DANIELI 4:35 - Bibliyeeda Ghaydit

³⁵ aba gideaba fuga mida ng'eanyiida mawuurji gil, ak iissa gwasinda ng'asheega gidagasiida aba humng'eeda ea aba jeeda fuga abiita ng'eanyiida; ak ea manda siida ammu gwareekusa niny ghana gwayeesha niny, “Gisini naaha?”

DANIELI 4:35 Mawu Ofanana

AYUBU 23:13

Nea niny ea akaleala ak ghoamu ng'eaha ghwayam? Nea iissa gidagasa niny, gwasin.

AYUBU 34:29

ASEETA iisiinda ghoamu ng'eaha gwanyareeksa? Ama fuy gheamamdaanyi, ghoamu ghwadaah ng'eaha niny, ii was eamwa ghana ghoah siida?–

AYUBU 40:2

“Ang'iing'eeda isikiideawi giidiinyeanyeeka gaygaleada sea ASEETA haw uuri? Ang'iing'eeda isheang'nyi sea ASEETA, asi shaaha ng'asheesu.”

AYUBU 42:2

“Ghaanali gideaba giimuusi sina haleanjeeda sean nea gidigasayi sinooda ea manda siida jea ghoadeal.

AYUBU 9:4

Niny gwandeawa weaghuumeeda aba jeeda guroorooda, ak gwandeawa uurda, ak ea niihang'waay geaw ak ea ng'eaha dea nijoar–

NYIIGHEEGA 115:3

ASEETEANYA gwanda humng'eeda; iissa gwasin gida wasean gasa.

NYIIGHEEGA 135:6

NG'UTAMIIDA iissa gwasin gida wassean bwariiy, aba humng'eeda ghana aba ng'eanyiida, aba jeesinga baskweega ea bugusta beega sheagi jih.

NYIIGHEEGA 33:14

ghang'eada hoorgeadaanyi abiita iissa gang'ula buuneesean mida ng'eanyiida,

NYIIGHEEGA 39:5

Ng'ula, gidanuwaasta askwearjoojigeasu igoonyean bea giibinda, ak gawuurji eaweegeasu gili mii gili aba madeadaang'u. Aba huumwa giliwas sih ghamiinaada nea gawuurji jeameeda mwadaagha.

NYIIGHEEGA 49:1

Ooleeysiina iit ng'asheesu, ea fuga eemoojiga sean! Oaleaydiit, buuneesean abiita badayda ng'eanyiida,

GHWASIILDEANGA 21:30

Manda weaghuumeeda ghana fughareeda, ghana girgweaksiinda jea ghaweanyi aba badayda NG'UTAMIIDA.

REEKUSIINDA 8:4

Aba gideaba ng'asheanda sugoocheanda gwandeawa uurda; ak ghoamu ng'eaha gwayeesha niny, “Ang'iing'i gisini naaha.”

ISAYA 19:17

Ak ng'eanyiida Yuda gaygwanda gharbeeda aba heeda fuga Misri. Siida was sean sirukusa iitaanyi gayghang'ut muuwda aba ng'asheanda jea gwasima NG'UTAMIIDA bea lugweega saawa.

ISAYA 26:9

Gagaseey gurooroodeanyu eawa, ak geagaseey aba gurooroodeanyu. Inyeessa giirgweaksi ng'eanyiida, abeeda gayghwanal fuga sean bea ng'eanyiida doobiiwnata.

ISAYA 43:13

“Aniini geawooschi ASEETA, ak gaydanda galeagasean; ak ea manda eara siyagi jea gamulsa uurdeanyu; ak ea manda eara siyagi jea ghoadeal gichea dasin.”

DANIELI 6:27

Niny goodayiida nea gwalealu, ak gwasima ng'asheega deamdeameadi ea gwadeagwajeega aba humng'eeda ea aba badayda ng'eanyiida, was dea ghayi lealu Danieli aba heeda uurda ng'anyeeka.”

YONA 1:14

Ng'ata gooyeawusa fugiga NG'UTAMIIDA, “Geemuscheey, ea NG'UTAMIIDA, adiidu gihuydaneasa aba eaweegeaba siisi, nea adiidu giihaageasa foojeanda weay mwadaagha; aba gideaba ea NG'UTAMIIDA, gisini ang'iing'i gida ibwariinyi.”

Gadiyeeda Giijasoodiga 11:17

Asi iiniidaw ASEETA eara fuga eemoojiga suuk Guroorooda Ghaydit gidagoondaneasa aseasa damanda simwaseawi Ng'utamiida was Yesu Gristo, asi aniini geawooschi ng'eaha daheawa ng'asheega ASEETA?”

Gadiyeeda Giijasoodiga 4:28

ak gwasin gida wassean ghayi bean gagasa geatindaang'u ea fughareadaang'u gideaba gaygwasa.

Gadiyeeda Giijasoodiga 5:39

ama iileabu heeda ASEETA, ea majoamuusa abwaanya fiisu aba gideaba gajiidu geejeeng'u gideaba goosheang'nyeewi ASEETA!”

Gadiyeeda Giijasoodiga 9:5

Gwayeesha, “Ang'iing'i ng'eaha gil, Ng'utamiida?” Ghwasha nea gwayeesha, “Aniini geawooschi Yesu, dea ghamneawa ighabwasi;

1 Goriinto 10:22

Ghana sigasayi eang'udana Ng'utamiida lachng'eanyiida? Neada geandeawi uurda ea eeburdeawana niny?

1 Goriinto 2:16

“Aba gideaba, siida nal fughareeda Ng'utamiida ng'eaha, ak abeeda ghoanaal?” Duuku aseasa geandeawi fughareeda Gristo.

Efeeso 1:11

Aba niny, aba gidida gassiida ninyiin was dea ahiit haleanjeeda sean aba gidida gassiidean,

YOSHUWA 2:2

Ak geerukusa sugoocheanda Yeriko nea geeyeesha, “Ng'ula nupka fiispa Israeli hiji ghoosa eawa gwasikteawa ng'eanyiida.”

1 SAMWELI 3:18

Hean gwarukusa Samweli ng'asheega sean nea mwafunyana niny gil. Ak gwayeesha, “Nih NG'UTAMIIDA; nung'waada gwasin gidadaah gideaba aamiy aba headaanyi.”