DANIELI 4:3 - Bibliyeeda Ghaydit

³ Gwadeenachaan heesinyeeka gwadeagwajeagaaschi, ak gwadeenachaan ng'asheagaaschi deamdeameadi! Sugoocheanduumeadaanyi sugoocheanduumeeda manda muudeanooda, gil nea gheambalmeadaanyi ghang'eada seaygeeda ea ghwahita seaygeeda.

DANIELI 4:3 Mawu Ofanana

AYUBU 25:2

“Gheambalmeeda ea gheawalmeeda gwanda heeda ASEETA; ak gwasin hoyyoo aba humng'eadaanyi sheagi.

NYIIGHEEGA 104:24

Ea NG'UTAMIIDA aba giteena seang'ayda gadiyoojigaagu! Ak gisini sean aba weaghuumeadaang'u; ng'eanyiida ghwanyiit haleanjeadaang'u iisini.

NYIIGHEEGA 105:27

Hean ghwayiin gwadeagwajeagaaschi bugusta nyaawa, ea deamdeamanga jeeda ng'eanyiida Hamu.

NYIIGHEEGA 145:13

Sugoocheanduumeadaanyi sugoocheanduumeeda manda muudeanooda, nea gheambalmeadaanyi gaygoobiida aba seaygoojiga sean. NG'UTAMIIDA ea doabiiwaat aba ng'asheagaaschi sea, ak gwandeawa bariinyeega aba gadiyoojigaaschi sean.

NYIIGHEEGA 66:7

niny goombaliischi aba uurdaanyi damanda manda muudeanooda, gheanyangaaschi iissa gang'ula eemoojiga– nea fuga roodeadi ea adaghaghwar geat.

NYIIGHEEGA 72:18

Asi deakghaambiida NG'UTAMIIDA, was ASEETA, ASEETA Israeli, was dea sina ng'asheega deamdeameadi nea gaba geaw.

NYIIGHEEGA 77:19

Ang'iing'i gisini naweadaang'u jeeda aba basooda, ak gineayeewi badayda beega saang'a; ak ea meadaaha baneaguukaagu.

NYIIGHEEGA 86:10

Aba gideaba ang'iing'i guwoosi haw nea gisinayi ng'asheega deamdeameadi, ang'iing'i guwoosi ASEETA nea gibwaageaw.

NYIIGHEEGA 92:5

Ea NG'UTAMIIDA, ng'ula giteenacha heesinyeeka gadiyoojigaagu! ak fughareadaang'u ea haw muuchi.

ISAYA 25:1

Ea NG'UTAMIIDA, ang'iing'i guwoosi ASEETEANYU; gaydaaghaambiinyi, nea ghaabwachi gheawungaagu; aba gideaba nisini ng'asheega deamdeameadi, gidaghayi iibean manyiida garayi, gaysina aba huumwa nea giidoabiiwi.

ISAYA 28:29

Giimuusteaba haleanjeeni gwaleabu heeda NG'UTAMIIDA bea lugweega; bea girgweaksiinda daamdaamwaat, ak weaghuumeadaanyi ghang'al gea buuneesean.

ISAYA 9:7

Uurda sugoocheanduumeadaanyi gaygawa mwadi nea gwaheedu nea sugoocheanduumeadaanyi gaygaba hoyyoo galeagasean. Aba hoorgeeda Dawdi, nea sugoocheanduumeadaanyi gaygoomajeek nea gawa mwadi aba girgweaksiinda ea doobiiwnata ghang'eada ghamneawa ea ghoah damanda manda muudeanooda. Suh seaniin gaygwashiisa ghaang' NG'UTAMIIDA lugweega.

YEREMIYA 10:10

Ak NG'UTAMIIDA ea ASEETA huumwa, niny ASEETA mideawa eaweega gil nea ea sugoocheanda manda muudeanooda gil. Aba nyarastaanyi inyeesa gwasim ng'eanyiida nea eemoojiga ea mayghoamu ghoamuughu nyarastaanyi.

DANIELI 2:2

Hean ghwanung' sugoocheanda eeguursa beeneediga ea deareemng'ajeega ea fuga Galdayo ang'urooni buuneeda gwarukusa sugoocheanda giirgweatkaaschi. Ng'ata ghapka ak ghamiinaada aba madeeda ng'utamiida.

DANIELI 2:44

Nea aba damandeaba sugoodisu gayghamiinda ASEETA humng'eeda sugoocheanduumeeda nuut majeamu eayam, ghana eenung'usa gheambalmeadaanyi fih suuk. Ak gaygwanyarjeaweada sugoodisu seaniin ea goosha, ak gaygoobiida sugoocheanduumeeni damanda manda muudeanooda;

DANIELI 4:17

Nih diigheanda siitaw malaykajeanda, was ng'asheanda leabu heeda ASEETA asagi ghaydit, ak abeeda ghwanal buuneesean gideaba ASEETA Haw bea humng'eeda gwandeawa uurda burdeawa sugoocheanduumeeda buuneeda ea gideaba ghoamu ghoadaw siida wassean loat, ak ghoadaw eara ea siida mwanang'eawa suurja.’

DANIELI 7:14

Ak geataw niny gheambalmeeda ea gharbeeda ea sugoocheanduumeeda, ak abeeda buuneesean, ea eemoojiga, ea iidiga eemoojiga gaygagadiyeesa; nea gheambalmeadaanyi ea gheambalmeeda manda muudeanooda, nea sugoocheanduumeadaanyi manda muudeanooda, nyooh ea mayghang'ata, ea mwoamu eenyarja.

DANIELI 7:27

Nea sugoocheanduumeeda ea gheambalmeeda ea hawunda sugoocheanduumajeega mida hing'eadayda humng'eeda gajeataw fuga ghaydidi bea ASEETA Haw bea Humng'eeda; abeeda sugoocheanduumeeda nyaawa gajea sugoocheanduumeeda manda muudeanooda, abeeda gheambalmoojiga sean gaygagadiyeesa saawa nea gwasissa mureeda.’

Ruumi 11:33

Asi giteena meanang'oocheanduumeeda ea weaghuumeeda ea fughareeda ASEETA! Nea mwoamu eesikteawa girgweageadaanyi, nea naweadingaaschi ghanyea meegaseadayi!

GIIPKEATA DIIGHEANDA 4:34

Ghana deepa gwanda aseeta wassean nigala geandeayda ng'eanyiida nea gaba geaw aba bugusta eemooji suuk, aba sawanaduutka, ea gwadeagwajeega, ea deamdeamanga, ghana aba ng'ucheeda, ghana aba geatinda mideawa uurda ghana aba geatinda siitoabiiw, ghana aba sawanaduutka hees, aba giduurji haleanjeeda sean ghayi sin NG'UTAMIIDA was ASEETEANG'WA aba badahuukeagwa aba ng'eanyiida Misri aba madeeda gheanyangeagwa?

1 Dimotteo 1:17

Mureeda ea gheambiida daba sugoocheanda eaweega manda muudeanooda was dea maygamutmudan, ak ea miidaach, niny ASEETA bwaageawi, ea ghoah eaweega manda muudeanooda. Amin.

Ebraniya 1:8

Ak gwayi aba badayda Orjeeda, “Hoorgeadaang'u, Ea ASEETA gaba eaweega manda muudeanooda, sugoocheanduumeeda doabiiw sugoocheanduumeeda gheambalmeadaang'u.

Ebraniya 2:4

nea ASEETA gamuuwu aba gwadeagwajeega ea ng'asheega haloodi ea deamdeamanga saang'a, ea gidaguh Guroorooda Ghaydit ak gwalakuuneasa aba gidagasiida niny.

1 Betro 4:11

siida wassean balool, gawuurji dea ruku ng'asheega ASEETA; nea dea wassean sin gadiyeeda, dawuurji dea sin gadiyeeda aba uurda adaw ASEETA; ak abeeda aba haleanjeeda sean geakghaambiit ASEETA aba naweeda Yesu Gristo. Giigheambiita gammiisa niny ea gheambalmeeda ea ghoah damanda manda muudeanooda. Amin.

Giidaheechta 11:15

Ghaghuut durumbeateadaanyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoocheanduumeeda ng'eanyiida goola ghoah sugoocheanduumeeda Ng'utamiideanya ea dea Gristoydaanyi, ak gaygoombaliischi ea ghoah damanda manda muudeanooda.”