DANIELI 4:27 - Bibliyeeda Ghaydit

²⁷ Asi, Ea sugoocheanda, gagasa mwasa ng'asheegeasu; nung'usiina heeda riing'eagaagu ak gisini ng'asheega doobiiweadi, ea ng'asheagaagu munyas ak ghoahiimu baydeayda aba heeda fuga sisawan, ak abeeda ghoanyaschi ng'asheega miyaasiin bea miyeenooda.”

DANIELI 4:27 Mawu Ofanana

GIING'EETA 11:4

Ng'ata gwayeesha geat, “Eesisiina geat mujiini, ea gidingeanda hita humng'eeda, ak abeeda geedeegu gheawungaasa, ak ea meedarsiini muunda ng'eanyiisean.”

1 SUGOODIGA 21:29

“Nidaahi Ahabu gidasinda mureeda aba madeedeanyu. Aba gideaba nisin mureeda aba madeedeanyu, maygudu danung' ghwahidu munyinda aba jeeda eawoojigaaschi; ak damanda eawoojiga orjeedaanyi gaydeajeagu munyinda aba badaydeaba gheanyi.”

NYIIGHEEGA 119:46

Ak gaydarukwiida ng'asheagaagu imuuwu aba madeeda sugoodiga, ak abeeda ea majeanung' dabwaspwas;

GHWASIILDEANGA 11:2

Iihidu ghwarjeeda gweadu geeshta baspaseega, nea weaghuumeeda gwanda heeda fuga doobiiweadi.

GHWASIILDEANGA 16:6

Riing'eeda gajeehuun aba baydeayda huumwa, Siida iyawal gheang'da NG'UTAMIIDA gayghwasaja geaw munyinda.

GHWASIILDEANGA 28:13

Siida fuy giidiinyeanyeekaaschi mayghwanyas nyageadayda, nea dea duukuuna ak ghoabuut gayghwanyas baydeayda.

ISAYA 10:13

Aba gideaba gwayi sugoocheanda Ashuru: “Haleanjeeni geasinyi aba uurda geatindeanyu ea aba weaghuumeedeanyu, aba gideaba aniini geandeawi fughareeda; ak ea neageandi moonghooda mida dageascheeda eemoojiga; nea neageandi haleanjeeda nyaawa mida giidiiwda; nea gearareang'u gea mida hoorgajeega sugoocheanduumeeda gawuurji gidahiniida siida mwaay.

ISAYA 47:10

Aba gideaba gighusi ng'asheagaagu munyas, nea giyeeni, “Manda siida ng'ulean”; weaghuumeadaang'u ea fughareadaang'u nihutaneey, ak giyeenayi aba jeeda gurooroadaang'u, “Aniini geabwaageaw, manda siinuut uurjeewean.”

ISAYA 47:8

Asi ghamneawa aleaydiit ng'asheanji, ang'iing'eeda ibwariinyi miyeenooda, nea gighayi gideaba gibea seayu, nea inyeesa giyeeni aba jeadaang'u, “Aniini geabwaageaw, manda siinuut uurjeewean; ak ea maydeabiida nea geawuurjeewi masinung'weanda maydandeawa iita miyeeda diibiga.”

YEREMIYA 29:7

Agasa nyageadayda aba jeeda mujiineeda aayaadeegwa ghealooniga, amoasha NG'UTAMIIDA aba badaydeaba mujiineani, aba gideaba iinyas nyageadayda eara agooga gajanyagaada.

YEREMIYA 38:20

Ghwalamda Yeremiya ak gwayeesha, “Manda majeayiinyi geatinga nyaawa, eaniyean mwasa ng'asheanda NG'UTAMIIDA aba ng'asheesu earukuneeyiin, abeeda gaybeaha seayu nea ginyasi eaweega.

ESEKIELI 18:7

Nea mii ghaghabwas siida, ak ea niidealda siileeda siida, nea mii ghoareat siida haleanjeadaanyi aba uurda. Ak ea niidaw fuga bearji jalooda hamitaanyi, nea ghoadaw hang'weaka fuga dawiiri.

ESEKIELI 29:3

Baloola nea giyeeshi, gwayi NG'UTAMIIDA was ASEETA; “Ng'ula, aniini geawooschi haweewaneey, Ea Farao, sugoocheanda Misri, ichibooda haw rinna bugusta eenigaaschi, dea ayi ‘eendeanyu deanyu gil nea geabea geaw, ak geasinyi aba saseedeanyu.’

ESEKIELI 29:9

Ak ng'eanyiida Misri gayghoah raghoonyeanda ea dareapcheeda. Ak saawa gayghwanal gideaba aniini geawooschi NG'UTAMIIDA. “Aba gideaba giyeeni ‘deanyu gil, ak geasinyi aniini.’

YOELI 2:14

Ak ghwanal ng'eaha gideaba maygabiigu ak ghwayam geaw, ak ghwanung'waneasa ghawoadaanyi; asi huumwa, haleanjeeda ghadooweeda was dearanga, ea haleanjeeda ghadooweeda sileeha aba heeda NG'UTAMIIDA was ASEETEANG'WA?

AMOSI 6:13

agoogeeda inyas goohoosanyi aba mujiineeda Lodebari, nea gooyeenyi, “Miyeegeanda mujiineedeanya aba uurdeanya ak geegeandi Garnaimu nea geebwaageadi?”

YONA 3:9

Ghwanal ng'eaha, gideaba ASEETA gwadeepa ghwayam geaw aba nyarastaanyi ng'waan, ak ea meeshealani?”

HABAKUKI 1:11

Ak iissa ghang'ataayda shaarareeda ng'ata, fuga munyas, nung' ghoah uurjeenga nyaawa aseeta!

SEFANIYA 2:15

Nih mujiineeda hoosaneat gil apteada nea gaba seayu, ak gwayi nea gabwageaw, “Aniini geandi ak ea manda nuut.” Ak ghwaktaneeyiin salgheang'da, ea heeda roocha diyeanga jarooda! Giliwas sih ng'ata gaygwajuuga aba geatindaanyi.

Mattayo 3:8

Asi ajiila haghweega miisa duukuunooda,

Lukka 11:41

Asi oatawa haleanjeeda sisapa geadi bea ghadooweeda bea jih; abeeda gayghamiidu haleanjeeda sean aba heedeang'wa.

Gadiyeeda Giijasoodiga 24:25

Damanda balool Bawlo ak ghwasat ng'asheega doobiiwnata ea gheadeenda ea iita girgweaksiinda jea ghwahidu, ghabeal Feliksi ak gwayeesha, “Nyoobiikta, iyaanyaschi gheata gicha gaydaguurneey.”

Gadiyeeda Giijasoodiga 26:20

ak aba madeeda ghaang'eachi rukwiideayda ng'asheega ASEETA aba ng'eanyiida Dameski, ea Yerusalemu ea ng'eanyiisean bea Yahudi, ea heeda fuga Eemoojiga, gideaba gwaduukuuna ak gwayamsa geat ASEETA ak ghoahiimu aba gadiyoojiga nyaawa gideaba niduukuuna.

Gadiyeeda Giijasoodiga 8:22

Asi duukuunana searoojisu ikeagwa munyasiin, ak gimwaashi Ng'utamiida, iimuusi, ak gaygwasamseey aba gidigasayi mida jeeda guroroadaang'uuni.

2 Goriinto 5:11

Asi, geanali gissiwaldi gheang'da Ng'utamiida, iissa geaghurghurji buuneeda; nea gidasiwuurjeewi ghwanal ASEETA, ak ghaararji gideaba ea nalaat eara aba jeesinga fughareengeagwa.

Galattiya 5:13

Aba gideaba geeguurneegwa anyasa giibaldeaba geat, orjoogiyya; ak ea adoanung' ghoah giibaldeang'wa bea geat nyasita gheata ng'asheega gasa saseeda, nea aba bariinyeega ea daba siisi was soomjeamba nuut.

Galattiya 5:22

Ak haghweega Guroorooda ea bariinyeega, hooseaneega, hoyyoo, milikghteayda, inyeanda jeeda, miyinda, ea doobiiwnata,

Galattiya 5:6

Aba gideaba siida iimida jeeda Gristo Yesu gawa ghasmeahooda ghana ea mawa ghasmeahooda aba headaanyi mii gili, gidahaw masaweega mideawa bariinyeega gil.

Efeeso 4:28

Mareanghweanda danung'waada gwadishta, dang'eada ghuuta gadiyeeda miy aba geatingaaschi, ak ghwanyas gichea ghoadaw fugiga gassean.

GIIPKEATA DIIGHEANDA 24:13

ama mikta aseeta, gajadeelsiina niny gidida mida raduutkean ak gwalil nea gwandeawa hang'weakaaschi ak gagoonyi ghawooda; ak gayghoadoabiiw aba madeeda NG'UTAMIIDA was ASEATAANG'U.

GIIPKEATA DIIGHEANDA 32:27

Ak aniini ghaawali baloolda weajoodiga, gideaba adagooteemsheesa weajoodiga nyaawa ng'uyeega ak geeyi, “Geatingaasa nighaambiit, ak NG'UTAMIIDA ea mii gwasin suh seaniin.”’

GIIPKEATA DIIGHEANDA 8:17

Shageada adiidu gwayi gurooroadaang'u, ‘Uurdeanyu ea geatindeanyu gwanyaknean baruureeni.’

1 Betro 4:8

Aba badaydeaba suh seaniin asina badiida muuchi ak ghoabwariinyi geat, aba gideaba bariinyeega gwadukuta riing'eega saang'a.