DANIELI 4:13 - Bibliyeeda Ghaydit

¹³ “Ak ghaadaayi aba jeeda giirgweatkeasu damanda eali aba bulaliida, ak ging'ulayi, ghwararang'aana humng'eeda malaykajeanda ghaydit.

DANIELI 4:13 Mawu Ofanana

AYUBU 12:24

Nea inyeesa gageandeawa fuga hees bea buuneeda fughareenga nyaawa, nea ghwanung' gaweelweel aba dareapcheeda manda naweeda.

NYIIGHEEGA 103:20

Abadiischeesiina NG'UTAMIIDA agoogeeda was malaykajeagaaschi agoogeeda oowooschi daruusi oosinayi ng'asheandaanyi, nea gooleeysiit ghuuta ng'asheandaanyi!

NYIIGHEEGA 89:7

ASEETA geewali muuchi aba girgweageeda fuga ghaydidi, aahaw ak geewali ea ghwalaabwa hoowa buuneesean neaweesa niny.

DANIELI 4:10

Asi giirgweatka eargweadayi nea gealili aba bulaliida suh: Ghaang'weardi ak ghaadaayi geeta haw aba bugusta ng'eanyiida; ak ea geaw muuchi.

DANIELI 4:17

Nih diigheanda siitaw malaykajeanda, was ng'asheanda leabu heeda ASEETA asagi ghaydit, ak abeeda ghwanal buuneesean gideaba ASEETA Haw bea humng'eeda gwandeawa uurda burdeawa sugoocheanduumeeda buuneeda ea gideaba ghoamu ghoadaw siida wassean loat, ak ghoadaw eara ea siida mwanang'eawa suurja.’

DANIELI 4:23

Iidu nea ghwadaah sugoocheanda malaykajeanda was dea ghaydit, ghwararang'aana humng'eeda ak gwayi, ‘Laja geeta ak gimulmulaadi, ak giibuudi mulooda ea hawungaaschi jeeda sigeeda, ak giradi bugusta ghealooda gharinyeanda ea lagheanga oomng'i, ak ginung'usi jeeda nyeega madamnyeanda, ak ginung' ghabwar siisi rahooda humng'eeda; ak ginung'waadi gwandeayi sea diyeanga jarooda, ea ghang'ata gweanyeew ispwa’;

DANIELI 4:5

Aniini geargweadayi giirgweatka nung' dabeal; damanda ealeewi aba bulaliida ak ghwanung' giirgweatkeasu dabeal.

DANIELI 7:1

Aba gweayda madeeda bea Belshasa was sugoocheanda Babeli, goorgweadi Danieli ak geahiimu aba jeeda uhuudeanyu damanda eali aba bulaliida, hean ghang'oar giirgweatka, ak gwarugu ng'asheega daah.

DANIELI 7:17

‘Diyeang'su asang'wan heesiin sugoodi ang'wani jea ghwahidu jeeda ng'eanyiida.

DANIELI 7:23

“Ng'ata gwayi: ‘Aba iita diyeanga asang'wan, gaygwanda sugoodi ang'wan badayda ng'eanyiida, jea eeheeleat sea sugoodiga sean, ak gayghwajoar ng'eanyiisean, ak gayghoalaapta ng'eanyi, ak gwanyarjeaweada.

DANIELI 8:13

Ng'ata ghaayiinyi ghuuta malaykajeanda ghaydit nea gabalool; ak gwayeesha malaykajeanda nuut ghaydit dea balool, “Gaygooyang'daan damandeaba Giirgweatsu bea iita haleanjeeda sisabwa geadi bea ghadooweedean, ea gidida was riing'eeda eadu nyariidean, gajeeyi bwak ea ghoah eeju nung'weadayda heeda ghaydit ea lugooda humng'eeda ea gheeda sibata ASEETA siilaapta ng'eanyi?”

SAKARIYA 14:5

Ak agooga gajasalda nea ghoayaachi naweeda moangoachiyda giijeegeasu. Aba gideaba moangoachiydida bea giijeegean gayghwadarda ea ghwahita Aseli. Ak gajasaldeayda gidaghayi oosaldeaydi aba damanda sawooda ng'eanyiida, bea damanda Usiya was sugoocheanda Yuda. Ak gayghwahidu NG'UTAMIIDA was ASEETEANYU, gayghwahidu nea goodeana fuga ghaydidi sean.

Mattayo 25:31

“Damanda jea ghwahina Orjeeda Siida aba jeeda giigheambiitaanyi, nea goodeana malaykajeega, hean gaygoopteada aba uhuuda hoorgeeda giigheambiitaanyi.

Marko 1:24

Goojuur nea gwayi, “Geendeayeesi naaha sea ang'iing'i Yesuheeda Nasareti? Guwuni lasa uhuudeanya? Ghaanali siida uwoosi guwoosi siida Ghaydit bea ASEETA!”

Lukka 4:34

“Seh! Ak gayhindaneasaan ang'iing'i Yesuheeda Nasareti? Ghwasaan anda giineayaneasa? Ghaanali siida uwoosi guwoosi dea Ghaydit bea ASEETA.”

GIIPKEATA DIIGHEANDA 33:2

Nea gwayeesha, “NG'UTAMIIDA gwaleabu Sinayi, ak gabusseasa aba Seyiri, ak ghoaboang'u aba giijeeda Barani, ak ghwahidu nea gwaleabu heeda sagalamnyooji damanamughuush bea Deaghaydit, mida meatkweeda geatindaanyi bea dugwa beasta yeat.

Yuuda 1:14

Aba badaydeaba suh Enoki aba seaygeedeaba ispwa ng'eada Adamu gayghwaramoaran, nea gwayi, “Ng'ula, Ng'utamiida ghwaan nea goodeana malaykajeagaaschi mwoamu eeyiida, gwanuuseada aba girgweaksiinda,

Giidaheechta 14:10

eara niny gayghwali difaayeeda nyarasta ASEETA, sisin nea meekuuyi gil aba jeeda gikoombeeyda nyarastaanyi, nea niny gajeesawan aba beasta ea giikayda aba madeeda malaykajeega ghaydidi, ea madeeda Dayeenda Gisilleanda.