeamiidi geediga shabeadi nea ghaftu geediga gajeami ng'asheanji gearugu aniini NG'UTAMIIDA nea ng'asheanji geasinyi aniini.”

DANIELI 4:14

Ak goojuur aba nyeashta haw nea gwayi, ‘Laja geeta ghoabeada ak gilajaadi damealgaaschi, abuukni seengaaschi ak gihisti haghweagaaschi; ak gihoani diyeanga ghang'amwa guumda nea ghang'amwa dariidaka damealgaaschi.

DANIELI 4:17

Nih diigheanda siitaw malaykajeanda, was ng'asheanda leabu heeda ASEETA asagi ghaydit, ak abeeda ghwanal buuneesean gideaba ASEETA Haw bea humng'eeda gwandeawa uurda burdeawa sugoocheanduumeeda buuneeda ea gideaba ghoamu ghoadaw siida wassean loat, ak ghoadaw eara ea siida mwanang'eawa suurja.’

DANIELI 4:22

Siida ang'iing'i gil, Ea NG'UTAMIIDA, dea heedu ak ghwanyas uurda. Hawundaang'u niheedu ea ghwahita humng'eeda, ak gheambalmeadaang'u ea nihita muudeanooda ng'eanyiida.

DANIELI 4:25

ak gajeahoananeey jeeda buuneeda, ak giibindaang'u gaymideaydooscheewana diyeanga jarooda; ak gajeanung' akta nyeega deeda, ak gajeashapnyi aba rahooda humng'eeda, ak gayghang'ata gweanyeew ispwa aba headaang'u, ak ginali gideaba ASEETA Haw bea humng'eeda goombal sugoodiga buuneeda, ak iissa ghoadaw siida gasa sugoocheanduumeeda.

DANIELI 4:26

Nea aba gisirukuteayda gideaba nung'waada mulooda ea hawunga geeta, abeeda sugoocheanduumeadaang'u gajea dea huumwa ghang'eada damanda inali gideaba ASEETA goombal ng'eanyiida.

DANIELI 4:34

Muchu nea ning'ata gweanyeew ispwa geagatkachi gheanyangeasu aniineeda was Nebukadinesa dea geal humng'eeda, ak gabiigu fughareedeanyu, ak geabadiischeesi ASEETA Haw bea humng'eeda, ak ghaaghaambiichi nea geasisi mureeda dea mida damanda manda muudeanooda; aba gideaba gheambalmeadaanyi dea iissa ghwashng'u, nea sugoocheanduumeadaanyi iissa goobiida ghang'eada seaygeeda ea ghwahita seaygeeda;

DANIELI 4:35

aba gideaba fuga mida ng'eanyiida mawuurji gil, ak iissa gwasinda ng'asheega gidagasiida aba humng'eeda ea aba jeeda fuga abiita ng'eanyiida; ak ea manda siida ammu gwareekusa niny ghana gwayeesha niny, “Gisini naaha?”

DANIELI 4:37

Asi ghamneawa aniini Nebukadinesa, ghaaghaambiichi nea geasisi mureeda nea geagwarsi sugoocheanda mida humng'eeda; aba gideaba gadiyoojigaaschi sean aamiyaas nea naweadingaaschi ghwadoabiiw; nea fuga ghwarjeeda gayghwahiing'u.

DANIELI 5:18

Ea sugoocheanda, ASEETA Haw bea Humng'eeda ghoadaw gweanu was Nebukadinesa sugoocheanduumeeda ea hawunda ea gharbeeda ea hawunda;