DANIELI 4:37 - Bibliyeeda Ghaydit

³⁷ Asi ghamneawa aniini Nebukadinesa, ghaaghaambiichi nea geasisi mureeda nea geagwarsi sugoocheanda mida humng'eeda; aba gideaba gadiyoojigaaschi sean aamiyaas nea naweadingaaschi ghwadoabiiw; nea fuga ghwarjeeda gayghwahiing'u.

DANIELI 4:37 Mawu Ofanana

2 DAMANYOOJIGA 33:19

Ak musiischoadaanyi ea gida shaayda ghuutaanyi ASEETA, ea riing'eagaaschi sean ea ramaseanyeakaaschi ea heeda deeksa heetiyeada ak ghwayiin Asherimu ea sanaamajeega sisin, gheata mii ghwaat geaw ng'eanyi, ng'ula geeng'oorsa jeeda damanyoojiga meanga.

ESTA 6:10

Hean gwayeesha sugoocheanda Hamani, “Lamwaja geani hang'weaka ea faraasi, gawuurji gidinyaashti, ak gisissi Mordekai was siida Israeli apteada aba gheata dooshta sugoocheanda. Sinda haleanjeeda sean gidirukuteaydi.”

NYIIGHEEGA 119:75

Aniini ghaanali gideaba girgweaguutkaagu ghwadoabiiw, Ea NG'UTAMIIDA, ea gideaba nilaschaan aba gideaba guwoosi doabiiwaat.

NYIIGHEEGA 99:4

Sugoocheanda mideawa uurda, ghabwariiy doobiiwnata, ang'iing'i niimajeegi doobiiwnata; ak giyeadu alooheeda ea doobiiwnata heeda Yakobo.

RITEAYDA 18:11

Asi ghamneawa ghaanali gideaba NG'UTAMIIDA eahaweewa aseecheeka sean, aba gideaba gwalealu buuneeda aba geatinda fuga Misri, ea aba sawanadeeda ghayi nyas saawa.”

RITEAYDA 8:4

ak gaygootkwealiiseey udagheambagajeamajeega ea badahuuka fugaagu ea dea fugaagu sean bea gadiyeeda.”’ ”

ISAYA 23:9

Ng'asheesu gwasin NG'UTAMIIDA lugweega nea gabaysiina gideaba gageanda ghwarjeeda nyaawa sean, nea ghoabwaaspwaas fuga sean bea ng'eanyiida.

ISAYA 5:16

Ak NG'UTAMIIDA bea lugweega siikghaambiit aba girgweageeda doabiiwaat, nea ASEETA Ghaydit ghoahiimu geaw aba doobiiwnata.

YEREMIYA 50:29

“Aguursiina fuga jakiida geatka ang'ucheewana Babeli ayaada buuneesean nal gwaradu ghuweang'da. Aneaweesiina mujiini; adaghawapta eara siyagi. Awalda mureandooda aba giteena giidiinyeanyeekaaschi; asimana gidasima buuneeda suurja aba gideaba nisin ghwarjeeda aba badayda NG'UTAMIIDA, was dea asagi Ghaydit bea Israeli.

ESEKIELI 16:56

Ak gifooli huda geamadu was Sodoma aba ghwarjeadaang'u.

ESEKIELI 16:63

Gaydasamseey aba haleanjeeda sean iisini. Ak inyas giipkaadi suh seaniin isiniin gayhamwa ng'eanyi ak gisindi aba baspaseega, ak ea maygut baloola gwarugu NG'UTAMIIDA was ASEETA.”

DANIELI 4:26

Nea aba gisirukuteayda gideaba nung'waada mulooda ea hawunga geeta, abeeda sugoocheanduumeadaang'u gajea dea huumwa ghang'eada damanda inali gideaba ASEETA goombal ng'eanyiida.

DANIELI 4:3

Gwadeenachaan heesinyeeka gwadeagwajeagaaschi, ak gwadeenachaan ng'asheagaaschi deamdeameadi! Sugoocheanduumeadaanyi sugoocheanduumeeda manda muudeanooda, gil nea gheambalmeadaanyi ghang'eada seaygeeda ea ghwahita seaygeeda.

DANIELI 4:34

Muchu nea ning'ata gweanyeew ispwa geagatkachi gheanyangeasu aniineeda was Nebukadinesa dea geal humng'eeda, ak gabiigu fughareedeanyu, ak geabadiischeesi ASEETA Haw bea humng'eeda, ak ghaaghaambiichi nea geasisi mureeda dea mida damanda manda muudeanooda; aba gideaba gheambalmeadaanyi dea iissa ghwashng'u, nea sugoocheanduumeadaanyi iissa goobiida ghang'eada seaygeeda ea ghwahita seaygeeda;

DANIELI 5:4

Ghwali difaayi, ak gagwarsa aseecheeka dahaabu ea gea lapiya, ea gea lagheanga oomng'i, ea gea gharinga, ea dea geeta ea dea lagheaneeda.

Mattayo 11:25

Aba damandida gwayi Yesu, “Geabadiischooweey ea Bwaabeeda was Ng'utamiida humng'eeda ea ng'eanyiida, aba gideaba gifunyi ng'asheesu fuga weaghoodi ea fuga mideawa fughareenga ak giihiimsi diibiga manang'i;

Gadiyeeda Giijasoodiga 17:24

ASEETA ghayi bwat muunda ng'eanyiida ea haleanjeeda sean, niny Ng'utamiida humng'eeda gil ea ng'eanyiida, niny moobiiteena jeeda gealga sibata ASEETA sideasa geatinga,

GIIPKEATA DIIGHEANDA 32:4

“Niny harearacheanda, gadiyeadaanyi ea hidaat aba gideaba naweadingaaschi sean ghwadoabiiw. ASEETA doabiiwaat, mandeawana ng'asheega munyas, niny ea doabiiwaat gaba ng'asheega doobiiweadi.

Giidaheechta 15:3

Ak gwasarman duumda Musa, was soomjeanda ASEETA, ea duumda Dayeenda Gisilleanda, nea geeyi, “Gadiyoojigaagu isinayi ea hees nea deamdeameadi, Ea Ng'utamiida was ASEETA Hoauur! Naweadingaagu doobiiwnata gil ea huumwa, Ea Sugoocheanda gweanyeeka sean!

Giidaheechta 16:7

Ak ghaayiinyi heeda wagiida nea gooyeawda, nea gwayi, “Huumwa gil Ng'utamiida was ASEETA mideawa uurda, girgweaguutkaagu huumwa gil nea ghwadoabiiw!”

1 SAMWELI 2:3

Adagudubaloola muuchi nea gighwari geaw, ak ea adagwarina ghuutaang'u ng'asheega ghwarjeeda; aba gideaba NG'UTAMIIDA ASEETA mideawa fughareeda, ak aba niny gaygoorgweaksa ng'asheega sin buuneeda.