DANIELI 4:18 - Bibliyeeda Ghaydit

¹⁸ Suh giirgweatka eargweadayi aniini, aba gidarugu sugoocheanda was Nebukadinesa. Nea ang'iing'i, Ea Belteshasa, asi rukuni gidawas, aba gideaba fuga sean weaghoodi mida jeeda sugoocheanduumeedeanyu moamu gwarukunean danal gidawas, ak giimuusi ang'iing'i, aba gideaba guroorooda aseecheeka ghaydit gwanda jeadaang'u.”

DANIELI 4:18 Mawu Ofanana

GIING'EETA 40:12

Ghwalamda Yosefu ak gwayeesha niny, “Nih ginyah giirgweatka: damealga asamwagu eawooji samwagu;

GIING'EETA 41:15

Ghwalamda Farao ak gwayeesha Yosefu, “Aniini geargweadayi, ak ea manda siida ammu gwaroobu; ak ea sirukunean iitaang'u gideaba iiyiinyi giirgweatka giimuusi roopni.”

GIING'EETA 41:8

Iimuchu gwasawana jeadaanyi; ak ghwanung' eeguursa meanga sean bea ng'eanyiida Misri sea fuga sean bareahi iheeni; ak gwarukusa Farao giirgweatkaaschi, ak ea manda siida ammu gwaroopsa Farao gidawas.

ISAYA 19:3

Gaydageanda meaynata fuga Misri ak gaydayam gadiyoojiga nyaawa gwachi jea gwasin; gaygaweay goonyeari ng'asheega aba heeda sanaamajeega, ea heeda meanga ea heeda fuga bara lagheanga ea beeneediga;

DANIELI 1:20

Nea aba giliwas weaghuumeeda ea nalooda gilinyoo gagasa sugoocheanda aba heanyaawa, ghwadaah ghang'alda saawa niba damanamughuush aba heeda beeneediga sean ea deareemng'ajeega mida jeeda ng'eanyiidaanyi sean.

DANIELI 2:38

nea siida ghwayiin geatinda, aba heeda wassean mida, orjooga buuneeda, ea diyeanga jarooda, ea dariidaka humng'eeda, ghwanung' ambala sean–aba gideaba gindi uhuuda dahaabu.

DANIELI 2:7

Hean ghwasha deabiyeenya, “Iirukusa sugoocheanda fugaaschi bea gadiyeeda giirgweatka, abeeda gajeerukusiina gidanyah.”

DANIELI 5:15

Asi siyeadu madeedeanyu, fuga weaghoodi, ea deareemng'ajeega, ghoasoamwa ng'ooruutsu ak ghwanung' danal gidarugu; ak ghwaraay gwarugu gidawas ng'asheesu.

DANIELI 5:8

Hean ghwahidu fuga sean was weaghoodi bea sugoocheanda, ak ghwaraay ghoasoamwa ng'oorda ghana ghwanung' ghwanal sugoocheanda gidarugu.

AMOSI 3:7

Aba huumwa Ng'utamiida was ASEETA maygwasin gil nea mii goodaheachsa makcheameadaanyi fugaaschi bea gadiyeeda was sibangaaschi.