DANIELI 4:6 - Bibliyeeda Ghaydit

⁶ Ak geasinyi diigheanda ak ghaanung' eeyeadu heedeanyu weaghoodiga sean bea Babeli, nea geagasayi gwarugu gidawas giirgweatka.

DANIELI 4:6 Mawu Ofanana

RITEAYDA 7:11

Ng'ata gaguursa Farao fuga weaghoodi ea beeneediga, ea meanga Misri, ak eara saawa gwasinda gidida.

ISAYA 8:19

Ak inyas geeyeeshiineey, “Gasa ng'asheanda aba heeda giijoodiga ea beeneediga uurji dariidaka meang'shi.” Gwachi buuneeda magasa gagasa ng'asheanda aba heeda ASEETA nyaawa? Ng'ata gaweay gagasa ng'asheanda aba heeda fuga nimeewa aba badayda fuga majeekcheewi?

DANIELI 1:17

Ak eara aba heeda orjooga asang'wan, ghoadaw ASEETA nalita ea fughareeda ng'ooruutka sean ea weaghuumeeda; ak ghwanal Danieli haleanjeeda sean siihiimsa ea giirgweatka.

DANIELI 2:2

Hean ghwanung' sugoocheanda eeguursa beeneediga ea deareemng'ajeega ea fuga Galdayo ang'urooni buuneeda gwarukusa sugoocheanda giirgweatkaaschi. Ng'ata ghapka ak ghamiinaada aba madeeda ng'utamiida.

DANIELI 2:48

Ak ghoadaw sugoocheanda Danieli hawunda ea haleanjeeda hees miyaas, ak ghwanung' ghoah sugoocheanda aba ng'eanyiida sean bea Babeli, nea ghwanung' ghoah siida haweewa fuga weaghoodi bea Babeli.

DANIELI 4:15

Ak giibuudi mulooda ea hawungaaschi nea geerada aba ghealooniga gharinga ea lagheanga oomng'i, aba bugusta nyeega ng'eanyiida. Ak gagasa ghabwar rahooda humng'eeda; ak gagasa ghoah giibindaanyi jeeda nyeega sea diyeanga aba jeeda ng'eanyiida;

DANIELI 5:11

Gwanda jeeda sugoocheanduumeadaang'u siida mideawa guroorooda ghaydit bea aseecheeka. Aba damanda was gweanu sugoocheanda, ghoahiimu siisi gideaba gwandeawa fughareeda weaghuumeeda, urji weaghuumeeda aseecheeka, ak ghwanung' sugoocheanda siguura Nebukadinesa was gweanu, ghoah sugoocheanda haweewa beeneediga, ea deareemng'ajeega, ea fuga Galdayo, ea fuga nal searoojiga miinga,

DANIELI 5:7

Ak gooyeawda sugoocheanda nea goojuur nea gagasa ghwahidu deareemng'ajeega, fuga Galdayo ea fuga nal searoojiga miinga. Ak gwayeesha sugoocheanda fuga weaghoodi bea Babeli, “Siida jea ghoasoamwa ng'ooruutsu, ak gwarukunean gidanyah, gajeekwealsa hang'da oomu, nea geayiin gheata surumnyeanda dahaabu, ak gayghoah siideaba samwagu jea goombaliischi aba jeedeaba sugoocheanduumeeda.”