DANIELI 4:16 - Bibliyeeda Ghaydit

¹⁶ gagasa ghwayamwa fughareadaanyi bea gealaan ak geataw niny fughareeda diyeayda; ea ghang'ata gweanyeew ispwa.

DANIELI 4:16 Mawu Ofanana

2 SAMWELI 18:32

Hean ghwalamda sugoocheanda ak gwayeesha siida Gushi, “Orjeeda was Absalomu gaba seayu?” Ghwasha siida Gushi nea gwayeesha, “Gidabal weajoodiga ng'utamiideanyu was sugoocheanda, sea fuga sean gasa gang'ucheeweey, gawuurji orjeedida.”

ISAYA 6:10

Nung' gwadasheahiidi fughareengeaba fiisu, nea gidukuti iidiga nyaawa, ak gidukuti gheanyanga nyaawa, adaghwadaah aba gheanyanga nyaawa, ak ghwayiiy aba iidiga nyaawa, ak ghwanal aba jeesinga nyaawa, ak gwaduukuuna ak geahaap.”

DANIELI 11:13

Aba gideaba sugoocheanda mida wiilooda ng'eanyiida ghayeawa gaygabiikta ghoawaam eemeetuw, saang'a ea ghwanaawa gea madeeda; hean ng'ata gweanyeeka gaygabiigu nea ninyas lugooda saang'a mideawa dabita saang'a.

DANIELI 12:7

Iidu siidida akwa hang'weaka miyaas, nea ghamiinaada aba badayda beega ghealoodean, gagatkat geatindaanyi bea dugwa ea geatindaanyi ghaadaam nea googeal humng'eeda; ak ghayiinyi nea gweaksa habeawooda dea mida damanda manda muudeanooda, gideaba gaygwanda damanda, ea damanyooji iyeenya, ea gidamwahita damanda; nea iidu nea sihirja uurda fuga ghaydidi ak gamuudean, abeeda ng'asheesu seaniin gajeahiit.

DANIELI 4:23

Iidu nea ghwadaah sugoocheanda malaykajeanda was dea ghaydit, ghwararang'aana humng'eeda ak gwayi, ‘Laja geeta ak gimulmulaadi, ak giibuudi mulooda ea hawungaaschi jeeda sigeeda, ak giradi bugusta ghealooda gharinyeanda ea lagheanga oomng'i, ak ginung'usi jeeda nyeega madamnyeanda, ak ginung' ghabwar siisi rahooda humng'eeda; ak ginung'waadi gwandeayi sea diyeanga jarooda, ea ghang'ata gweanyeew ispwa’;

DANIELI 4:25

ak gajeahoananeey jeeda buuneeda, ak giibindaang'u gaymideaydooscheewana diyeanga jarooda; ak gajeanung' akta nyeega deeda, ak gajeashapnyi aba rahooda humng'eeda, ak gayghang'ata gweanyeew ispwa aba headaang'u, ak ginali gideaba ASEETA Haw bea humng'eeda goombal sugoodiga buuneeda, ak iissa ghoadaw siida gasa sugoocheanduumeeda.

DANIELI 7:25

Gaygwargu ng'asheega munyas aba badayda ASEETA Haw bea Humng'eeda, nea gwasawana fuga ghaydidi bea ASEETA Haw bea Humng'eeda, ak gayghwayam damanda ea deaweeda; ak gajeayiin geatindaanyi gilinuwaas, ea damanyooji iyeenya, ea gheadi mwahita damanda.

DANIELI 7:28

“Nih muudeanooda ng'asheega. Nea aniini, Danieli, ea niibealan ng'asheega mida uhuudeanyu, ak ghwayamwa oormeedeanyu; ak ghaayiinyi ng'asheanji jeeda uhuudeanyu.”

Ebraniya 1:11

suh gaygameewa, nea ang'iing'i gajabiidana; ak gaygawoosiidi sean ea gawuurji hang'da,

Giidaheechta 12:14

Ng'ata geataw gatmoodida meang'i iyeenya bea rabearda haw ak ghang'eata gawa dareapcheeda sheageewa ichiboodida, ak gawa heeda jea gweagiischi gheadi nuwaas, sheeh haradam ea iyeenya.